ಸಂಸ್ಥೆದ 30 ನೇ ವರ್ಷದ ಆಚರಣೆದೊಟ್ಟುಗ್ ಸ್ವಾತಂತ್ರ್ಯ ಅಮ್ರತ ಮಹೋತ್ಸವನ್ ಗೌಜಿಡ್ ಆಚರಣೆ ಮಲ್ಪುನ ಒಡಿಪುದ “ಸ್ಮರಣಿಕಾ”…

ಒಡಿಪುಡ್ ಕರಿನ 30 ವರ್ಷೊಡಿಂಚಿ ಒವ್ವೇ ಕಾರ್ಯಕ್ರಮ ಆವಡ್ ಅಲ್ಪ ಬರ್ಪಿನ ಬಿನ್ನೆರೆಗ್ ಗಣ್ಯೆರೆಗ್ ನೆಂಪುದ ಕಾಣಿಕೆಯಾದ್ ಕೊರೊಂದಿತ್ತಿನಿ ಒಡಿಪುದ ಪುಗಾರ್ತೆದ ಸಂಸ್ಥೆ “ಸ್ಮರಣಿಕಾ” ದ ಮೊಮೆಂಟೊ..ಸ್ಮರಣಿಕಾ ಮೊಮೆಂಟೊ ಬೊಕ್ಕ ಗಿಫ್ಟ್ ಸೆಂಟರ್ ಆದ್ ಮಿಂಚೊಂದುಪ್ಪುನ ಸಂಸ್ಥೆ ಇತ್ತೆ 30ನೇ ವರ್ಷದ ಗೌಜಿಡ್ ಉಂಡು.30 ವರ್ಷದ ಪಿರಾವುಡ್ ಅಗಸ್ಟ್ 15 ತಾರೀಕುಗ್ ಲೋಕಾರ್ಪಣೆ ಆತಿನ ಈ ಸಂಸ್ಥೆ ಸುರುಕ್ಕಾದ್ ತನ್ನ ಎಲ್ಯ ಅಂಗಡಿಡ್ ಗ್ರಾಹಕೆರೆಗ್ ಸೇವೆ ಕೊರೊಂದಿತ್ತುದ್,ಇತ್ತೆ ಉಡುಪಿ ಸಿಟಿಬಸ್ಟ್ಯಾಂಡ್ ಕೈತಲುದ ಕೆಎಸ್ಸಾರ್ಟಿಸಿ ನರ್ಮ್ ಬಸ್ ಸ್ಟ್ಯಾಂಡ್ ದ ವಾಣಿಜ್ಯ ಸಂಕೀರ್ಣಡ್ ಮಲ್ಲ ಸಂಸ್ಥೆಯಾದ್ ಜನಕ್ಲೆನ ಸೇವೆಗ್ ಅಣಿಯಾದುಂಡ್.
ಸ್ವಾತಂತ್ರ್ಯ ಅಮ್ರತೋತ್ಸವ ಬೊಕ್ಕ ಸಂಸ್ಥೆದ 30 ನೇ ವಾರ್ಷಿಕೋತ್ಸವ ಪ್ರಯುಕ್ತ ಗಿಫ್ಡ್ ವಸ್ತುಲೆನ ತೂಪರಿಕೆ(ಪ್ರದರ್ಶನ) ಬೊಕ್ಕ ಮಾರಾಟ ಮೇಳೊನ್ ಆಯೋಜನೆ ಮಲ್ದುಂಡ್.ಈ ಸಂಸ್ಥೆಡ್ ವಿಶೇಷ ಬೊಕ್ಕ ವಿಭಿನ್ನ ರೀತಿದ ಗಿಫ್ಟ್ ಐಟಮ್ಸ್, ನೆಂಪುದ ಕಾಣಿಕೆ,ಮೊಮೆಂಟೊ ಸೇರಿನಂಚ ವಿಶಿಷ್ಟ ಉಡುಗೊರೆನ್ ಉಡುಪಿದ ಜನತೆಗ್ ಕೊರ್ತುಂಡ್.ಈ ಸ‌ಂಸ್ಥೆದ ವಿಶೇಷ ಪಂಡ ಮುಲ್ಪ ತುಳುನಾಡ್ದ ಪರತಿರಿಲೆನ್ ದೆರ್ತ್ ತೋಜಾವುನ ವಿಶೇಷ ನೆಂಪುದ ಕಾಣಿಕೆಲು ಬಾರೀ ಅಗ್ಗೊಡ್ ತಿಕ್ಕುಂಡ್.ಈ ಸರ್ತಿ 30 ನೇ ವರ್ಷದ ಗೌಜಿಗ್ ಜನಕ್ಲೆಗ್ ವಿಶೇಷ ರಿಯಾಯಿತಿ ಯಾದ್ ಅಗಸ್ಟ್ 15ಡ್ದ್ 30 ತಾರೀಕುಮುಟ್ಟ ಕೆಲವೊಂಜಿ ಗಿಫ್ಟ್ ಐಟಂ ಲೆಗ್ 30%. ಡಿಸ್ಕೌಂಟ್ ರೇಟುಡ್ ಕೊರ್ಪುಂಡ್.ನೆತ್ತ ಪ್ರಯೋಜನನ್ ಮಾತಾ ಗ್ರಾಹಕೆರ್ ಪಡೆತೊನ್ಲೆ ಪಂಡುದ್ ಸಂಸ್ಥೆದ ಮುಖ್ಯಸ್ಥೆರಾಯಿನ ದಿವಾಕರ್ ಸನಿಲ್ ತೆರಿಪಾದೆರ್.