ರಾಜ್ಯ ಯುವ ಸಂಘೊಲೆನ ಒಕ್ಕೂಟದ ಯುವ ಪ್ರಶಸ್ತಿಗ್ ರಾಮಾಂಜಿ ಆಯ್ಕೆ

: ಕರ್ನಾಟಕ ರಾಜ್ಯ ಯುವ ಸಂಘೊಲೆನ ಒಕ್ಕೂಟ ಬೆಂಗಳೂರು ಮೊಕ್ಲೆನ 75 ನೇ ಸ್ವಾತಂತ್ರ್ಯ ಅಮೃತ ಮಹೋತ್ಸವದ ಅಂಗವಾದ್ ಕೊರ್ಪಿನ ಕರ್ನಾಟಕ ರಾಜ್ಯ ಯುವ ಪ್ರಶಸ್ತಿಗ್ ರಂಗಭೂಮಿ ಕ್ಷೇತ್ರೊಗ್ ಸಂಬಂಧಪಟ್ಟಿನ ಉಡುಪಿ ಜಿಲ್ಲೆಡ್ದ್ ರಾಮಾಂಜಿ ಆಯ್ಕೆಯಾತೆರ್.
ಮೇರು ಕುಂದಾಪುರದ ಅಂತರಾಷ್ಟ್ರೀಯ ಬೆನ್ಪಿನ ಜೋಕ್ಲೆನ ಸಂಸ್ಥೆ ಆಯಿನ ನಮ್ಮ ಭೂಮಿದ ಪ್ರತಿನಿಧಿಯಾದಿತ್ತುದ್, ಉಡುಪಿದ ಎಂಜಿಎಂ ಕಾಲೇಜಿದ ವಿದ್ಯಾರ್ಥಿಯಾದ್ ಪ್ರಸ್ತುತ ಮಂಗಳೂರು ವಿಶ್ವವಿದ್ಯಾನಿಲಯದ ಎಸ್ವಿಪಿ ಕನ್ನಡ ಅಧ್ಯಯನ ಸಂಸ್ಥೆಡ್ ಅಂತಿಮ ವರ್ಷದ ಕನ್ನಡ ಎಂ.ಎ ಸ್ನಾತಕೋತ್ತರ ಪದವಿದ ವಿದ್ಯಾರ್ಥಿಯಾದುಲ್ಲೆರ್. ಯಕ್ಷಗಾನ ಕಲಾಕೇಂದ್ರ ಉಡುಪಿ, ಮಂಗಳೂರು ವಿವಿ ಯಕ್ಷಗಾನ ಅಧ್ಯಯನ ಕೇಂದ್ರದ ವಿದ್ಯಾರ್ಥಿಲಾ ಅಂದ್. ಕಲೆ,ಸಂಸ್ಕೃತಿ, ಸಾಮಾಜಿಕ ,ಪರಿಸರ , ಶಿಕ್ಷಣ, ಸಾಹಿತ್ಯ ವಿಷಯೊಲೆಗ್ ಸಂಬಂಧಪಟ್ಟಿಲೆಕ್ಕ ಬೇತೆ ಬೇತೆ ಸಂಘ ಸಂಸ್ಥೆಲೆಡ್ ಕರಿನ ಇರ್ವ ವರ್ಷೊಡಿಂಚಿ ಸಕ್ರಿಯವಾದ್ ತೊಡಗಿಸಾವೊಂದೆರ್.
ಚಿಕ್ಕಮಗಳೂರುದ ತರೀಕೆರೆತ್ತ ಡಾ.ಬಿ.ಆರ್. ಅಂಬೇಡ್ಕರ್ ಬಯಲು ರಂಗಮಂದಿರಡ್ ಆಗಸ್ಟ್ 7 ತಾರೀಕುದಾನಿ ನಡಪುನ ಸಮಾರಂಭಡ್ ಪ್ರಶಸ್ತಿನ್ ಸ್ವೀಕಾರ ಮಲ್ಪರೆಗುಲ್ಲೆರ್.
ಎಸ್ ವಿ ಪಿ ಕನ್ನಡ ಅಧ್ಯಯನ ಸಂಸ್ಥೆದ ಸ್ನಾತಕೋತ್ತರ ವಿದ್ಯಾರ್ಥಿ