ರೈಲ್ವೆ ಸಮಸ್ಯೆ ನಿವಾರಣೆಗಾದ್ ಬಿನ್ನಪ

ಕುಡ್ಲದ ರೈಲ್ ದ ಸಮಸ್ಯೆ ದೂರ ಮಲ್ಪರೆ ಬಿನ್ನಾಪು ಕೊರಿನ ಕ್ಯಾಪ್ಟನ್ ಬ್ರಿಜೇಶ್ ಚೌಟ

ಕುಡ್ಲ : ಜುಲೈ 12: ಕುಡ್ಲದ ರೈಲ್ ಸೇವೆಡ್ ಆಪಿನ ಸಮಸ್ಯೆಲೆನ್ ಇತ್ಯರ್ಥ ಮಲ್ಪರೆ ಕ್ರಮ ದೆತೊನೊಡು ಪಂದ್ ಕೋರ್ ದ್ ಸಂಸದೆರಾಯಿನ ಕ್ಯಾ.ಬ್ರಿಜೇಶ್ ಚೌಟ ರೈಲ್ವೆ ರಾಜ್ಯ ಸಚಿವ ವಿ. ಸೋಮಣ್ಣ ಮೆರೆಗ್ ಲೆಪ್ಪೋಲೆ ಕೊರ್ತೆರ್.

‘ಕೊಂಕಣ ರೈಲ್ವೆ ನಿಗಮನ್ (ಕೆಆರ್‌ಸಿಎಲ್) ಭಾರತೀಯ ರೈಲ್ವೆದ ಒಟ್ಟುಗು ವಿಲೀನ ಮಲ್ಪೊಡು ಪನ್ಪಿನವು ಕೊಂಕಣ ತೀರದ ಪ್ರಯಾಣಿಕೆರ್ನ ಬಹುಕಾಲದ ಬೇಡಿಕೆ ಆದುಂಡು.

ಸ್ವತಂತ್ರ ಸಂಸ್ಥೆಯಾಯಿನ ಕೆಆರ್‌ಸಿಎಲ್ ಹಣಕಾಸು ಬಿಕ್ಕಟ್ಟು ಎದುರಿಸಾವೊಂದು . ಮುಖ್ಯ ರೈಲ್ವೆ ಮೂಲಸೌಕರ್ಯಲೆಗ್ ಬೇತೆ ವಲಯದ ಮಿತ್ತ್ ಅವಲಂಬಿತ ಆದ್ ಉಪ್ಪೊಡು . ಈ ಸಮಸ್ಯೆ ನಿವಾರಣೆ ಮಲ್ಪರೆ ಈ ವಿಲೀನ ಅವಶ್ಯ’ ಪಂದ್ ಲೆಪ್ಪು ಕೊರ್ತೆರ್.