ಕಡಲ್ಕೊರೆತ ತಡೆಪರೆಗ್ ಶಾಶ್ವತ ಪರಿಹಾರ ಒದಗಿಸಾವರೆಗ್ ಕ್ರಿಯಾ ಯೋಜನೆ ಮಲ್ಪುಂಡ್ ,ಅಯಿಕ್ ಏತ್ ಖರ್ಚಾಪುಂಡ್ ಪಂಡುದ್ ಅಧಿಕಾರಿಲೆನೊಟ್ಟುಗ್ ಚರ್ಚೆ ಮಲ್ತುದ್ ಅನುದಾನ ಹೊಂದಾಣಿಕೆ ಮಲ್ಪುಂಡ್.
ಕರಾವಳಿ ಭಾಗದ ಕಡಲ ಬದಿಟ್ ಮಸ್ತ್ ಕಾಮಗಾರಿಲು ಆದಿತ್ತುದ್, ನನಲಾ ಕೆಲವ್‌ ಕಾಮಗಾರಿ ಬಾಕಿ ಉಂಡು ಬೊಕ್ಕ ಹೊಸ ಕಾಮಗಾರಿ ಮಲ್ಪೊಡಾಪುಂಡ್ ಪಂಡುದು ಮಾನ್ಯ ಮುಖ್ಯಮಂತ್ರಿ ಸಿದ್ದರಾಮಯ್ಯತೆರಿಪಾಯೆರು.
ಆರು ಇನಿ ಪಡುಬಿದ್ರೆ ಬೀಚ್ ಡ್ ಕಡಲ್ಕೊರೆತ ವೀಕ್ಷಣೆ ಮಲ್ತುದ್ ಪಾತೆರಿಯೆರು.
ಉಡುಪಿ ಮಹಿಳಾ ಬೊಕ್ಕ ಮಕ್ಕಳ ಆಸ್ಪತ್ರೆ ಸಿಬ್ಬಂದಿಲೆನ ವೇತನ ಬುಡುಗಡೆ ಬಗ್ಗೆ ಕೂಡಲೇ ಹಣಕಾಸು ಇಲಾಖೆಗ್ ಸೂಚನೆ ಕೊರ್ಪುಂಡ್ ಪಂಡೆರು.
ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆ ಬೊಕ್ಕ ಜಿಲ್ಲಾ ಉಸ್ತುವಾರಿ ಸಚಿವೆ ಲಕ್ಷ್ಮಿ ಹೆಬ್ಬಾಳ್ಕರ್, ಬಂದರು ಬೊಕ್ಕ ಮೀನುಗಾರಿಕೆ ಸಚಿವ ಮಾಂಕಳು ವೈದ್ಯ, ಕಾಪು ಶಾಸಕ ಗುರ್ಮೆ ಸುರೇಶ್ ಶೆಟ್ಟಿ, ಜಿಲ್ಲಾಧಿಕಾರಿ ಡಾ.ಕೆ.ವಿದ್ಯಾಕುಮಾರಿ ಇತ್ತೆರು.
by 