ಮೆಸ್ಕಾಂ ವ್ಯಾಪ್ತಿಡ್ ಎದುರಾಪಿನ ಸಮಸ್ಯೆಲು ಬೊಕ್ಕ ಪರಿಹಾರೋಪಾಯದ ಬಗ್ಗೆ ಚರ್ಚೆ : ಸುನೀಲ್ ಕುಮಾರ್

ಇಂಧನ,ಕನ್ನಡ ಬೊಕ್ಕ ಸಂಸ್ಕೃತಿ ಸಚಿವೆರಾಯಿನ ಸುನೀಲ್ ಕುಮಾರ್ ಮೆರೆನ ಅಧ್ಯಕ್ಷತೆಡ್ ಬೆಂಗಳೂರುಡ್ ಮೆಸ್ಕಾಂ ವ್ಯಾಪ್ತಿಗ್ ಬರ್ಪಿನ ವಿಧಾನಸಭಾ ಕ್ಷೇತ್ರದ ಶಾಸಕೆರೆನೊಟ್ಟುಗ್ ಸಭೆ ಆಯೋಜನೆ ಮಲ್ದಿತ್ತುಂಡ್.
ಈ ಸಭೆಟ್ ಇಂಧನ ಇಲಾಖೆಗ್ ಸಂಬಂಧಪಟ್ಟಿನ ಅಂಚನೇ ಮೆಸ್ಕಾಂ ವ್ಯಾಪ್ತಿಡ್ ಎದುರಾಪಿನ ಸಮಸ್ಯೆಲು ಬೊಕ್ಕ ಪರಿಹಾರೋಪಾಯೊಲೆನ್ ಕುರಿತಾದ್ ಚರ್ಚೆ   ನಡತುಂಡ್.
ಸಭೆಟ್ ಶಾಸಕೆರ್ ಪ್ರಸ್ತಾಪನೆ ಮಲ್ತಿನ ಸಮಸ್ಯೆಲೆನ ಬಗ್ಗೆ ಸೂಕ್ತ ಪರಿಹಾರ ಕ್ರಮೊಲೆನ್ ದೆತೊನರೆಗ್ ಸಚಿವೆರ್ ಸೂಚನೆ ಮಲ್ತೆರ್.
ಗೃಹಸಚಿವೆರಾಯಿನ ಅರಗ ಜ್ಞಾನೇಂದ್ರ ಸೇರಿನಂಚ ಮೆಸ್ಕಾಂ ವ್ಯಾಪ್ತಿಗ್ ಸೇರಿನ ಶಾಸಕೆರ್,ಇಲಾಖೆದ ಅಪರ ಮುಖ್ಯ ಕಾರ್ಯದರ್ಶಿ ಜಿ.ಕುಮಾರ್ ನಾಯಕ್,ಡಾ.ಎನ್.ಮಂಜುಳಾ ಬೊಕ್ಕ ಇಲಾಖೆದ ಉನ್ನತ ಅಧಿಕಾರಿಲು ಈ ಸಂದರ್ಬೋಡು ಉಪಸ್ಥಿತರಿತ್ತೆರ್.