ರಾಜ್ಯೋತ್ಸವ ಪ್ರಶಸ್ತಿ.

ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘಗ್ 2024ನೇ ಸಾಲುದ  ಉಡುಪಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ

ಉಡುಪಿ: 25 ವರ್ಷಲೆನ್ ಪೂರೈಸುದ್ ರಜತ ಮಹೋತ್ಸವ ಸಂಭ್ರಮಡುಪ್ಪುನ  ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ ಈ ಸರ್ತಿದ  ಉಡುಪಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿಗ್ ಆಯ್ಕೆಯಾತುಂಡ್.

ದ.ಕ. ಜಿಲ್ಲೆಡ್ದ್  ಪ್ರತ್ಯೇಕವಾದ್  1997ಡ್  ಪೊಸ  ಉಡುಪಿ ಜಿಲ್ಲೆ ರಚನೆಯಾಯಿನ ಹಿನ್ನೆಲೆಡ್  ಉಡುಪಿ ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘ  1998ಡ್ ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘವಾದ್ ಸ್ಥಾಪನೆ ಆಂಡ್. ಹಿರಿಯ ಪತ್ರಕರ್ತ ದಿವಂಗತ ದಾಮೋದರ್ ಐತಾಳ್ ಸ್ಥಾಪಕಾಧ್ಯಕ್ಷೆರಾದ್ ಕಾರ್ಯನಿರ್ವಹಣೆ ಮಲ್ದಿತ್ತುದ್, ಅಲ್ಪಡ್ದ್  ಕೆಲವು ಹಿರಿಯ ಪತ್ರಕರ್ತರ ಅಧ್ಯಕ್ಷತೆಡ್  ಸಂಘ  ಬೇತೆ ಬೇತೆ ಚಟುವಟಿಕೆಲೆನ್  ನಡಪಾವೊಂದ್  ಇತ್ತೆ 25ನೇ ವರ್ಷನ್  ಪೂರೈಸುದ್  ರಜತ ಮಹೋತ್ಸವದ ಸಂಭ್ರಮಡು ಉಂಡು.

ರಾಜ್ಯ ಸರಕಾರಡ್ದ್ ಮಾನ್ಯತೆ ಪಡೆಯಿನ  ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘ(ರಿ) ದ  ಅಧೀನಡುಪ್ಪುನ ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘಡ್  ಪ್ರಸ್ತುತ 2023-24ನೇ ಸಾಲುಡ್  ಜಿಲ್ಲೆಯಾದ್ಯಂತ ಒಟ್ಟು 185 ಮಂದಿ ಸದಸ್ಯರ್ ಉಲ್ಲೆರ್.

ಸಂಘದ ಅಧೀನಡ್  ಬೈಂದೂರು, ಕುಂದಾಪುರ, ಕಾರ್ಕಳ, ಹೆಬ್ರಿ, ಬ್ರಹ್ಮಾವರ, ಕಾಪು ತಾಲೂಕು ಸಂಘೊಲು ಬೊಕ್ಕ ಉಡುಪಿ ಪತ್ರಿಕಾ ಭವನ ಸಮಿತಿ ಕಾರ್ಯನಿರ್ವಹಣೆ ಮಲ್ತೊಂದುಂಡ್. ಸಂಘ  ಉಡುಪಿ ಬ್ರಹ್ಮಗಿರಿತ್ತ  ನಾಯರ್‌ಕೆರೆಡುಪ್ಪುನ  ಪತ್ರಿಕಾ ಭವನಡ್  ಕೇಂದ್ರ ಕಚೇರಿದೊಟ್ಟುಗ್ ಕಾರ್ಯಾಚರಣೆ ಮಲ್ತೊಂದುಂಡ್. ಪ್ರತಿವರ್ಷ ಸಂಘದ ಸದಸ್ಯರೆಗ್  ಸದಸ್ಯತ್ವದ ಗುರುತು ಚೀಟಿನ್  ವಿತರಣೆ ಮಲ್ಪುಂಡ್.

ಸಂಘ  ಸಂಘದ ಸದಸ್ಯೆರೆಗಾದ್  ಕೆಲವು ಮಹತ್ತರ ಯೋಜನೆ, ಯೋಚನೆಲೆನ್  ಅನುಷ್ಟಾನಗ್  ಕನದಿತ್ತುದ್, ಸಾಮಾಜಿಕವಾದುಲಾ ತೊಡಗಿಸಾವೊಂದುಂಡ್. ಪ್ರತಿವರ್ಷ ಜುಲೈ ಒಂಜಿ ತಾರೀಕುಗ್  ಪತ್ರಿಕಾ ದಿನ ಆಚರಣೆ ಮಲ್ತುದ್ ಪತ್ರಕರ್ತೆರೆಗ್  ಬೊಕ್ಕ ಪತ್ರಿಕೋದ್ಯಮ ವಿದ್ಯಾರ್ಥಿಲೆಗ್  ಪತ್ರಿಕೆದ  ಮಹತ್ವನ್  ತೆರಿಪಾವುನ  ಕಾರ್ಯ ಮಲ್ತೊಂದ್  ಬರೊಂದುಂಡ್. ಈ  ಸಂದರ್ಭಡ್  ಪತ್ರಿಕೋದ್ಯಮಗ್ ಸೇವೆ ಸಲ್ಲಿಸಾಯಿನ ಹಿರಿಯ ಪತ್ರಕರ್ತೆರೆನ್  ಗುರುತಿಸಾವೊಂದ್ ಪತ್ರಿಕಾ ದಿನದ ಗೌರವನ್ ಕೊರೊಂದುಂಡ್.

ಅಂಚೆನೇ  ಪತ್ರಿಕೋದ್ಯಮ ವಿದ್ಯಾರ್ಥಿ ವಿದ್ಯಾರ್ಥಿ ವೇತನ ಬೊಕ್ಕ  ಎಸೆಸೆಲ್ಸಿ ಬೊಕ್ಕ  ಪಿಯುಸಿ ಪರೀಕ್ಷೆಡ್  ಎಡ್ಡೆ ಅಂಕ ಪಡೆಯಿನ  ಸಂಘದ ಸದಸ್ಯರೆನ  ಜೋಕ್ಲೆಗ್ ಪ್ರೋತ್ಸಾಹ ಧನ  ವಿತರಣೆ ಮಲ್ತೊಂದುಂಡ್. ಪ್ರತಿವರ್ಷ ಕ್ರೀಡಾಕೂಟ ಆಯೋಜನೆ ಮಲ್ಪುನ ಮೂಲಕ ಸದಾ ಕಾರ್ಯ ಒತ್ತಡಡುಪ್ಪುನ  ಪತ್ರಕರ್ತೆರೆಡ ಮಾನಸಿಕ ನೆಮ್ಮದಿ ಬೊಕ್ಕ ಕ್ರೀಡಾಸ್ಪೂರ್ತಿನ್  ಮೂಡಿಸಾವುನ ಕಾರ್ಯೊನ್   ಸಂಘ ಮಲ್ತೊಂದ್  ಬರೊಂದುಂಡ್.ಪ್ರತಿವರ್ಷ ಸಂಘದ ಸದಸ್ಯೆರೆಗ್  ಧರ್ಮಾರ್ಥ ಸಾಮಾನ್ಯ ಆರೋಗ್ಯ ತಪಾಸಣಾ ಶಿಬಿರೊನ್  ಸಂಘ ಆಯೋಜನೆ ಮಲ್ದುಂಡ್. ಸಂಘದ ಸದಸ್ಯರೆಗ್ ಪ್ರತಿವರ್ಷ ವಾರ್ಷಿಕ ಪ್ರವಾಸನ್ ಮಲ್ತೊಂದ್ ಬರೊಂದುಂಡ್.

ರಜತ ಮಹೋತ್ಸವದ ಹಿನ್ನೆಲೆಡ್  ವರ್ಷ ಇಡೀ 25 ಕಾರ್ಯಕ್ರಮಲೆನ್  ಸಂಘ ಯಶಸ್ವಿಯಾದ್ ನಡಪಾದುಂಡ್. ಮುಖ್ಯವಾದ್  ರಜತ ಮಹೋತ್ಸವ ಪ್ರಯುಕ್ತ ಸಂಘದ ಸದಸ್ಯೆರೆಗ್  ಕ್ಷೇಮಾಭಿವೃದ್ಧಿ ನಿಧಿನ್  ಸ್ಥಾಪಿಸಾದ್  ಆ ಮೂಲಕ ಅನಾರೋಗ್ಯ ಪೀಡಿತ ಬೊಕ್ಕ ಅಪಘಾತ  ಆಪಿನ  ಸಂಘದ ಸದಸ್ಯೆರೆಗ್  ನೆರವು ಕೊರ್ಪಿನ  ಕಾರ್ಯೊನ್  ಮಲ್ತೊಂದುಂಡ್. ಪೊಸ ತಂತ್ರಜ್ಞಾನಗ್  ಒಗ್ಗುನ ನಿಟ್ಟುಡ್  ಸಂಘದ ಯೂಟ್ಯೂಬ್ ಚಾನೆಲ್ ಬೊಕ್ಕ  ಫೇಸ್‌ಬುಕ್ ಪೇಜ್ ಆರಂಭಿಸಾದ್ , ತಮ್ಮ ಕಾರ್ಯಕ್ರಮದ  ದಾಖಲೀಕರಣ ಕಾರ್ಯ ಮಲ್ತೊಂದುಂಡ್..

ಸಂಘ  ಕೋವಿಡ್ ಸಂದರ್ಭಡ್  ಬಡಾ ಪತ್ರಿಕಾ ವಿತರಕೆರೆಗ್ ಬೊಕ್ಕ  ಸಂಘದ ಸದಸ್ಯೆರೆಗ್  ಪಡಿತರ ಕಿಟ್‌ ಲೆನ್  ವಿತರಣೆ ಮಲ್ದುಂಡ್. ಸಂಘದ ಆಶ್ರಯಡ್  ಉಡುಪಿ ಜಿಲ್ಲಾ ಆರೋಗ್ಯ ಬೊಕ್ಕ  ಕುಟುಂಬ ಕಲ್ಯಾಣ ಇಲಾಖೆದ  ವತಿಡ್ದ್  ಕೊರೋನಾ ಹಿನ್ನೆಲೆಡ್  ಸಂಘದ ಸದಸ್ಯೆರೆಗ್ ಕೋವಿಶೀಲ್ಡ್ ಡೋಸ್‌ ಲೆನ್ ವಿತರಣೆ ಮಲ್ದುಂಡ್.

ಸಂಘದ ವತಿಡ್ದ್  ಮಾಧ್ಯಮ ಸಂವಾದ  ಕಾರ್ಯಕ್ರಮನ್  ಮಲ್ತೊಂದಿತ್ತುದ್, ನೇಟ್  ಸಚಿವೆರು, ವಿವಿಧ ಇಲಾಖೆದ ಅಧಿಕಾರಿಲು, ಕಾನೂನು ತಜ್ಞೆರು, ವೈದ್ಯೆರು ಬೊಕ್ಕ ಗಣ್ಯೆರು ಪಾಲ್ ಪಡೆಯೊಂದುಲ್ಲೆರ್. ಈ ಮೂಲಕ ಬೇತೆ ಬೇತೆ ಮಾಹಿತಿ, ಬೇತೆ ಬೇತೆ ಸಮಸ್ಯೆಲೆನ ಬಗ್ಗೆ ಗಮನ ಕೊರ್ಪಿನ ಕಾರ್ಯ ಮಲ್ತೊಂದುಂಡ್.

ಈ ಸಂವಾದ ಕಾರ್ಯಕ್ರಮಡ್  ಇದಮುಟ್ಟ  ಜಿಲ್ಲಾಧಿಕಾರಿ ಜಿ.ಜಗದೀಶ್, ಮಂಗಳೂರು ವಿವಿ ಸಿಂಡಿಕೇಟ್ ಸದಸ್ಯ ಬೊಕ್ಕ ವಕೀಲ ವಿವೇಕಾನಂದ ಪನಿಯಾಲ, ರಾಜ್ಯ ಇಂಧನ ಹಾಗೂ ಕನ್ನಡ ಮತ್ತು ಸಂಸ್ಕೃತಿ ಇಲಾಖಾ ಸಚಿವ ವಿ.ಸುನೀಲ್ ಕುಮಾರ್, ಉಡುಪಿ ಜಿಲ್ಲಾ ಪೊಲೀಸ್ ಅಧೀಕ್ಷಕ ವಿಷ್ಣುವರ್ಧನ್, ಉಡುಪಿ ಪ್ರಾದೇಶಿಕ ಸಾರಿಗೆ ಅಧಿಕಾರಿ ಜೆ.ಪಿ.ಗಂಗಾಧರ, ಉಡುಪಿ ಜಿಲ್ಲಾಧಿಕಾರಿ ಕುರ್ಮಾರಾವ್, ಕರ್ನಾಟಕ ರಾಜ್ಯ ಹಿಂದುಳಿದ ವರ್ಗಗಳ ಆಯೋಗದ ಅಧ್ಯಕ್ಷ ಕೆ.ಜಯಪ್ರಕಾಶ್ ಹೆಗ್ಡೆ, ಉಡುಪಿ ಜಿಲ್ಲಾ ಪೊಲೀಸ್ ಅಧೀಕ್ಷಕ ಡಾ.ಕೆ.ಅರುಣ್ ಮೊಕುಲು ಪಾಲ್ ಪಡೆದೆರ್.

ಕರಿನ  ಹಡಿಲು ಭೂಮಿ ಕೃಷಿ ಆಂದೋಲನದಡಿ ಕೇದಾರೋತ್ಥಾನ ಟ್ರಸ್ಟ್ ಮೂಲಕ ಬ್ರಹ್ಮಾವರ ತಾಲೂಕುದ ಹಾರಾಡಿ ಗ್ರಾಪಂ ವ್ಯಾಪ್ತಿಡ್ ನಡತಿನ  ಪಡಿಲು ಭೂಮಿ ಕೃಷಿ ನಾಟಿ ಕಾರ್ಯಡ್  ಸಂಘದ ಸದಸ್ಯೆರು ಕೈಜೋಡಿಸಾದ್   ಸಾಮಾಜಿಕ ಕಾರ್ಯಡುಲಾ ತಮ್ಮನ್ನು ತೊಡಗಿಸಾವೊಂದುಂಡ್. ಕರಿನ ವರ್ಷ ವಿವಿಧ ಸಂಘಲೆನ ಸಹಯೋಗದೊಟ್ಟುಗ್  ಪತ್ರಕರ್ತರೆಗಾದ್ ಆತ್ಮಹತ್ಯೆ ನಿಯಂತ್ರಣ: ಸಾಮಾಜಿಕ ಜವಾಬ್ದಾರಿ ಬಗೆಟ್ ವಿಚಾರ ಸಂಕಿರಣ  ಉಡುಪಿ ಪತ್ರಿಕಾ ಭವನಡ್ ಆಯೋಜನೆ ಮಲ್ದುಂಡ್.

ಜಿಲ್ಲೆಡ್  ಕಾರ್ಯನಿರ್ವಹಿಸಾದ್ ಬೇತೆ ಬೇತೆ ಜಿಲ್ಲೆಲೆಗ್ ವರ್ಗಾವಣೆ ಆಪಿನ  ಪತ್ರಕರ್ತರೆನ್  ಗುರುತಿಸಾದ್  ಗೌರವಿಸುನ  ಕಾರ್ಯನ್   ಸಂಘ ಮಲ್ತೊಂದುಂಡ್.. ಮಾಧ್ಯಮದ ಹೆಸರನ್ನು ದುರ್ಬಳಕೆ ಮಾಡಿಕೊಳ್ಳದಂತೆ ಸಂಘದ ವತಿಡ್ದ್  ಸಂಘದ ಸದಸ್ಯೆರೆನ  ವಾಹನಲೆಗ್ ಮಿಡಿಯಾ ಸ್ಟಿಕ್ಕರ್‌ ಲೆನ್  ಪ್ರತಿವರ್ಷ ವಿತರಣೆ ಮಲ್ತೊಂದುಂಡ್. ಸಂಘದ ನೇತೃತ್ವಡ್  ಉಡುಪಿ ಜಿಲ್ಲೆದ ಪತ್ರಕರ್ತರೆಗ್ ಜಿ.ಶಂಕರ್ ಆರೋಗ್ಯ ಕಾರ್ಡ್‌ ಲೆನ್ ವಿತರಣೆ ಮಲ್ದುಂಡ್.

ಉಡುಪಿ ಜಿಲ್ಲೆದ ರಜತ ಮಹೋತ್ಸವದ ಪ್ರಯುಕ್ತ ಆನಿದ ಜಿಲ್ಲಾ ಉಸ್ತುವಾರಿ ಸಚಿವ ಜಯ ಪ್ರಕಾಶ್ ಹೆಗ್ಡೆ ಅರೆನೊಟ್ಟುಗ್ ಸಂವಾದ ಕಾರ್ಯಕ್ರಮ ನಡೆಪಾದ್  ಆ ಸಂದರ್ಭಡ್ ಜಿಲ್ಲಾ ಕೇಂದ್ರಡ್  ವರದಿ ಮಲ್ದಿನ  ಪತ್ರಕರ್ತರೆಗ್  ಗೌರವ ಅರ್ಪಣೆ  ಮಲ್ದುಂಡ್

ಅನಾರೋಗ್ಯ ಪೀಡಿತ ಸಂಘದ ಸದಸ್ಯ ಪತ್ರಕರ್ತರ ಚಿಕಿತ್ಸೆಗ್  ರಾಜ್ಯ ಸರಕಾರ ಡ್ದ್  ಪರಿಹಾರನ್ ಮಂಜೂರು ಮಲ್ಪುನ  ಕಾರ್ಯನ್  ಮಲ್ದುಂಡ್. ಅಂಚೆ ಇಲಾಖೆದ ಸಹಯೋಗದೊಟ್ಟುಗ್  ಪತ್ರಕರ್ತರೆಗ್  ಅಪಘಾತ ವಿಮೆನ್  ನೋಂದಾಣಿ ಮಲ್ದುಂಡ್. ಸಂಘದ ಸಹಯೋಗದೊಟ್ಟುಗ್  ಉಡುಪಿ ಜಿಲ್ಲಾಡಳಿತದ ವತಿಡ್ದ್  ಚುನಾವಣೆ ಸಂದರ್ಭ ಮಾದರಿ ನೀತಿ ಸಂಹಿತೆ, ಸಾಮಾಜಿಕ ಜಾಲತಾಣದ  ಬಳಕೆ, ಮುದ್ರಣ ಬೊಕ್ಕ ದೃಶ್ಯ ಮಾಧ್ಯಮದ ಜವಾಬ್ದಾರಿ  ವಿಷಯದ ಬಗೆಟ್  ಡಿಸಿಬೊಕ್ಕ ಎಸ್ಪಿನಕ್ಲೆಡ  ಕಾರ್ಯಾಗಾರ  ನಡಪಾದುಂಡ್.

ಎ.12ರ ಸಂಘದ ಸ್ಥಾಪನಾ ದಿನಾಚರಣೆನ್  ಪ್ರತಿವರ್ಷ ಆಚರಣೆ ಮಲ್ತೊಂದಿತ್ತುದ್, ಈ ಸಂದರ್ಭಡ್  ಹಿರಿಯ ಪತ್ರಕರ್ತರೆಗ್  ಸ್ಥಾಪನಾ ದಿನದ ಗೌರವ ಕೊರ್ಪುಂಡ್.. ಜಿಲ್ಲೆಡ್  ಪರ್ಪಿನ  ನೀರುದ ಸಮಸ್ಯೆ ಬಗೆಟ್  ಜಿಲ್ಲಾಧಿಕಾರಿ ನೊಟ್ಟುಗ್  ಸಂವಾದ,ಜಿಲ್ಲೆದ  ಪತ್ರಕರ್ತರೆಗ್ ಪೊಕ್ಸೋಕಾಯ್ದೆ ಬಗೆಟ್  ಕಾರ್ಯಾಗಾರ, ಅಪರಾಧ ಕೃತ್ಯಲೆಡ್  ಫಾರೆನ್ಸಿಕ್ ಪರೀಕ್ಷೆದ ಪಾತ್ರ ಬಗೆಟ್ ವಿಚಾರ ಸಂಕಿರಣ, ಭೂಕುಸಿತ ನೆರೆಹಾವಳಿ ಬೊಕ್ಕ ಬೆಂಕಿ ಅವಘಡದ ಬಗೆಟ್  ಸಂಬಂಧಪಟ್ಟಿನ ಅಧಿಕಾರಿಲೆನೊಟ್ಟುಗ್ ಬೊಕ್ಕ ತಜ್ಞರೊಟ್ಟುಗ್ ಚರ್ಚಾ ಕಾರ್ಯಕ್ರಮನ್  ಸಂಘ ಮಲ್ದುಂಡ್.
 
ಉಡುಪಿ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆದ  ವತಿಡ್ದ್  ಈಡೀಸ್ ಸೊಳ್ಳೆ ಉತ್ಪತ್ತಿ ತಾಣಲೆನ್ ನಾಶ ಮಲ್ಪುನ ದಿನತ್ತ  ಪ್ರಯುಕ್ತ ಉಡುಪಿ ಪತ್ರಿಕಾ ಭವನ ಪರಿಸರಡ್  ಪತ್ರಕರ್ತೆರು ಲಾರ್ವ ಸಮೀಕ್ಷೆ ಮಲ್ತುದ್, ಲಾರ್ವ ನಾಶ ಸಾರ್ವಜನಿಕೆರೆಗ್ ಕರಪತ್ರ ವಿತರಣೆ ಮಲ್ತುದ್ ಡೆಂಗ್ಯು ಕಾಯಿಲೆ ಬಗ್ಗೆ  ಅರಿವು ಕೊರ್ತುಂಡ್. ಇದರಲ್ಲಿ ಹೆಚ್ಚಿನ ಪತ್ರಕರ್ತೆರು ಭಾಗವಹಿಸಾದ್  ತಮ್ಮ ಸಾಮಾಜಿಕ ಕಳಕಳಿನ್  ಪ್ರದರ್ಶನ ಮಲ್ದೆರು.

ಸಂಘದ ಕೆಲವು ಮಹಾತ್ವಾಕಾಂಕ್ಷೆದ  ಯೋಜನೆಲೆಡ್ ಒಂಜಾಯಿನ  ಪತ್ರಿಕಾ ಭವನಡ್  ಗ್ರಂಥಾಲಯ ಸ್ಥಾಪನೆ ಮಲ್ತುದ್ ಪತ್ರಿಕೋದ್ಯಮ ವಿದ್ಯಾರ್ಥಿಲು ಸಾರ್ವಜನಿಕೆರು ಬೊಕ್ಕ  ಪತ್ರಕರ್ತೆರೆಗ್  ಅನುಕೂಲ ಆಪಿನ ಪುಸ್ತಕಲೆನ್ ದೀತುಂಡ್.

ಇಂಚ ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ ಸಮಾಜ ಮುಖಿಡ್  ಕೆಲವು ಕಾರ್ಯಕ್ರಮಲೆನ್ ನಡಪಾವೊಂದ್ ಬರೊಂದುಂಡ್ ಪಂಡುದು ಸಂಘದ ಅಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು ಬೊಕ್ಕ  ಪ್ರಧಾನ ಕಾರ್ಯದರ್ಶಿ ನಜೀರ್ ಪೊಲ್ಯ ಪ್ರಕಟಣೆಡ್ ತೆರಿಪಾದೆರ್.