ರಾಧಾಕ್ರಷ್ಣ ತೋಡಿಕಾನ ಮೆರೆಗ್ ಪತ್ರಿಕಾ ದಿನತ್ತ ಮಾನಾದಿಗೆ.

ಪತ್ರಿಕಾ ದಿನಾಚರಣೆದ ಅಂಗವಾದ್ ಹಿರಿಯ ಪತ್ರಕರ್ತೆರಾಯಿನ ಕಾರ್ಕಳದ ರಾಧಾಕ್ರಷ್ಣ ತೋಡಿಕಾನ ಮೆರೆಗ್ ಪತ್ರಿಕಾ ದಿನಾಚರಣೆದ ಮಾನಾದಿಗೆ ಮಲ್ತೆರ್.ಕರಿನ 30‌ವರ್ಷೊಡಿಂಚಿ ಗ್ರಾಮೀಣ ಪತ್ರಕರ್ತೆರಾದ್,20 ವರ್ಷೊಡಿಂಚಿ ಕ್ರಷಿ ಪತ್ರಿಕೋದ್ಯಮಡ್ ತೊಡಗಿಸಾವೊಂದ್ ಗ್ರಾಮೀಣ ಭಾಗದ ಸಮಸ್ಯೆಲೆಗ್ ಸ್ಪಂದನೆ ಕೊರೊಂದುಲ್ಲೆರ್.ಪ್ರಗತಿಪರ ಸಾಧಕೆರೆನ್ ನಾಡುಗ್ ಪರಿಚಯ ಮಲ್ಪುನ ಮಹಾತ್ಕಾರ್ಯೊನ್ ಮಲ್ತೊಂದುಲ್ಲೆರ್.ಮೆರೆನ ಸಾಧನೆನ್ ಮೆಚ್ಚಿದ್ ಉಡುಪಿ ಪತ್ರಕರ್ತರ ಸಂಘ ಬೊಕ್ಕ ರಜತ ಮಹೋತ್ಸವ ಸಮಿತಿದ ವತಿಡ್ದ್ ಪತ್ರಿಕಾ ದಿನಾಚರಣೆದ ಗೌರವ ಮಾನಾದಿಗೆ ಮಲ್ತೆರ್.

ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ & ರಜತ ಮಹೋತ್ಸವ ಸಮಿತಿದ ವತಿಡ್ದ್ ಉಡುಪಿದ ಐಎಮ್ ಎ ಭವನೊಡ್ ನಡತಿನ ಪತ್ರಕರ್ತರ ದಿನಾಚರಣೆದ ಕಾರ್ಯಕ್ರಮೊಡ್ ಮೆರೆಗ್ ಮಾನಾದಿಗೆ ನಡತುಂಡ್..ಈ ಪೊರ್ತುಡ್ ಕುಂದಾಪುರ ಉಪವಿಭಾಗಾಧಿಕಾರಿ ರಶ್ಮಿ ಎಸ್.ಆರ್, ಸುದ್ದಿಯಾನ ಡಿಜಿಟಲ್ ಮೀಡಿಯಾದ ಹರಿಪ್ರಸಾದ್ ಎ., ಕನ್ನಡ ಜಾನಪದ ಪರಿಷತ್ತುದ ಉಡುಪಿ ಜಿಲ್ಲಾಧ್ಯಕ್ಷೆರಾಯಿನ ಡಾ. ತಲ್ಲೂರು ಶಿವರಾಮ ಶೆಟ್ಟಿ, ಪತ್ರಕರ್ತರ ಸಂಘದ ಉಡುಪಿ ಜಿಲ್ಲಾ ಉಸ್ತುವಾರಿ ಅಜ್ಜಮಾಡ ರಮೇಶ್ ಕುಟ್ಟಪ್ಪ, ರಾಜ್ಯ ಸಮಿತಿದ ಅಧ್ಯಕ್ಷೆರಾಯಿನ ಕಿರಣ್ ಮಂಜನಬೈಲು,ರಜತ ಮಹೋತ್ಸವ ಸಮಿತಿದ ಸಂಚಾಲಕೆರಾಯಿನ ಮಹಮ್ಮದ್ ಶರೀಫ್, ಜಯಕರ ಸುವರ್ಣ,ಅಜಿತ್ ಹಾರಾಡಿ,ನಝೀರ್ ಪೊಲ್ಯ,ರಾಕೇಶ್ ಕುಂಜೂರು ಉಪಸ್ಥಿತರಿತ್ತೆರ್.