2012ಡ್ ಪ್ರಾರಂಭ ಆತಿನ ಕರಾವಳಿ ಕ್ರಿಶ್ಚಿಯನ್ ಚೇಂಬರ್ ಆಫ್ ಕಾಮರ್ಸ್ ಆಯಂಡ್ ಇಂಡಸ್ಟ್ರಿದ 12ನೇ ವಾರ್ಷಿಕ ಸಹ ಮಿಲನ ಬೊಕ್ಕ 2024ನೇ ಸಾಲುದ ಪ್ರೇರಣ ಪ್ರಶಸ್ತಿ ಪ್ರದಾನ ಸಮಾರಂಭ ಸೆ.22ಗ್ ಬಯ್ಯಗ್ ಕಡಿಯಾಳಿಡುಪ್ಪುನ ಮಾಂಡವಿ ಸಭಾಭವನಡ್ ನಡಪರೆಗುಂಡ್ ಪಂಡುದು ಅಧ್ಯಕ್ಷ ಸಂತೋಷ್ ಡಿಸಿಲ್ವ ಬೊಕ್ಕ ಪ್ರಧಾನ ಕಾರ್ಯದರ್ಶಿ ಆಲ್ವಿನ್ ಕ್ವಾಡ್ರಸ್ ತೆರಿಪಾದೆರ್.
ಉಡುಪಿಡ್ ಸುದ್ದಿಗೋಷ್ಠಿಡ್ ಪಾತೆರಿನ ಆರು, ಕುಂದಾಪುರ ಕೋಣಿದ ಉದ್ಯಮಿ ಪಿಲಿಫ್ ಡಿಕೊಸ್ಟಾ ಅರೆಗ್ ವರ್ಷದ ಉದ್ಯಮಿ ಪ್ರಶಸ್ತಿಗ್, ಮಣಿಪಾಲದ ತನುಜಾ ಮಾಬೆನ್‌ ಅರೆಗ್ ವರ್ಷದ ಮಹಿಳಾ ವೃತ್ತಿ ನಿರತ ಪ್ರಶಸ್ತಿಗ್, ನಕ್ರೆ ಕಾರ್ಕಳದ ಡೆನೋಲ್ಡ್ ಜೆಸೆನ್ ಸಿಕ್ವೇರಾ ಮೆರೆನ್ ವರ್ಷದ ಯುವ ಉದ್ಯಮಿ ಪ್ರಶಸ್ತಿಗ್ ಬೊಕ್ಕ ಉಡುಪಿ ಕುತ್ಪಾಡಿ ಗ್ರಾಮದ ಜೂಲಿಯನ್ ದಾಂತಿ ಅರೆಗ್ ವರ್ಷದ ಪ್ರಗತಿಪರ ಕೃಷಿಕ ಪ್ರಶಸ್ತಿಗ್ ಆಯ್ಕೆ ಮಲ್ದುಂಡ್.
ಪ್ರಶಸ್ತಿ ಪ್ರದಾನ ಸಮಾರಂಭ ಸೆ.22ಗ್ ಬಯ್ಯಗ್ 5:00ಗಂಟೆಗ್ ಕಡಿಯಾಳಿದ ಮಾಂಡವಿ ಸಭಾಭವನಡ್ ನಡಪರೆಗುಂಡ್. ಕಾರ್ಯಕ್ರಮಡ್ ವಿಧಾನಪರಿಷತ್ ಸದಸ್ಯ ಐವನ್ ಡಿಸೋಜ, ಕಾರವಾರದ ಸೈಂಟ್ ಮಿಲಾಗ್ರಿಸ್ ಕ್ರೆಡಿಟ್ ಸೌಹಾರ್ದ ಕೋಆಪರೇಟಿವ್ ಸೊಸೈಟಿದ ಅಧ್ಯಕ್ಷ ಜಾರ್ಜ್ ಫೆರ್ನಾಂಡೀಸ್, ಕೊಂಕಣಿ ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷೆ ಜೋಕಿಂ ಸ್ಟ್ಯಾನಿ ಅಲ್ವಾರಿಸ್ ಪಾಲ್ ಪಡೆಯರೆಗುಲ್ಲೆರು.
ಪತ್ರಿಕಾಗೋಷ್ಠಿಡ್ ಸಂಸ್ಥೆದ ಗೌರವಾಧ್ಯಕ್ಷ ಡಾ.ಜೆರ್ರಿ ವಿನ್ಸೆಂಟ್ ಡಯಾಸ್, ನಿರ್ದೇಶಕೆರಾಯಿನ ಲೂಯಿಸ್ ಲೋಬೊ, ವಿಲ್ಸನ್ ಡಿಸೋಜ, ವಾಲ್ಟರ್ ಸಲ್ಡಾನ, ಕುಂದಾಪುರದ ಜೀವನ್ ಸಾಲಿನ್ಸ್ ಉಪಸ್ಥಿತರಿತ್ತೆರು.
by 