ಬೆನ್ನಿಗ್ ಪ್ರಾಧಾನ್ಯತೆ ಕೊರ್ದ್ ಸೇವೆ ಮಲ್ಪರೆಗುಂಡ್ “ರೋಟರಿ ಐಸಿರಿ ಪರ್ಕಳ”..

ಅಂತರಾಷ್ಟ್ರೀಯ ರೋಟರಿದ 5 ಸೇವಾ ಕ್ಷೇತ್ರೊಲೆಡ್ ಸಕ್ರಿಯವಾದ್ ಕಾರ್ಯಕ್ರಮೊಲೆನ್ ಆಯೋಜನೆ ಮಲ್ತೊಂದ್ ” ನಮ್ಮ ನಡೆ ಕ್ರಷಿಯ ಕಡೆ” ಪನ್ಪಿನ ಧ್ಯೇಯದೊಟ್ಟುಗ್ ಬೆನ್ನಿ ಬೆನ್ಪಿನಕ್ಲೆಗ್ ಬೆನ್ನಿದ ಮಾಹಿತಿ,ಆರ್ಥಿಕ ಸ್ವಾವಲಂಬನಾ ತರಬೇತಿ,ಬೊಕ್ಕ ತಾಂತ್ರಿಕ ಸಹಕಾರೊಲೆನ್ ಕೊರ್ಪಿನೇಟ್ ರೋಟರಿ ಐಸಿರಿ ಪರ್ಕಳ ಬೇಲೆ ಮಲ್ಪುಂಡ್ ಪಂಡುದ್ ರೋಟರಿ ಐಸಿರಿ ಪರ್ಕಳದ ನಿಯೋಜಿತ ಅಧ್ಯಕ್ಷೆರಾಯಿನ ಪ್ರಭಾಕರ ಶೆಟ್ಟಿ ಕಬ್ಯಾಡಿ ತೆರಿಪಾದೆರ್.ಈ ನಿಟ್ಟುಡ್ ಸರಕಾರೊಡ್ದ್ ತಿಕ್ಕುನ ಸೌಲಭ್ಯೊಲೆನ್ ಮೂಲ ಕ್ರಷಿಕೆರೆಗ್ ಮುಟ್ಟಾವುನ ಬೇಲೆ,ಬೊಕ್ಕ ವಿಕಲಚೇತನ,ದ್ರಷ್ಟಿಮಾಂದ್ಯ,ಅನಾರೋಗ್ಯಡಿತ್ತಿನ ಅಸಹಾಯಕೆರೆಗ್ ಸಹಕಾರ ಮಲ್ಪರೆಗ್ ರೋಟರಿ ಐಸಿರಿ ಪರ್ಕಳ ಯೇಪೊಲಾ ಸಿದ್ದ ಉಂಡು ಪಂಡುದ್ ಆರ್ ತೆರಿಪಾದೆರ್.
ಜುಲೈ 10 ತಾರೀಕುದಾನಿ ರೋಟರಿ ಐಸಿರಿ ಪರ್ಕಳ ಕ್ಲಬ್ ಪರ್ಕಳದ ವಿಘ್ನೇಶ್ವರ ಸಭಾಭವನಡ್ ಕಾಂಡೆ 10 ಗಂಟೆಗ್ ಜ್ಯೋತಿಷ ವಿದ್ವಾನ್ ಶ್ರೀ ಕಬ್ಯಾಡಿ ಜಯರಾಮ್ ಆಚಾರ್ಯ ಮೆರೆನ ದಿವ್ಯ ಹಸ್ತೊಡ್ ಉದಿಪನ ಆವರೆಗುಂಡ್.ಈ ಕಜ್ಜೊಡ್ ರೋಟರಿ ಐಸಿರಿ ಪರ್ಕಳದ ಅಧ್ಯಕ್ಷೆರಾದ್ ಕೆ.ಪ್ರಭಾಕರ ಶೆಟ್ಟಿ, ಕಾರ್ಯದರ್ಶಿ ಯಾದ್ ಗುರುಪ್ರಸಾದ್ ಕಾಮತ್ ಮೊಕ್ಲೆನ್ ಜಿಲ್ಲಾ ಗವರ್ನರ್ 3182 ರೊ.ಡಾ.ಜಯಗೌರಿ ಎಚ್. ಮೇರ್ ಪದಪ್ರದಾನ ಮಲ್ಪರೆಗುಲ್ಲೆರ್.
ಮಲ್ಲ ಬಿನ್ನೆರಾದ್ ರೊ.ಬಿ.ಸಿ.ಗೀತಾ,ರೊ.ಬಿ.ರಾಜಾರಾಮ್ ಭಟ್,ರೊ.ರಾಮಚಂದ್ರ ಉಪಾಧ್ಯಾಯ, ರೊ.ಕ್ರಷ್ಣ ಕಾಂಚಾನ್,ರೊ.ಚಂದ್ರಶೇಖರ ಮೆಂಡನ್, ಮೊಕುಲು ಉಪ್ಪುವೆರ್.ರೊ.ಗೀತಾಶ್ರೀ ಉಪಾಧ್ಯ,ರೊ.ರಾಜೇಶ್ ಡಿ.ಪಾಲನ್,ರೊ.ಬಾಲಕ್ರಷ್ಣ ಕುಮಾರ್ ಮೊಕ್ಲೆನ ಉಪಸ್ಥಿತಿ ಉಪ್ಪುಂಡ್.