“ಬೊಳ್ಳಿ ಪರ್ಬೊಡ್ ವಿಪ್ರ ಪಜ್ಜೆ” ಸರಣಿ ಕಜ್ಜೊದ 25 ನೇದವ್ವ್ ದುರ್ಗಾನಮಸ್ಕಾರ …

ಕೊಡವೂರು: ಸಾಮೂಹಿಕ ದುರ್ಗಾನಮಸ್ಕಾರ

ಬೊಳ್ಳಿ ಪರ್ಬೊದ ಗೌಜಿಡುಪ್ಪುನ ಕೊಡವೂರು ಬ್ರಾಹ್ಮಣ ಮಹಾಸಭಾ ” ರಜತ ಪಥದಲ್ಲಿ ವಿಪ್ರ ಹೆಜ್ಜೆ” ಪನ್ಪಿನ ಸರಣಿ ಕಾರ್ಯಕ್ರಮೊಡ್ 25 ನೇ  ಕಾರ್ಯಕ್ರಮವಾದ್ ಸಾಮೂಹಿಕ ದುರ್ಗಾನಮಸ್ಕಾರ ಪೂಜೆ  ವೇದಮೂರ್ತಿ ಕಂಬಳಕಟ್ಟ ಶ್ರೀ ರಾಧಾಕೃಷ್ಣ ಉಪಾಧ್ಯರ ನೇತ್ರತ್ವೊಡ್ ಬೊಕ್ಕ ಸಮಿತಿದ ಧಾರ್ಮಿಕ ಕಾರ್ಯದರ್ಶಿ ಶ್ರೀ ಲಕ್ಷ್ಮೀ ನಾರಾಯಣ ಭಟ್ ಮೆರೆನ ಸಂಯೋಜನೆಡ್ ಕೊಡವೂರುದ “ವಿಪ್ರಶ್ರೀ” ಸಾಂಸ್ಕ್ರತಿಕ ಕಲಾಭವನೊಡ್ ಶ್ರೀ ಲಕ್ಷ್ಮೀ ಶೋಭಾನೆ ಬೊಕ್ಕ ಭಜನೆದೊಟ್ಟುಗ್ ಬಾರಿ ಗೌಜಿಡ್   ಪುಣ್ಣಮೆದ ಪರ್ವ ಕಾಲೊಡ್ ನಡತುಂಡ್.

 ಶ್ರೀ ಭಾಸ್ಕರ ಆಚಾರ್ಯ, ಬೆಂಗಳೂರು ಮೆರೆನ ಮುಖ್ಯ ಪೂಜಾ ಸೇವೆದೊಟ್ಟುಗ್ ನಡತಿನ ಈ ಕಾರ್ಯಕ್ರಮೊಡ್ ಸಮಾಜದ ಸುಮಾರು 125 ಜನ ಪೊಂಜೊವುನಕುಲು ಬೊಕ್ಕ ಆಂಜೊವುನಕುಲು  ಪಾಲ್ ಪಡೆದ್ ಪ್ರಸಾದ ಸ್ವೀಕಾರ ಮಲ್ತೆರ್. ಈ ಸಂದರ್ಭೊಡ್  ಸಮಿತಿದ ಅಧ್ಯಕ್ಷೆರಾಯಿನ ಶ್ರೀ ನಾರಾಯಣ ಬಲ್ಲಾಳ್, ಕೊಡವೂರು ಬ್ರಾಹ್ಮಣ ಮಹಾಸಭಾದ ಕಾರ್ಯಾಧ್ಯಕ್ಷೆರಾಯಿನ ಶ್ರೀ ಮಂಜುನಾಥ ಭಟ್ ಬೊಕ್ಕ ಬಾಕಿದ ಪದಾಧಿಕಾರಿಲು ಉಪಸ್ಥಿತರಿತ್ತೆರ್.