ಆರೆಸ್ಸೆಸ್ಸ್ ಉದ್ಯೋಗಿ ಪ್ರಾಥಮಿಕ ಶಿಕ್ಷಾ ವರ್ಗದ ಸಮಾರೋಪ

ಆರೆಸ್ಸೆಸ್ಸ್ ಉದ್ಯೋಗಿ ಪ್ರಾಥಮಿಕ ಶಿಕ್ಷಾ ವರ್ಗದ ಸಮಾರೋಪ

ಬಾರಕೂರು: ರಾಷ್ಟ್ರೀಯ ಸ್ವಯಂಸೇವಕ ಸಂಘ ಮಂಗಳೂರು ವಿಭಾಗದ ಉದ್ಯೋಗಿಲೆನ ಪ್ರಾಥಮಿಕ ಶಿಕ್ಷಾ ವರ್ಗದ ಸಾರ್ವಜನಿಕ ಸಮಾರಂಭ ಬಾರ್ಕೂರು ಕಚ್ಚೂರಿನ ಶ್ರೀ ಮಾಲ್ತಿ ದೇವಿ ದೇವಸ್ಥಾನದ ಆವರಣಡ್ ನಡತುಂಡ್
ಸಾರ್ವಜನಿಕ ಸಮಾರಂಭದ ಅಧ್ಯಕ್ಷತೆನ್ ಕಚ್ಚೂರು ಮಾಲ್ತಿ ದೇವಿ ದೇವಸ್ಥಾನದ ಆಡಳಿತ ಧರ್ಮದರ್ಶಿಲಾಯಿನ ಶ್ರೀ ಗೋಕುಲದಾಸ್ ಮೇರು ವಹಿಸಾದಿತ್ತೆರ್. ಬೌದ್ಧಿಕ ಕೊರಿನ ಮಂಗಳೂರು ವಿಭಾಗದ ಸಹಪ್ರಚಾರ ಪ್ರಮುಖೆರಾಯಿನ ಶ್ರೀ ಸೂರಜ್ ಕುಮಾರ್ ಮೇರು ಪಾತೆರ್ದ್ ಇಂಚಿನ ವರ್ಗೊಲೆಡ್ ವ್ಯಕ್ತಿಲೆಗ್ ಮೌಲಿಕ ಶಿಕ್ಷಣ ಕೊರ್ಪಿನ ಒಟ್ಟುಗ್ ಸಂಸ್ಕಾರವಂತೆರಾದ್ ಮಲ್ಪುನ ಕೆಲಸ ನಡತೊಂದುಂಡ್ ಪಂಡೆರು. ಸಂಘ ಕಾರ್ಯಗ್ ಶಾಖೆನೇ ಆಧಾರ. ಶಾಖೆದ ಮುಖೇನ ಸಂಸ್ಕಾರ ಕಲ್ಪಾವೊಂದ್ ವ್ಯಕ್ತಿ ನಿರ್ಮಾಣದ ಕಾರ್ಯೊನ್ ಸಂಘ ನಿರಂತರವಾದ್ ಮಲ್ತೊಂದುಂಡ್. ಇಂಚ ಶಿಕ್ಷಣ ಪಡೆಯಿನ ವ್ಯಕ್ತಿಲು ಬೇತೆ ಬೇತೆ ಕ್ಷೇತ್ರೊಲೆನ ಮುಖೇನ ಸಮಾಜ ಪರಿವರ್ತನೆದ ಕೆಲಸೊಡ್ ತೊಡಗಿಸಾವೊಂದೆರ್. ಅತ್ತಾವಂದೆ ಪರಿಸರ ಸಂರಕ್ಷಣೆ, ಗ್ರಾಮ ವಿಕಾಸ, ಕುಟುಂಬ ಪ್ರಬೋಧನ್, ಧರ್ಮ ಜಾಗರಣ, ಸಾಮರಸ್ಯ, ಗೋಸೇವಾ ಇಂಚ ಗತಿ ವಿಧಿಲೆನ ಮುಖೇನ ವ್ಯವಸ್ಥೆದ ಪರಿವರ್ತನೆ ಮಲ್ಪುನ ಕೆಲಸೊನ್ ಸ್ವಯಂಸೇವಕೆರು ಮಲ್ತೊಂದುಲ್ಲೆರ್. ಸಂಘಗ್ ನೂದು ವರ್ಷ ದಿಂಜುನ ಸಂದರ್ಭಡ್ ಸಮಾಜ ಪರಿವರ್ತನೆದ ಕಾರ್ಯಡ್ ವೇಗ ಕೊರಿಯರೆಗ್ ಪ್ರತಿಯೊರಿಲಾ ಸಂಘ ಕಾರ್ಯದ ಒಟ್ಟುಗ್ ಕೈಕೂಡಿಸಾವೊಡ್ ಪಂಡುದ್ ವಿನಂತಿ ಮಲ್ತೆರ್.
ವರ್ಗದ ವರ್ಗಾಧಿಕಾರಿಲಾಯಿನ ಡಾ. ಉದಯಕುಮಾರ್ ಶೆಣೈ ಕಾರ್ಕಳ ವರದಿ ವಾಚನ ಮಲ್ತೆರ್.
ವರ್ಗ ಕಾರ್ಯವಾಹರಾಯಿನ ಶ್ರೀ ಸುಜಿತ್ ಕಡಬ ಸ್ವಾಗತ ಬೊಕ್ಕ ಪರಿಚಯ ಮಲ್ತೆರ್. ಪ್ರಮೋದ್ ಮಂದಾರ್ತಿ ಧನ್ಯವಾದ ಮಲ್ತೆರ್. ವರ್ಗದ ಬೌದ್ಧಿಕ್ ಪ್ರಮುಖೆರಾಯಿನ ಶ್ರೀ ಪ್ರಕಾಶ್ ಪುರೋಹಿತ್ ವೇಣೂರು ಕಾರ್ಯಕ್ರಮ ನಿರ್ವಹಣೆ ಮಲ್ತೆರ್. ಶಿಕ್ಷಾರ್ಥಿಲೆಡ್ದ್ ಶಾರೀರಿಕ ಪ್ರದರ್ಶನ ನಡತುಂಡ್.