ಅಂಗವಿಕಲೆಗ್ ಗಾಲಿ ಕುರ್ಚಿ ಕೊಡುಗೆಯಾದ್ ಕೊರಿನ ಸಿಂಧೂರ ಕಲಾವಿದೆರ್..

ಕರಿನ 6 ವರ್ಷೊಡಿಂಚಿ ರಂಗಭೂಮಿದ ಸೇವೆ ಮಲ್ತೊಂದುಪ್ಪುನ ಕಾರ್ಕಳ ದ ಸಿಂಧೂರ ಕಲಾವಿದೆರು ರಂಗ ಸೇವೆ ದೊಟ್ಟುಗ್ ಕೆಲವು ಸಮಾಜ ಮುಖಿ ಕೆಲಸೊಲೆಡ್ ತೊಡಗಿಸಾವೊಂದ್ ಇತ್ತುದ್ ಸ್ಥಳೀಯ ನಿವಾಸಿ ಶ್ರೀಮತಿ ವಸಂತಿ ಮೆರೆನ ಮನವಿಗ್ ಸ್ಪಂದಿಸಾದ್ 1/1/2022 ತಾರೀಕುದಾನಿ ಕಾರ್ಕಳ ತಾಲೂಕುದ ಕೆರ್ವಾಶೆ ಗ್ರಾಮೊಡ್ ವಾಸ್ತವ್ಯ ಉಪ್ಪುನ ಅನಾರೋಗ್ಯಪೀಡಿತ ಅಂಗ ವೈಕಲ್ಯತೆ ಯಾದುಪ್ಪುನ ಬಡ ಕುಟುಂಬದರೆಗ್ ತಂಡದ ಕಲಾವಿದೆರೆನ ಸಹಕಾರೊಡ್ ಗಾಲಿ ಕುರ್ಚಿ ಬೊಕ್ಕ ಅರಿ ಬೊಕ್ಕ ದಿನಸಿ ಸಾಮಾಗ್ರಿಲೆನ್ ವಿತರಣೆ ಮಲ್ತೆರ್.ಈ ಪೊರ್ತುಡ್ ಸಿಂಧೂರ ತಂಡದ ಮಹಾ ಪೋಷಕೆರಾಯಿನ ಅಶೋಕ್ ಪೊಸಲಾಯಿ,ತಂಡದ ಸಾರಥಿ ಲೀಲಾವತಿ ಪೊಸಲಾಯಿ, ಸಂಚಾಲಕೆರು ಜೇರಾಲ್ಡ್ ಡಿಸಿಲ್ವ ಮಿಯ್ಯಾರು,ತಂಡದ ಸದಸ್ಯೆರಾಯಿನ ಹಮೀದ್ ಮಿಯ್ಯಾರು.ತಾರನಾಥ್ ಬೋಳ, ವಿಠ್ಠಲ್ ಅಮೀನ್ ಪುಲ್ಕೇರಿ, ಸಂದೀಪ್ ಬಾರಾಡಿ, ರಾಜೇಶ್ ದಾನಶಾಲೆ,ಪವನ್ ಸಾಣೂರು, ಕುಮಾರಿ ಸುಚಿತ್ರಾ ಬೊಕ್ಕ ತಂಡದ ಸದಸ್ಯೆರ್ ಪಾಲ್ ಪಡೆಯೆರ್.