ಜು.19: ಉಡುಪಿ ಜಿಲ್ಲೆದ ಪಡುಬಿದ್ರಿ ಹೆಜಮಾಡಿ ಬೊಕ್ಕ ಬೈಂದೂರು ಶಿರೂರು ಟೋಲ್ಗೇಟ್ ಡ್ ಮಾಧ್ಯಮದಕ್ಲೆನ ವಾಹನಲೆಡ್ ಧರ್ಮಾರ್ಥ ಪ್ರವೇಶ ಕಲ್ಪಿಸಾವರೆಗ್ ಆಗ್ರಹಿಸಾದ್ ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ನಿಯೋಗ ಇನಿ ಕೇಂದ್ರ ಸಚಿವೆ ಬೊಕ್ಕ ಉಡುಪಿ – ಚಿಕ್ಕಮಗಳೂರು ಸಂಸದೆ ಶೋಭಾ ಕರಂದ್ಲಾಜೆನ್ ಮಣಿಪಾಲ ರಜತಾದ್ರಿ ಡುಪ್ಪುನ ಸಂಸದೆರೆನ ಕಚೇರಿಡ್ ಭೇಟಿ ಮಲ್ತುದ್ ಮನವಿ ಕೊರುಂಡ್
.
ಜಿಲ್ಲಾ ಸಂಘೊಡ್ ಸುಮಾರು 170 ಮಂದಿ ಸದಸ್ಯರಿತ್ತುದ್, ಮೊಕ್ಲೆಗ್ ರಾಜ್ಯ ಸಂಘದ ಗುರ್ತದ ಚೀಟಿನ್ ಕೊರ್ದಿತ್ತುದ್. ಈ ಪೈಕಿ 15 ಡ್ದ್ 20 ಜನಟ ಕಾರು ಇತ್ತುದ್, ಮೊಕ್ಲೆಗ್ ಸುದ್ದಿ ಮಲ್ಪರೆಗ್ ಪೋವರೆಗ್ ಅನುಕೂಲ ಆಪಿಲೆಕ್ಕ ಹೆಜಮಾಡಿ & ಶಿರೂರು ಟೋಲ್ಗೇಟ್ ಲೆಡ್ ಗುರ್ತದ ಚೀಟಿ ತೋಜಾಂಡ ಧರ್ಮಾರ್ಥ ಪ್ರಯಾಣಗ್ ಅವಕಾಶ ಕಲ್ಪಿಸಾವೊಡ್ ಪಂಡುದು ಮನವಿಡ್ ಒತ್ತಾಯ ಮಲ್ದುಂಡ್.
ನೆಕ್ಕ್ ಸ್ಪಂದಿಸಾಯಿನ ಸಚಿವೆರು, ಸಂಬಂಧಪಟ್ಟಿನ ಇಲಾಖಾಧಿಕಾರಿಲೆಗ್ ಸೂಚನೆ ಕೊರಿಯೆರು. ಈ ಸಂದರ್ಭಡ್ ಸಂಘದ ಜಿಲ್ಲಾಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು, ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ, ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ, ರಾಜ್ಯ ಸಮಿತಿ ಸದಸ್ಯ ಕಿರಣ್ ಮಂಜನಬೈಲು, ರಜತ ಮಹೋತ್ಸವ ಸಮಿತಿದ ಪ್ರಧಾನ ಕಾರ್ಯದರ್ಶಿ ಜಯಕರ ಸುವರ್ಣ ಉಪಸ್ಥಿತರಿತ್ತೆರು
by 