ಕೋಡೆ ರಾತ್ರೆದ ಪೊರ್ತುಡ್‌ ಬಾನೊಡ್ ಬೊಳ್ಳಿ ಸಂಚಾರ ಆವೊಂದುಂಡ್ ಪಂಡುದ್ ಮಾತೆರ್ಲಾ ಬಾರೀ ಸೋಜಿಗಡ್ ತೂವೊಂದಿತ್ತೆರ್. ಕೆಲವೆರೆಗ್ ದಾದಂದ್ ತೆರಿಯಂದೆ ಮಂಡೆಹಾಳಾದಿತ್ತುಂಡ್.ನೆತ್ತ ಬಗ್ಗೆ ವಿಜ್ಞಾನಿಲು ಸ್ಪಷ್ಟನೆ ಕೊರ್ತೆರ್ ತೆರಿಲೆ..
ಉಂದು ಬೊಳ್ಳಿಲು ಅತ್ತ್,ಇಂಟರ್ ನೆಟ್ ಸೇರಿನಂಚ ಬೇತೆ ಬೇತೆ ಸಂಪರ್ಕೊನ್ ಗಳಸಾವೊನರೆಗ್ ದಕ್ಷಿಣ ಆಫ್ರಿಕಾದ ಎಲಾನ್ ಮಸ್ಕ್ ಪನ್ಪಿನ ಬಾಹ್ಯಾಕಾಶ ಉದ್ಯಮಿ ನಡಪಾವೊಂದುಪ್ಪುನ ಸ್ಪೇಸ್ ಎಕ್ಸ್ ಕಂಪೆನಿದ ಉಪಗ್ರಹಕುಲ್ ಪಂಡುದ್ ಸ್ಪಷ್ಟನೆ ಕೊರ್ತೆರ್.ಎಲಾನ್ ಮಸ್ಕ್ ಸ್ಟಾರ್ ಲಿಂಕ್ ಪನ್ಪಿನ ಸುಮಾರು 1584 ಕ್ರತಕ ಉಪಗ್ರಹಕುಲೆನ್ ಬಾನೊಡ್ ರಾಪಾವುನ ಯೋಜನೆ ಪಾಡೊಂದ್,ಸುಮಾರ್ 90 ಕ್ರತಕ ಉಪಗ್ರಹಕುಲೆನ್ ಬುಡ್ತೆರ್.ಅವ್ ಭೂಮಿದ ಸುತ್ತ ತಿರುಗೊಂದ್ ಇಲ್ಲ ಇಲ್ಲಗ್ ವಯರ್ ಲೆಸ್ ಇಂಟರ್ ನೆಟ್ ಸೇವೆ ಕೊರ್ಪುಂಡ್.
ಬದಲಾವಣೆದ ಕಾಲಘಟ್ಟೊಡ್ ಪೊಸ ಪೊಸ ಆವಿಷ್ಕಾರೊಲ್ ನಡತೊಂದುಪ್ಪುನೆಡ್ದಾವರ ಸುರುಕ್ಕಾದ್ ತೂವನಗ ಸೋಜಿಗನೇ ತೋಜುಂಡ್..ಸತ್ಯ ವಿಷಯ ತೆರಿನೆಡ್ ಬೊಕ್ಕ ನಮ್ಮ ವಿಜ್ಞಾನ ಏತ್ ದುಂಬು ಪೋವೊಂದುಂಡ್ ಪನ್ಪಿನ ಸತ್ಯ ವಿಚಾರಲಾ ತೆರಿಯುಂಡ್.
by 