ಸಂಜೀವಿನಿ ಉತ್ಪನ್ನದ ಮಳಿಗೆ ಜಿಲ್ಲೆಡ್ ನಿರ್ಮಾಣ ಆವಡ್: ನವೀನ್ ಭಟ್..

ಸಂಜೀವಿನಿದಲೆಕ್ಕ ಉತ್ಪನ್ನದ ಮಳಿಗೆ ಜಿಲ್ಲೆಡ್ ನಿರ್ಮಾಣ ಆವಡ್ ಪಂಡುದ್ —ಸಂಜೀವಿನಿ ಉತ್ಪನ್ನದ ಮಾರಾಟ ಮಳಿಗೆ ಉದಿಪನ ಮಲ್ತಿನಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಾಹಧಿಕಾರಿ ನವೀನ್ ಭಟ್ ಪಂಡೆರ್.
ಜಿಲ್ಲಾ ಪಂಚಾಯತ್,ತಾಲೂಕು ಪಂಚಾಯತ್ ರಾಷ್ಟ್ರೀಯಾ ಗ್ರಾಮೀಣ ಜೀವನೋಪಾಯ ಅಭಿಯಾನ ಬೊಕ್ಕ ನಗರ ಸಭೆ ಉಡುಪಿ ನೆತ್ತ ಸಹಯೋಗಡ್ ಮಲ್ಪೆದ ಸೀ ವಾಕ್ ಕೈತಲ್ ಉಡುಪಿ ಸಂಜೀವಿನಿ ತ್ರಿಶಕ್ತಿ ಸಂಜೀವಿನಿ ಸ್ವಸಹಾಯ ಗುಂಪುಲೆನ ಉತ್ಪನ್ನ ಮಾರಾಟ ಮಳಿಗೆನ್ ನಗರಸಭಾ ಅಧ್ಯಕ್ಷೆರಾಯಿನ ಸುಮಿತ್ರಾ ಆರ್ ನಾಯಕ್ ಮೇರು ಉದಿಪನ ಮಲ್ತೆರ್…. ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಾಹಕ ನವೀನ್ ಭಟ್, ರಿಬ್ಬನ್ ಕತ್ತೆರೆದ್ ಬೊಲ್ಪು ಅರ್ಲಾದ್ ಮಳಿಗೆನ್ ಉದಿಪನ ಮಲ್ತೆರ್…

ಈ ಪೊರ್ತುಡ್ ಪಾತೆರಿನ ನಗರ ಸಭಾ ಅಧ್ಯಕ್ಷೆ ಸುಮಿತ್ರಾ ಆರ್ ನಾಯಕ್ ಮೇರು ತ್ರಿಶಕ್ತಿಲು ಜನ ಜಂಗುಳಿ ಉಪ್ಪುನಲ್ಪ ತನ್ನ ಮಳಿಗೆನ್ ಮಲ್ತುದಿನ ಜಿಲ್ಲೆಗ್ ಮಾದರಿಯಾತುಂಡ್. ಪೊಂಜೊವುನಕುಲು ಅಂಗಡಿಲೆನ್ ನಡಪಾವುನ ಉದ್ಯಮ ಯಶಸ್ವಿ ಆವಡ್ ಪಂಡುದ್ ಶುಭ ಹಾರೈಸಿಯೆರ್…
ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಾಹಕರಾಯಿನ ವೈ ನವೀನ್ ಭಟ್ ಪಾತೆರ್ದ್ ಸಂಜೀವಿನಿ ಸ್ವಸಹಾಯ ಸಂಘದ ಮುಖೇನ ಸಂಜೀವಿನಿ ಪನ್ಪಿನ ಉತ್ಪನ್ನ ಇಡೀ ಜಿಲ್ಲೆಡ್ ಮಲ್ಲ ಮಳಿಗೆ ಆವಡ್.ನೆತ್ತ ಗುರ್ತ ಸಾರ್ವಜನಿಕರೆಗ್ ತೆರಿದು ಸಂಜೀವಿನಿ ಉತ್ಪನ್ನೊಲೆನ್ ಜನಕುಲ್ ಗಳಸುಲೆಕ್ಕ ಆವಡ್ ಪಂಡೆರ್.
ಕಾರ್ಯಕ್ರಮಡ್ ನಗರ ಸಭಾ ಸ್ಥಾಯಿ ಸಮಿತಿ ಅಧ್ಯಕ್ಷೆರಾಯಿನ ಬಾಲಕೃಷ್ಣ ಶೆಟ್ಟಿ..ಸದಸ್ಯೆರಾಯಿನ ಸುಂದರ್ ಕಲ್ಮಾಡಿ,,,ಮಲ್ಪೆ ಬೀಚ್ ಅಭಿವೃದ್ಧಿ ಸಮಿತಿದ ಅಧ್ಯಕ್ಷೆರಾಯಿನ ಪಾಂಡುರಂಗ ಮಲ್ಪೆ,,ಮಲ್ಪೆ ಬೀಚ್ ನಿರ್ವಾಹಕರಾಯಿನ ಸಂದೇಶ್ ಶೆಟ್ಟಿ,,ಜಿಲ್ಲಾ ಪಂಚಾಯತ್ ಸಹಾಯಕ ಯೋಜನಾಧಿಕಾರಿ ಜೇಮ್ಸ್ ಡಿ ಸಿಲ್ವಾ,,ಎನ್ ಆರ್ ಎಲ್ ಎಮ್ ನ ಜಿಲ್ಲಾ ಕಾರ್ಯಕ್ರಮ ವ್ಯವಸ್ಥಾಪಕ ಪ್ರಭಾಕರ್ ಆಚಾರ್,, ಜಿಲ್ಲಾ ವ್ಯವಸ್ಥಾಪಕ ಅವಿನಾಶ್,,ವಲಯ ಮೇಲ್ವಿಚರಾಕ ಸಂತೋಷ್ ,,ಬಡಾನಿಡಿಯೂರು ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಮಾಲತಿ,, ಗ್ರಾಮ ಪಂಚಾಯತ್ ಉಪಾಧ್ಯಕ್ಷರಾಯಿನ ಶೀಲಾ,,ಸದಸ್ಯೆರಾಯಿನ ಜೊಸೆಫ್ ಫೆರ್ನಾಂಡಿಸ್,,ಮಾಜಿ ಅಧ್ಯಕ್ಷೆರಾಯಿನ ಉಮೇಶ್ ಪೂಜಾರಿ,, ಬಡಾನಿಡಿಯೂರು ನವಶಕ್ತಿ ಗ್ರಾಮ ಪಂಚಾಯತ್ ಮಟ್ಟದ ಸಂಜೀವಿನಿ ಸ್ವಸಹಾಯ ಸಂಘದ ಲತಾ ಅಶೋಕ್, ತಾರಾ ಪ್ರಭಾಕರ್,,ಲತಾ ಟಿ ಗೋಪಾಲ್,, ಉಪಸ್ಥಿತರಿತ್ತೆರ್ …