ಸೂಕ್ತ ಪ್ರೋತ್ಸಾಹಡ್ದ್ ಪ್ರತಿಭಾ ವಿಕಸನ- ತಲ್ಲೂರು ಶಿವರಾಮ ಶೆಟ್ಟಿ..

ಜೋಕ್ಲೆಗ್ ಸರಿಯಾಯಿನ ಪೊರ್ತುಡ್ ಸೂಕ್ತ ಪ್ರೋತ್ಸಾಹ ಕೊರುಂಡ ಅಕ್ಲೆನ ಪ್ರತಿಭಾ ವಿಕಸನ ಆದ್ ಅಕುಲು ಶಕ್ತಿಶಾಲಿಯಾದ್ ಸಮಾಜೊಡ್ ಮಿಂಚುವೆರ್ ಪಂಡುದ್ ತಲ್ಲೂರು ಫ್ಯಾಮಿಲಿ ಟ್ರಸ್ಟ್ ಅಧ್ಯಕ್ಷ ಡಾ.ತಲ್ಲೂರು ಶಿವರಾಮ ಶೆಟ್ಟಿ ಪಂಡೆರ್.ಆರು ಹರಿಖಂಡಿಗೆ ಶ್ರೀ ನಾರಾಯಣೀ ದೇವಿ ಕ್ಷೇತ್ರಡ್ ಅಖಿಲ ಕರ್ನಾಟಕ ಬೆಳದಿಂಗಳ ಸಾಹಿತ್ಯ ಸಮ್ಮೇಳನ ಸಮಿತಿ ತುಳುವ ವೇದಿಕೆಡ್ ಶ್ರವಣಬೆಳಗೊಳದ ಶ್ರೀ
ಚಾರುಕೀರ್ತಿ ಭಟ್ಟಾರಕ ಮಹಾಸ್ವಾಮಿಲೆನ ಶುಭಾಶೀರ್ವಾದದೊಟ್ಟು್ ನಡಪಾಯಿನ ರಾಜ್ಯಮಟ್ಟದ ಜೋಕ್ಲೆನ ಪ್ರತಿಭಾ ಸಂಗಮ ಕಾರ್ಯಕ್ರಮಡ್ ಕರ್ನಾಟಕ ಪ್ರತಿಭಾ ರತ್ನ ಗೌರವ ಪ್ರದಾನ ಮಲ್ತುದ್ ಪಾತೆರಿಯೆರ್
ಮನುಷ್ಯರೆನ್ ಸಮಾಜಡ್ದ್ ವಿಮುಖ ಮಲ್ಪರೆಗ್ ಸಮಾಜನ್ ಪುಡಪರೆಗ್ ವಿಫುಲ ಅವಕಾಶ ಉಂಡು. ಆಂಡ ಸಮಾಜನ್ ಒಟ್ಟುಮಲ್ಪುನಂಚಿನ ಕಾರ್ಯಕ್ರಮೊಲ್ ಅಗತ್ಯವಾದುಂಡ್ ಪಂಡುದ್ ಕಾರ್ಯಕ್ರಮನ್ ಭಜನೆದ ಮುಖೇನ ಉದಿಪನ ಮಲ್ತಿನ ಕ್ಷೇತ್ರದ ಧರ್ಮದರ್ಶಿ ಸುರೇಶ್ ಪಂಡೆರ್
ಜೋಕ್ಲೆನ್ ಅಕಲ್ನಕಲ್ನ ಆಸಕ್ತಿಲೆಗ್ ಅನುಸಾರವಾದ್ ಬುಲೆಪಾಲೆ,ಜಾಸ್ತಿ ಒತ್ತಡ ಪಾಡೊಡ್ಚಿ ಪಂಡುದ್ ಹಿರಿಯ ಉದ್ಯಮಿ ಉಡುಪಿ ವಿಶ್ವನಾಥ ಶೆಣೈ ಪಂಡೆರ್
ಹಿರಿಯ ಹಾಸ್ಯ ಸಾಹಿತಿ ಸಂಧ್ಯಾ ಶೆಣೈ ಅರೆನ ಹಾಸ್ಯಮಿಶ್ರಿತ ಭೋದಪ್ರದ ಪಾತೆರೊಡ್ ಕಜ್ಜೊಗ್ ರಂಗ್ ದಿಂಜಾಯೆರ್. ಸಂಘಟಕೆರಾಯಿನ ಡಾ.ಶೇಖರ ಅಜೆಕಾರು ದಂಪತಿಲೆನ್ ಈ ಪೊರ್ತುಡ್ ಮಾನಾದಿಗೆ ಮಲ್ತೆರ್.
ರೇಡಿಯೋ ಮಣಿಪಾಲ ಸಂಯೋಜಕಿ ಡಾ. ರಶ್ಮಿ ಅಮ್ಮಂಬಳ, ಬೆಂಗಳೂರುಡ್ ಮುಖ್ಯೋಪಾದ್ಯಾಯಿನಿ ಆದುಪ್ಪುನ ಬಿಂದು ಕೆ.ವಿ, ಗ್ರಾಮೋತ್ಸವ ಸಮಿತಿದ ಗೌರವಾಧ್ಯಕ್ಷ ಅರುಣ್ ಶೆಟ್ಟಿಗಾರ್, ದಕ್ಷಿಣ ಜಿಲ್ಲಾ ಮಹಿಳಾ ಕಾರ್ಮಿಕರ ಸಂಘದ ಅಧ್ಯಕ್ಷೆ ಪದ್ಮಶ್ರೀ ನಿಡ್ಡೋಡಿ, ಜೆರಿಮೆರಿ ಕನ್ನಡ ಸಂಘದ ಮಾಜಿ ಕಾರ್ಯದರ್ಶಿ ರವಿ.ಟಿ. ಪೂಜಾರಿ ಕೊಪ್ಪ ಮಲ್ಲ ಬಿನ್ನೆರಾದಿತ್ತೆರ್.
ಪ್ರಜ್ಞಾ.ಪಿ ಹರಿತ್ಸಾ- ಶ್ರವಣಬೆಳಗೊಳ, ಮೇಘನಾ ಬಸವರಾಜ ಹಡಪದ- ಧಾರವಾಡ, ಸಿಂಚನಾ ಎಸ್. ಶಂಕರ್- ಬೆಂಗಳೂರು, ಚಿತ್ತರಂಜನ್ ಕಡಂದೇಲು-ಕಾಸರಗೋಡು, ಧನ್ವಿ ರೈ ಕೋಟೆ- ಪುತ್ತೂರು, ಲಾಲಿತ್ಯ ಕುಮಾರ್ ಬೇಲೂರು- ಹಾಸನ, ನಿರೀಕ್ಷ ವಿಟ್ಲ- ದಕ್ಷಿಣ ಕನ್ನಡ, ಸೃಷ್ಠಿ ಬೆಂಗಳೂರು, ಪ್ರೀತಮ್ ದೇವಾಡಿಗ ಮುದ್ರಡಿ- ಉಡುಪಿ, ತನ್ವಿತಾ ಮೊಗವೀರ-ಉಡುಪಿ, ಚಿನ್ವೀಶ್ ಕೊಟ್ಟಾರಿ ಮಂಗಳೂರು, ಅನ್ವಿತಾ ವಿಟ್ಲ- ದ.ಕ, ಸಿರಿ ಎಸ್.- ಬೆಂಗಲೂರು, ಪ್ರಥಮ್ ಮಾರೂರು- ವೇಣೂರು, ಯೋಗ್ನ ಬಿ. ಅಮೀನ್ ಮಂಗಲೂರು, ಸಾನ್ವಿ ಗುರುಪುರ- ಮಂಗಳೂರು, ದಿಯಾ ಆಳ್ವ ಮೂಡುಬಿದಿರೆ, ಆದ್ಯಂತ್ ಅಡೂರು-ಕಾಸರಗೋಡು ಪುರಸ್ಕೃತರು.
ಸಮಿತಿದ ರಾಜ್ಯಾಧ್ಯಕ್ಷ ಡಾ.ಶೇಖರ ಅಜೆಕಾರು ಅಧ್ಯಕ್ಷತೆ ಡಿತ್ತೆರ್. ಕವಯತ್ರಿ ಆಶ್ವಿನಿ ಕುಲಾಲ್ ಕಡ್ತಲ ಸ್ವಾಗತ ಮಲ್ತೆರ್. ಜೋಕ್ಲೆನ ವಿಭಾಗದ ಸುನಿಧಿ ಎಸ್. ಅಜೆಕಾರು ಸೊಲ್ಮೆ ಸಂದಾಯ್ತ ಮಲ್ತೆರ್. ಯುವ ವಾಗ್ಮಿ ಕಾವ್ಯ ಕಣಜಾರು ಬೊಕ್ಕ ಸೌಮ್ಯಶ್ರೀ, ಸಂತೋಷ ಜೈನ್ ಎಣ್ಣೆಹೊಳೆ ಕಾರ್ಯಕ್ರಮ ನಿರ್ವಹಣೆ ಮಲ್ತೆರ್.
ಪ್ರತಿಭಾ ರತ್ನ ಪುರಸ್ಕೃತರ ಪ್ರತಿಭಾ ಪ್ರದರ್ಶನದ ಒಟ್ಟುಡ್ ಅರ್ಚಿತ್ ಕಶ್ಯಪ್, ಅಶ್ಮಿತ್ ಎ.ಜೆ ಮಂಗಳೂರು, ಅರ್ಚನಾ ಸಂಪ್ಯಾಡಿ, ಸುನಿಜ ಅಜೆಕಾರು , ಉದಯ ಪಿ ದಾಸಗದ್ದೆ ಕಾರ್ಯಕ್ರಮ ಕೊರಿಯೆರ್. ಕ್ಷೇತ್ರದ ಭಜನಾ ಮಂಡಳಿದ ಭಜನಾ ಕಾರ್ಯಕ್ರಮ ಇತ್ತುಂಡ್.