ಹಿಂದೂ ಸಮಾಜೊಡ್ ಪೋಡಿಗೆದ ವಾತಾವರಣ ನಿರ್ಮಾಣ ಆತುಂಡ್.

ರಾಜ್ಯೊಡ್ ಕಾಂಗ್ರೆಸ್ ಆಡಳಿತಗ್ ಬತ್ತಿನ ಬೆರಿಕೇ ಹಿಂದೂ ಕಾರ್ಯಕರ್ತೆರೆನ ಮಿತ್ತ್ ಬೇತೆ ಬೇತ ರೀತಿದ ಆಕ್ರಮಣೊಲು ಹೆಚ್ಚಾವೊಂದುಂಡ್.. ಹಿಂದೂ ಕಾರ್ಯಕರ್ತೆರೆನ ಮಿತ್ತ್ ಸುಳ್ಳು ಕೇಸುಲೆನ್ ದಾಖಲಿಸಾದ್ ಅಕಲೆಗ್ ದೊಂಕುದ್ ಹಿಂಸೆ ಕೊರ್ಪುನ್ ಬೊಕ್ಕ ಪೋಡಿಗೆದ ವಾತಾವರಣ ನಿರ್ಮಾಣ ಮಲ್ಪುನ ಪ್ರಕ್ರಿಯೆ ನಡತೊಂದುಂಡ್., ಜೈನ ಮುನಿ ಆಚಾರ್ಯ ಕಾಮಕುಮಾರ ನಂದಿ ಮಹಾರಾಜೆರ್ ಬೊಕ್ಕ ಯುವ ಬ್ರಿಗೇಡ್ ನ ಶ್ರೀ. ವೇಣುಗೋಪಾಲ ಮೊಕ್ಲೆನ ಹತ್ಯೆ, ಸೇರಿನಂಚ ನನಲಾ ಕೆಲವು ಘಟನೆಲು ಹಿಂದೂ ಸಮಾಜೊಡ್ ಪೋಡಿಗೆದ ವಾತಾವರಣ ನಿರ್ಮಾಣ ಮಲ್ದುಂಡ್ . ಆತೇ ಅತ್ತಾವಂದೆ ಮೊರನಿ ಬೆಂಗಳೂರುದ ಪ್ರತೀ ಐತಾರದಾನಿ ನಡತೊಂದಿತ್ತಿನ ನಾಗರಕಟ್ಟೆದ ಪೂಜೆಗ್ ಪೊಲೀಸೆರು ನೋಟಿಸ್ ಜಾರಿ ಮಲ್ತುದೆರ್. ಬಕ್ರೀದ್ ಪೊರ್ತುಡ್ ಬಾದಾಮಿ, ಶಿಕಾರಿಪುರ, ಶಿರಸಿ ಸೇರಿನಂಚ ಕೆಲವ್ ಕಡೆಟ್ ಅಕ್ರಮವಾದ್ ಗೋಹತ್ಯೆ ಮಲ್ತುದ್ , ಪೆತ್ತದ ಎಲುನ್ ದೇವಸ್ಥಾನ, ಹಿಂದೂಲೆನ ಇಲ್ಲದ ಎದುರು ದಕ್ಕುದ್ ಕಾನೂನು ಸುವ್ಯವಸ್ಥೆಗ್ ಧಕ್ಕೆ ಕನದೆರ್, ಅಂಚಾದ್ ಹಿಂದೂ ಕಾರ್ಯಕರ್ತರೆಗ್ ರಕ್ಷಣೆ ಕೊರೊಡ್ ಹಿಂದೂ ಧರ್ಮಗಾದ್ ಪೊರಂಬಾಟ ಮಲ್ಪುನಕ್ಲೆಗ್ ರಕ್ಷಣೆ ಕೊರೊಡುಂದ್ , ಹಿಂದೂಲೆನ ಮಿತ್ತ್ ಆಕ್ರಮಣ ಮಲ್ಪನಕ್ಲೆನ ಮಿತ್ತ್ ಕಠಿಣ ಕಾನೂನು ಕ್ರಮ ದೆತೊನೊಡ್ ಪಂಡುದ್ ರಾಜ್ಯ ಸರಕಾರಗ್ ನಿರ್ದೇಶನ ಕೊರೊಡ್ ಪಂಡುದ್ ಆಗ್ರಹಿಸಾದ್ ಉಡುಪಿಡ್ ಹಿಂದೂ ರಾಷ್ಟ್ರ ಜಾಗೃತಿ ಆಂದೋಲನ ನಡೊಪಾಯೆರ್. ಬೊಕ್ಕ ಉಡುಪಿ ಜಿಲ್ಲೆದ ಅಪರ ಜಿಲ್ಲಾಧಿಕಾರಿಲಾಯಿನ ವೀಣಾ ಬಿ. ಎನ್. ಮೆರೆನ ಮೂಲಕ ಮಾನ್ಯ ರಾಜ್ಯಪಾಲರೆಗ್ ಮನವಿನ್ ಕೊರಿಯರ್. ಈ ಪೊರ್ತುಡ್ ಶ್ರೀ ರಾಮ ಸೇನೆದ ಉಡುಪಿ ಜಿಲ್ಲಾಧ್ಯಕ್ಷೆರಾಯಿನ ಶ್ರೀ ಜಯರಾಮ ಅಂಬೇಕಲ್, ಪ್ರಧಾನ ಕಾರ್ಯದರ್ಶಿ ಶರತ್ ಮಣಿಪಾಲ, ಭಾರತೀಯ ಜೈನ್ ಮಿಲನ್ ಸಂಘಟನೆದ ಕಾರ್ಯಧ್ಯಕ್ಷೆರಾಯಿನ ಶ್ರೀ ಕೆ. ಪ್ರಸನ್ನ ಕುಮಾರ್, ಅಧ್ಯಕ್ಷೆರಾಯಿನ ಶ್ರೀಮತಿ ದೀಪಾರಾಣಿ, ಕಾರ್ಯದರ್ಶಿಲಾಯಿನ ಶ್ರೀಮತಿ ಶ್ವೇತಾ, ಸದಸ್ಯೆರಾಯಿನ ಡಾ. ಆಕಾಶ ರಾಜ್ ಜೈನ್, ಡಾ. ಮಾನಸ ಜೈನ್ ಬೊಕ್ಕ ವೈ ಸುಧೀರ್ ಎರ್ಮಾಳು ಮೊಕುಲು ಬೊಕ್ಕ ಹಿಂದೂ ಜನಜಾಗೃತಿ ಸಮಿತಿದ ವಿಶ್ವನಾಥ ನಾಯಕ್, ರತೀಶ್ ಶೆಟ್ಟಿ ಬೊಕ್ಕ ದೇವೇಂದ್ರ ಪ್ರಭು ಮೊಕುಲು ಉಪಸ್ಥಿತರಿತ್ತೆರು.

ವಕ್ಫ್ ಬೋರ್ಡ್ ವಶಪಡಿಸಾವೊಂದಿನ ಭೂಮಿನ್ ಮೂಲ ಮಾಲೀಕರೆಗ್ ಪಿರ ಕೊರೊಡ್ !

ಕರ್ನಾಟಕದ ಬೇತೆ ಬೇತೆ ಜಿಲ್ಲೆಲೆಡ್ ವಕ್ಫ್ ಬೋರ್ಡ್ ತನ್ನ ಕಾನೂನುನ್ ದುರುಪಯೋಗ ಮಲ್ತೊಮಲ್ತೊಂದ್ ಸರಕಾರಿ ಬೊಕ್ಕ ಖಾಸಗಿ ಜಮೀನುಲೆನ್ ತನ್ನ ನಿಯಂತ್ರಣಗ್ ಕನದುಂಡ್. ಆ ಮೂಲಕ ದೇಶೊಡ್ 8 ಲಕ್ಷ ಎಕರೆ ಜಮೀನುನ್ ಕಬಳಿಸಾದುಂಡ್. ಉಂದೊಂಜಿ ಮಲ್ಲ ‘ಲ್ಯಾಂಡ್ ಜಿಹಾದ್’ ಆತುಂಡ್. ಅಂಚಾದ್ ಈ ಕಾನೂನುನ್ ರದ್ದು ಮಲ್ತುದ್ ಜಮೀನುದ ನಿಜವಾಯಿನ ಮಾಲೀಕರೆಗ್ ಅಯಿತ್ತ ಅಧಿಕಾರೊನ್ ಕೊರೊಡ್. ದೇಶೊಡ್ ’ಸಮಾನ ನಾಗರಿಕ ಕಾನೂನು’ ಜಾರಿಗೆ ಕನಪಿನ ಮೂಲಕ ಅಲ್ಪಸಂಖ್ಯಾತರೆನ ಪುದರುಡ್ ಜಾರಿಡುಪ್ಪುನ ಮಾತಾ ವಿಶೇಷ ಸೌಲಭ್ಯೊಲು, ಕಾನೂನುಲು, ಆಯೋಗಲು, ಮಂಡಳಿಲು, ಸರಕಾರಿ ಇಲಾಖೆಲೆನ್ ರದ್ದುಮಲ್ಪಿಡ್ ಬೊಕ್ಕ ಮಾತೆರೆಗುಲಾ ಸಮಾನ ನಡವಳಿಕೆ ಸಿಕ್ಕುಲೆಕ್ ಆವೊಡ್. ಈ ಬೇಡಿಕೆಲೆನ್ ಅಂಗೀಕಾರ ಮಲ್ತುಜಿಡ ‘ವಕ್ಫ್ ಕಾನೂನು’ ವಿರುದ್ಧ ಪ್ರಬಲ ಚಳವಳಿ ಮಲ್ಪೊಡಾಪುಂಡ್ ಪಂಡುದು ಈ ಆಂದೋಲನದ ಮೂಲಕ ಎಚ್ಚರಿಕೆ ಕೊರಿಯೆರ್..