ರಾಮ ದೇವೆರೆನ ಆದರ್ಶೊನ್ ಪುಗಾರುದ್ ಕೊಂಡಾಡಿನ ಮುಸ್ಲಿಂ ಸಮುದಾಯದ ಇಬ್ರಾಹಿಂ…

ಜಗತ್ತ್ ಬಾರೀ ಬೀಸ ಪೋವೊಂದುಂಡ್.5-6 ಇಂಚಿದ ಕಿನ್ಯ ಮೊಬೈಲ್ ಡ್ ಇಡೀ ಜಗತ್ತುನೇ ತೂವೊಂದುಲ್ಲ.ಅಂಚಾದ್ ಈ ಜಗತ್ತುಡುಪ್ಪುನ ಮಾನವೆರ್ ನಿಜವಾದುಲಾ ಪುಣ್ಯಾತ್ಮೆರ್ ಪಂಡುದ್ ಸಮಾಜ ಸೇವಕೆರಾಯಿನ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕ್ರತೆರಾಯಿನ ಇಬ್ರಾಹಿಂ ಪಂಡೆರ್.ಈ ಪೊರ್ತುಡ್ ಆರು ರಾಮಾಯಣದ ಕಥೆನ್ ಪಂಡುದ್ ಶ್ರೀ ರಾಮದೇವೆರ್ನ ಆದರ್ಶೊನ್ ಪುಗಾರುದ್ ಕೊಂಡಾಡಿಯೆರ್.ರಾಮದೇವೆರೆನ ಆದರ್ಶೊನ್ ನಮ್ಮ ಬದುಕುಡ್ ಪಾಲಿಸಾವೊಡ್.ರಾಮದೇವೆರ್ ಎರೆಡ ಪಾತೆರ್ನಕಲಾ ಸುರುಟ್ ತೆಲಿಪುವೆರ್.ಅಂಚೆನೇ ನಮ ಕುಡೊರಿಯಡ ಪಾತೆರ್ನಗ ತೆಲಿತುದ್ ಪಾತೆರುಂಡ ಅಕುಲುಲಾ ನಮಡ ತೆಲಿತುದೇ ಪಾತೆರ್ವೆರ್.ಬದುಕುಡ್ ಜಯಶಾಲಿ ಆವೊಡಾಂಡ ನಿರಂತರ ಪ್ರಾಮಾಣಿಕವಾಯಿನ ಸೇವೆ ಮಲ್ಪೊಡ್ ಪಂಡೆರ್.

ಇಮೇಜ್ ಮೊಬೈಲ್ಸ್ ದ ಮೂಜನೇ ಶಾಖೆ ಬ್ರಹ್ಮಾವರೊಡ್ ಉದಿಪನ ಆಯಿನ ಪೊರ್ತುಡ್ ಸಭಾಕಜ್ಜೊಡ್ ಮಲ್ಲ ಬಿನ್ನೆರಾದ್ ಇಬ್ರಾಹಿಂ ಪಾತೆರಿಯೆರ್.ಮುಸ್ಲಿಂ ಸಮುದಾಯದಾರ್ ಆಂಡಲಾ ಹಿಂದೂ ದೇವೆರಾಯಿನ ರಾಮದೇವೆರೆನ್ ಪುಗಾರ್ದ್ ಕೊಂಡಾಡಿನ ಮೆರೆನ ರಾಮಭಕ್ತಿನ್ ತೂದ್ ಅಲ್ಪ ಸೇರ್ದಿನಕುಲ್ ಮೆಚ್ಚಿಯೆರ್.

ಧರ್ಮ ಬೇತೆ ಆಂಡಲಾ ದೇವೆರ್ ಮಾತೆರುಗಲಾ ಒರಿಯೇ ಪನ್ಪಿನವ್ವೆನ್ ಈ ಮುಖೇನ ಲೋಕೊಗ್ ತೆರಿಪಾಯೆರ್.