ಸಹಕಾರಿ ಸಂಘೊಗು ಗ್ರಾಹಕೆರೇ ಶಕ್ತಿ : ವಾಮನ್ ಇಡ್ಯಾ
#
ಪ್ರಿಯದರ್ಶಿನಿ ಕೋಆಪರೇಟಿವ್ ಸೊಸೈಟಿಡ್ ಗ್ರಾಹಕೆರ್ನ ದಿನಾಚರಣೆ

#

ಹಳೆಯಂಗಡಿ : ಒಂಜಿ ಕಾಲೊಡು ಬಡವೆರೆಗ್ ಮದಿಮೆ ಮಲ್ಪರೆ, ಇಲ್ಲ್ ಕಟ್ಟರೆ ಲೋನ್ ತಿಕೊಂದಿತ್ತಿಜಿ. ಸಾಲ ದೆತೊನರೆ ಭಾರಿ ಕಷ್ಟ ಆವೊಂದಿತ್ತ್ಂಡ್. ಆಂಡ ಇತ್ತೆ ಸಹಕಾರಿ ವಲಯಡ್ ಭಾರಿ ಬೆಳವಣಿಗೆ ಆಯಿನೆರ್ದಾವರ ಮಾತಾ ಗ್ರಾಹಕೆರೆಗ್ “ಪ್ರಿಯ” ವಾಯಿನ ದರ್ಶಿನಿ ” ಪ್ರಿಯದರ್ಶಿನಿದಂಚಿನ ಸಹಕಾರಿ ಸಂಘಲೆನ ಮುಕೇನ ಸಾಲ ಅಂಚೆನೆ ಬೋಡುತ್ತಿನ ಸವಲತ್ತ್ ಮಾತಾ ತಿಕೊಂದುಂಡು. ಆಡಳಿತ ಮಂಡಳಿದಕುಲು ಸಿಬ್ಬಂದಿಲು ಗ್ರಾಹಕೆರೆಗ್ ಎಡ್ಡೆ ಸೇವೆನ್ ಕೊರೊಡು. ಗ್ರಾಹಕೆರೇ ಸಹಕಾರಿ ಸಂಘದ ಮಲ್ಲ ಶಕ್ತಿ ಪಂದ್ ಸಸಿಹಿತ್ಲು
ಶ್ರೀ ಭಗವತಿ ದೇವಸ್ಥಾನದ ಅಧ್ಯಕ್ಷೆರ್ ವಾಮನ ಇಡ್ಯಾ ತೆರಿಪಾಯೆರ್.
ಆರ್ ಹಳೆಯಂಗಡಿ ಪ್ರಿಯದರ್ಶಿನಿ ಸಹಕಾರಿ ಸಂಘದ ಪ್ರಧಾನ ಕಚೇರಿಡ್ ಸೋಮವಾರ ನಡತಿನ ಗ್ರಾಹಕೆರ್ನ ದಿನಾಚರಣೆ ಲೇಸ್ ಡ್ ಮಲ್ಲ ಬಿನ್ನೆರಾದ್ ಪಾಲ್ ಪಡೆದ್ ಪಾತೆರಿಯೆರ್.

ಪ್ರಿಯದರ್ಶಿನಿ ಸೊಸೈಟಿದ ಅಧ್ಯಕ್ಷೆರ್ ವಸಂತ್ ಬೆರ್ನಾಡ್ ಪ್ರಸ್ತಾವಿಕವಾದ್ ಪಾತೆರ್ದ್, ಮೂಜಿ ವರ್ಷದ ಅವಧಿಡ್ ಪಡ್ಡೆದ್ರ ಲ ಸೇರ್ದ್ ಮೂಜಿ ಶಾಖೆಲೆನ್ ಉದಿಪನ ಮಲ್ತ್ ದ್ ಆಡಳಿತ ಮಂಡಳಿ ಬೊಕ್ಕ ಗ್ರಾಹಕೆರ್ನ ಸಂಪೂರ್ಣ ಸಹಕಾರಡ್
26 ಕೋಟಿ ರೂ.ದ ವೈವಾಟ್ ಮಲ್ತ್ ದ್ 19 ಲಕ್ಷ ರೂ. ಲಾಭ ಪಡೆದ್ ಷೇರುದಾರೆರೆಗ್ ಶೇ.6 ಲಾಭಾಂಶ ಕೊರಿಯರೆ ಸಾಧ್ಯ ಆಂಡ್ ಪಂಡೆರ್.
ಹಳೆಯಂಗಡಿ ಗ್ರಾಮ ಪಂಚಾಯಿತಿ ಮಾಜಿ ಅಧ್ಯಕ್ಷೆರ್ ಪೂರ್ಣಿಮಾ ಮಧು ಪಾತೆರ್ದ್ ಸೊಸೈಟಿ ನನಾತ್ ಶಾಖೆಲೆನ್ ಮಲ್ತ್ ದ್ ಅಭಿವೃದ್ಧಿ ಯಾವಡ್ ಪಂದ್ ಎಡ್ಡೆಪ್ಪು ಬಯಕಿಯೆರ್. ವೇದಿಕೆಡ್ ನಿರ್ದೇಶಕೆರಾಯಿನ ಉಮಾನಾಥ್ ಶೆಟ್ಟಿಗಾರ್, ಗಣೇಶ್ ಪ್ರಸಾದ್ ದೇವಾಡಿಗ , ಸಿಇಒ ಸುದರ್ಶನ್ ಇತ್ತೆರ್.
ಈ ಪೊರ್ತುಡು ಪ್ರಿಯದರ್ಶಿನಿ ಸ್ವಸಹಾಯ ಸಂಘ ಬೊಕ್ಕ ಸಂಜೀವಿನಿ ಸ್ವಸಹಾಯ ಗುಂಪುದ ಅರ್ಜಿ ಸ್ವೀಕಾರ ನಡತ್ಂಡ್.
ನಿರಂಜಲ್ ಪ್ರಾರ್ಥನೆ ಮಲ್ತೆರ್. ಸುದರ್ಶನ್ ಸ್ವಾಗತ ಮಲ್ತೆರ್. ಶಾಖಾ ಪ್ರಬಂಧಕಿ ಅಕ್ಷತಾ ಶೆಟ್ಟಿ ನಿರೂಪಣೆ ಮಲ್ತೆರ್.ಅಭೀಷ್ಟಾ ಸೊಲ್ಮೆ ಸಂದಾಯೆರ್.