ಕರ್ನಾಟಕ ರಾಜ್ಯ ಸಹಕಾರ ಮಹಾಮಂಡಳ ನಿ,ಬೆಂಗಳೂರು, ಉಡುಪಿ ಜಿಲ್ಲಾ ಸಹಕಾರ ಯೂನಿಯನ್ ನಿ.ಉಡುಪಿ ದ.ಕ.ಜಿಲ್ಲಾ ಕೇಂದ್ರ ಸಹಕಾರ ಬ್ಯಾಂಕ್ ನಿ.ಮಂಗಳೂರು, ನವೋದಯ ಗ್ರಾಮ ವಿಕಾಸ ಚಾರಿಟೇಬಲ್ ಟ್ರಸ್ಟ್ ರಿ,ಮಂಗಳೂರು, ದ.ಕ.ಹಾಲು ಉತ್ಪಾದಕರ ಒಕ್ಕೂಟ ನಿ,ಮಂಗಳೂರು, ದ.ಕ.ಬೊಕ್ಕ ಉಡುಪಿ ಜಿಲ್ಲಾ ಮೀನು ಮಾರಾಟ ಫೆಡರೇಶನ್ ನಿ.,ಮಹಾಲಕ್ಷ್ಮೀ ಕೋ-ಆಪರೇಟಿವ್ ಬ್ಯಾಂಕ್ ಲಿ.ಬೊಕ್ಕ ಉಡುಪಿ ಜಿಲ್ಲೆದ ಅರ್ಬನ್ ಕೋ-ಆಪರೇಟಿವ್ ಬ್ಯಾಂಕುಗಳು ಸಹಕಾರ ಇಲಾಖೆ,ಉಡುಪಿ ಜಿಲ್ಲೆ ಬೊಕ್ಕ ಉಡುಪಿ ಜಿಲ್ಲೆದ ಸಮಸ್ತ ಸಹಕಾರ ಸಂಘೊಲೆನ ಸೌಹಾರ್ದ ಸಹಕಾರಿಲೆನ ನೇತ್ರತ್ವಡ್ 69 ನೇ ಅಖಿಲ ಭಾರತ ಸಹಕಾರ ಸಪ್ತಾಹದ ಉದಿಪನ ಕಾರ್ಯಕ್ರಮ ಬೊಕ್ಕ ಸಹಕಾರ ರತ್ನ ಡಾ| ಎಂ.ಎನ್.ರಾಜೇಂದ್ರ ಕುಮಾರ್ ಮೆರೆಗ್ ಅಭಿನಂದನಾ ಕಾರ್ಯಕ್ರಮ ನವೆಂಬರ್ 14 ತಾರೀಕುದಾನಿ ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನದ ಸಭಾಭವನಡ್ ನಡತುಂಡ್.
ಈ ಪ್ರಯುಕ್ತ ಸಹಕಾರಿ ಬ್ರಹತ್ ವಾಹನ ಜಾಥಾ ಉಡುಪಿ ಜಿಲ್ಲೆದ ಶಿರೂರುಡ್ದ್ ಬೈಂದೂರು,ಕುಂದಾಪುರ, ಉಡುಪಿಡ್ದ್ ಸಾಗುದ್ ಉಚ್ಚಿಲಮುಟ್ಟ,ಅಂಚೆನೇ ಕಾರ್ಕಳಡ್ದ್ ಬೆಳ್ಮಣ್ ಸಾಗುದ್ ಉಚ್ಚಿಲ ಮುಟ್ಟ ನಡತುಂಡ್.
ಸಭಾಕಾರ್ಯಕ್ರಮಡ್ ದುಂಬು ನಿವೃತ್ತ ಪ್ರಾಂಶುಪಾಲೆರಾಯಿನ ಡಾ| ಗಣನಾಥ ಎಕ್ಕಾರು ಮೇರು ಸಹಕಾರ ಸಂಸ್ಥೆಲೆಡ್ ವ್ಯಾಪಾರ ಸರಳೀಕರಣ,ರಫ್ತು ವ್ರದ್ಧಿಗಾದ್ ಜೆಮ್-ಪೋರ್ಟಲ್ ಬಳಕೆದ ಬಗ್ಗೆ ದಿಕ್ಸೂಚಿ ಭಾಷಣ ಮಲ್ತೆರ್.
ಸಭಾಕಾರ್ಯಕ್ರಮನ್ ಪಂಚದೀಪ ಪೊತ್ತಾದ್ ,ತಾರೆದ ಪೂನ್ ಬುಡ್ಪಾದ್ ಪೇಜಾವರ ಮಠದ ಮಠಾಧೀಶೆರಾಯಿನ ಶ್ರೀ ಶ್ರೀ ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿಲು ಆಶೀರ್ವಚನೊಡ್ ಪಾತೆರ್ದ್ ಶ್ರೀ ಕ್ರಷ್ಣೆ ಸಮಾಜದ ಏಳಿಗೆಗ್ ಕೊರ್ತಿನ ಸೊತ್ತುಲೆಡ್ ಸಹಕಾರಿ ರಂಗಲಾ ಒಂಜಿ.ಸಹಕಾರ ಕ್ಷೇತ್ರ ಬ್ಯಾಂಕಿಂಗ್ ಕ್ಷೇತ್ರ ಮಾತ್ರ ಅತ್ತ್ ಮಾತಾ ಕ್ಷೇತ್ರೊಡುಲಾ ಬೆಳಗೊಂದ್,ಸಮಾಜದ ಬಂಗೊಡಿತ್ತಿನ ವ್ಯಕ್ತಿಲೆಗ್ ಸಹಕಾರಿಯಾದುಂಡ್ ಪಂಡೆರ್.
ಕಜ್ಜೊಡ್ ಸಹಕಾರಿ ಕ್ಷೇತ್ರೊಡ್ ಅಮೋಘ ಸಾಧನೆ ಮಲ್ತುದ್ ಸಹಕಾರಿ ಕ್ಷೇತ್ರೊನ್ ರಾಷ್ಟ್ರಮಟ್ಟೊಡ್ ಬೆಳಗಾದ್ ಪುಗಾರ್ತೆನ್ ಪಡೆದ್ ರಾಷ್ಟ್ರಮಟ್ಟೊಡ್ ಪ್ರಶಸ್ತಿನ್ ಪಡೆಯಿನ ಸಹಕಾರ ರತ್ನ ಡಾ| ಎಮ್.ಎನ್.ರಾಜೇಂದ್ರ ಕುಮಾರ್ ಮೆರೆಗ್ ವಿಶೇಷ ರೀತಿಡ್ ಅಭಿನಂದನಾ ಮಾನಾದಿಗೆ ಮಲ್ತೆರ್.ಕುತ್ಯಾರು ಪ್ರಸಾದ್ ಶೆಟ್ಟಿ ಮಾನಾದಿಗೆದ ಓಲೆ ಓದಿಯೆರ್.
ಬೆಳಪು ದೇವಿಪ್ರಸಾದ್ ಶೆಟ್ಟಿ ಸ್ವಾಗತ ಮಲ್ತುದ್,ಶ್ರೀಧರ್ ಪಿ.ಎಸ್.ಪ್ರಾಸ್ತಾವಿಕ ಪಾತೆರಿಯೆರ್.ಉಡುಪಿ ಜಿಲ್ಲಾ ಸಹಕಾರಿ ಯೂನಿಯನ್ ನಿ.ನೆತ್ತ ಅಧ್ಯಕ್ಷೆರ್ ಬೊಕ್ಕ ಕರ್ನಾಟಕ ರಾಜ್ಯ ಸಹಕಾರ ಮಹಾಮಂಡಳ ನಿ.ಬೆಂಗಳೂರು ನೆತ್ತ ನಿರ್ದೇಶಕೆರಾಯಿನ ಶ್ರೀ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಮೇರ್ ಅಧ್ಯಕ್ಷತೆಡಿತ್ತುದ್ ಅಧ್ಯಕ್ಷೀಯ ಭಾಷಣ ಮಲ್ತೆರ್.
ಶ್ರೀ ಸತೀಶ್ ಶೆಟ್ಟಿ ಬೊಕ್ಕ ವಿಜೇತ ಶೆಟ್ಟಿ ಕಜ್ಜೊದ ಮದಿಪು ಕೊರಿಯೆರ್.
ವೇದಿಕೆಡ್ ಯಶ್ ಪಾಲ್ ಸುವರ್ಣ, ಲಾಲಾಜಿ ಆರ್.ಮೆಂಡನ್,ಸುಕುಮಾರ್ ಶೆಟ್ಟಿ ಸೇರಿನಂಚ ಉಡುಪಿ ಜಿಲ್ಲಾ ಸಹಕಾರಿ ಯೂನಿಯನ್ ದ ಮಾತಾ ನಿರ್ದೇಶಕೆರ್ ಉಪಸ್ಥಿತರಿತ್ತೆರ್.
by 