ರೋಟರಿ ಸಾಯಿಬ್ರಕಟ್ಟೆ ವತಿಡ್ದ್ ವಿದ್ಯುತ್ ಬಳಕೆದ ಬಗ್ಗೆ ಕಾರ್ಯಾಗಾರ..

ರೋಟರಿ ಕ್ಲಬ್ ಸೈಬ್ರಕಟ್ಟೆಡ್ ಸ್ವಾಗತ್ ಮಿನಿ ಹಾಲ್ ಡ್ ತಿಂಗೊಲ್ದ ರೋಟರಿ ಸ್ನೇಹ ಸೌಹಾರ್ದ ಭೋಜನ ಕೂಟಡ್ ಪೊಸ ಸದಸ್ಯ ಸೇರ್ಪಡೆ,ಸನ್ಮಾನ ಬೊಕ್ಕ ವಿದ್ಯುತ್ ಬಳಕೆ,ಸುರಕ್ಷತೆ,ಗ್ರಾಹಕರೆಗ್ ತಿಕ್ಕುನ ಸೌಲಭ್ಯದ ಬಗ್ಗೆ ಮಾಹಿತಿ ಕಾರ್ಯಗಾರ ಕಾರ್ಯಕ್ರಮ ನಡತುಂಡ್, ಮಾಹಿತಿ ಕಾರ್ಯಗಾರದ ಸಂಪನ್ಮೂಲ ವ್ಯಕ್ತಿ ರೋ ಪ್ರಾಣೇಶ್( AEE ಮೆಸ್ಕಾಂ ಉಡುಪಿ) ಪಾತೆರ್ದ್ ವಿದ್ಯುತ್ ಉಪಯೋಗಕಾರಿ ಯಾದಿತ್ತುಂಡಲಾ ಜಾಗ್ರತೆ ತತ್ತುಂಡ ಅಪಾಯ ಖಚಿತ,ಅತ್ತಾವಂದೆ ಇಲ್ಲ್ ಅತ್ತುಂಡ ಬಾಕಿದ ಕಟ್ಟಡೊಲೆಡ್ ಸುರಕ್ಷತೆ ಗಾದ್ ಎಡ್ಡೆ ಗುಣಮಟ್ಟದ ವೈರ್ ಸ್ವಿಚ್ ಬಳಸುದ್ ವಯರಿಂಗ್ ಮಲ್ತುದ್ ಸರಿಯಾಯಿನ ಕ್ರಮೊಟ್ ಎಡ್ಡೆ ಗ್ರೌಂಡ್ ಅರ್ಥಿಂಗ್ ಕೊರುಂಡ ಮಾತ್ರ ಗೃಹಬಳಕೆದ ವಿದ್ಯುತ್ ಉಪಕರಣೊಲೆನ ಸುರಕ್ಷತೆ ಸಾಧ್ಯ ಪಂಡುದ್ ಪಂಡೆರ್. ಕುಡೊರಿ ಸಂಪನ್ಮೂಲ ವ್ಯಕ್ತಿ ಶ್ರೀ ವೈಭವ ಶೆಟ್ಟಿ(JE ಮೆಸ್ಕಾಂ ಶಿರಿಯಾರ) ಪಾತೆರ್ದ್ ಒವ್ವೇ ವ್ಯಕ್ತಿಗ್ ವಿದ್ಯುತ್ ಅಪಘಾತ ಆಯಿನಪಗ ಪಕ್ಕನೇ ಪೋದು ಆ ವ್ಯಕ್ತಿ್ ಸ್ಪರ್ಶ ಮಲ್ಪರೆಗ್ ಬಲ್ಲಿ, ಮೈನ್ ಸ್ವಿಚ್ ಆಫ್ ಮಲ್ತುದ್ ಪ್ಲಾಸ್ಟಿಕ್ ಅತ್ತುಂಡ ನುಂಗೆಲ್ ಮರತ್ತ ತುಂಡುಡ್ ವ್ಯಕ್ತಿನ್ ವಿದ್ಯುತ್ ತಂತಿ ಡ್ದ್ ಬೇರ್ಪಡಿಸಾದ್ ತುರ್ತು ಚಿಕಿತ್ಸೆ ಕೊರ್ದ್ ಆಸ್ಪತ್ರೆಗ್ ಸೇರಾವೊಡ್ .ನೀರು ಪರ್ಪಾವರೆಗ್ ಬಲ್ಲಿ ಪಂಡುದ್ ಸಲಹೆ ಕೊರಿಯೆರ್.

,ಈ ಕಾರ್ಯಕ್ರಮಡ್ ಪೊಸ ಸದಸ್ಯ ಮಂಜುನಾಥ್ M ಅರೆನ್ ಮಾಜಿ ಸಹಾಯಕ ಗವರ್ನರ್ ಮಹೇಶ್ ಕುಮಾರ್ ರೋಟರಿ ಪಿನ್ ಪಾಡುದ್ ಸೇರ್ಪಡೆ ಮಲ್ತೆರ್ .ಆಯಿಬೊಕ್ಕ ಮೆಸ್ಕಾಂ ಸೈಬ್ರಕಟ್ಟೆದ ಮೇಲ್ವಿಚಾರಕರಾಯಿನ ಉಮೇಶ್ B ಮೆರೆನ್ ವಲಯ 3 ತ್ತ ಸಹಾಯಕ ಗವರ್ನರ್ ಪದ್ಮನಾಭ್ ಕಾಂಚನ್ ಸನ್ಮಾನ ಮಲ್ತೆರ್ .ಕಾರ್ಯಕ್ರಮದ ಅಧ್ಯಕ್ಷತೆಡ್ ಯು.ಪ್ರಸಾದ್ ಭಟ್ ಇತ್ತೆರ್ .ವಲಯ ಸೇನಾನಿ ವಿಜಯ್ ಕುಮಾರ್ ಶೆಟ್ಟಿ ಕಾರ್ಯದರ್ಶಿ ಅಣ್ಣಯ್ಯದಾಸ್ ಇತ್ತುದ್ ವರದರಾಜ್ ಶೆಟ್ಟಿ ನಿರೂಪಣೆ ಮಲ್ತೆರ್.