ವಿಶ್ವ ಪುರುಷೆರೆನ ದಿನಾಚರಣೆ

ಪುರುಷೆರು ಬೊಕ್ಕ ಮಹಿಳೆಯೆರು ಒಂಜೇ ನಾಣ್ಯದ ರಡ್ಡ್ ಮೋನೆಲು ಪನ್ಪಿನೇಟ್ ರಡ್ಡ್ ಪಾತೆರ ಇಜ್ಜಿ. ಅಂಚೆನೇ ಉಡುಪಿದ ಮಲಬಾರ್ ಗೋಲ್ಡ್ ಶಾಪ್ ಡ್ ನವೆಂಬರ್ 19ತಾರೀಕುದಾನಿ ಪುರುಷೆರೆನ ದಿನಾಚರಣೆ ಆಚರಣೆ ಮಲ್ತೆರ್. ಕಾಪು ಶಾಲೆದ ಪ್ರಾಂಶುಪಾಲೆರಾಯಿನ ಜಿ.ಎಸ್.ನಾಗರಾಜ್ ಮೇರು ಕಜ್ಜೊದ ಗುರ್ಕಾರ್ಮೆಡಿತ್ತೆರ್. ಮಲ್ಲ ಬಿನ್ನೆರಾದ್ ರವಿರಾಜ್ ಹೆಚ್.ಪಿ., ವಿ.ಜಿ.ಶೆಟ್ಟಿ, ಜನಾರ್ಧನ್ ಕೊಡವೂರು ಬೊಕ್ಕ ಪುರಂದರ ತಿಂಗಳಾಯೆರ್ ಉಪಸ್ಥಿತರಿತ್ತೆರ್. ಪುರುಷರ ದಿನಾಚರಣೆ ಕಾರ್ಯಕ್ರಮದ ಸಂಚಾಲಕಿ ವಿದ್ಯಾ ಸರಸ್ವತಿ ಸ್ವಾಗತ ಮಲ್ತುದ್. ಹಾಸ್ಯ ಕಲಾವಿದೆ ಸಂಧ್ಯಾ ಶೆಣೈ ಪ್ರಾಸ್ತವಿಕ ಪಾತೆರಿಯೆರ್. ಮೂಜಿ ಜನ ಸಾಧಕೆರಾಯಿನ ವಿಶ್ವನಾಥ್ ಶೆಣೈ, ವಿಶು ಶೆಟ್ಟಿ ಅಂಬಲಪಾಡಿ ಬೊಕ್ಕ ಸುಶಾಂತ್ ಕೆರೆಮಟ್ ಮೊಕ್ಲೆನ್ ಮಾನಾದಗೆ ಮಲ್ತೆರ್ .ಜ್ಯೋತಿ ದೇವಾಡಿಗ, ಪೂರ್ಣಿಮಾ ಜನಾರ್ದನ್ ಬೊಕ್ಕ ದಯಾಶಿನಿ ಮೊಕುಲು ಮಾನಾದಿಗೆದ ಓಲೆ ಓದಿಯೆರ್. ಪುರುಷೆರೆನ ಬಗ್ಗೆ ವಾಸಂತಿ ಅಂಬಲಪಾಡಿ ಮೇರ್ ಕವನ ವಾಚನ ಮಲ್ತೆರ್. ಕಾವ್ಯ ಪೂಜಾರಿ ನಿರೂಪಣೆ ಮಲ್ತುದ್, ತಾರಾ ಆಚಾರ್ಯ ಸೊಲ್ಮೆ ಸಂದಾಯ್ತ ಮಲ್ತೆರ್.