ಸುಗಮ ಸಂಚಾರ

ಸುಗಮ ಸಂಚಾರಗ್ ಪೂರಕ ಟ್ರಾಫಿಕ್ ಸಿಗ್ನಲ್ ಅಳವಡಿಕೆಗ್ ನಗರಸಭೆ ಬದ್ಧ : ಪ್ರಭಾಕರ ಪೂಜಾರಿ.

ಉಡುಪಿ ನಗರಡ್ ಗಾಡಿಲು  ಬ್ಲಾಕ್ ಆಪಿನ  ನಿಯಂತ್ರಣ ಮಲ್ತುದ್ ಸುಗಮ ಸಂಚಾರಗ್  ಪೂರಕವಾದ್ ನಗರದ ಪ್ರಮುಖ ಭಾಗಲೆಡ್  ಪೊಲೀಸ್ ಇಲಾಖೆದ ಮಾರ್ಗಸೂಚಿದಂಚ  ಟ್ರಾಫಿಕ್ ಸಿಗ್ನಲ್ ಅಳವಡಿಕೆಗ್ ನಗರಸಭೆ ಇತ್ತೆನೇ  ಕ್ರಮ ದೆತೊಂದು, ಶೀಘ್ರಡೇ ವೈಜ್ಞಾನಿಕ ರೀತಿಡ್  ಸಿಗ್ನಲ್ ಅಳವಡಿಕೆಗ್  ನಗರಸಭೆ ಬದ್ಧವಾದುಂಡ್ ಪಂಡುದು ಉಡುಪಿ ನಗರಸಭೆ ಅಧ್ಯಕ್ಷೆರಾಯಿನ ಶ್ರೀ ಪ್ರಭಾಕರ ಪೂಜಾರಿ ತೆರಿಪಾದೆರ್.

ಉಡುಪಿ ನಗರದ ಕಲ್ಸಂಕ ಜಂಕ್ಷನ್ ಡ್ ಬ್ಯಾರಿಕೇಡ್ ಪಾಡ್ದ್  ಸ್ಥಳೀಯರೆಗ್ ಆಪಿನ   ಸಮಸ್ಯೆ ದ ಬಗ್ಗೆ  ಶಾಸಕ ಯಶ್ ಪಾಲ್ ಸುವರ್ಣ ನೇತೃತ್ವಡ್  ಸ್ಥಳೀಯ ಮುಖಂಡರೆನೊಟ್ಟುಗ್  ಜಿಲ್ಲಾಧಿಕಾರಿಲೆನ್  ಭೇಟಿ ಮಲ್ತುದ್ ಬ್ಯಾರಿಕೇಡ್ ತೆರವುಗ್  ಮನವಿ ಮಲ್ದಿತ್ತುದ್, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಲೆಗ್  ಮಾಹಿತಿ ಕೊರ್ತುಂಡ್.

ತೀರ ಅವೈಜ್ಞಾನಿಕ ರೀತಿಡ್ ಟ್ರಾಫಿಕ್ ಸಿಗ್ನಲ್ ಕಂಬಲೆನ್ ರಸ್ತೆದ  ಬದಿಟ್  ಪಾಡ್ದ್  ಪಾದಚಾರಿಲೆಗ್ , ವಾಹನ ಸಂಚಾರಗ್  ಸಮಸ್ಯೆ ಎದುರಾವೊಂದಿತ್ತುದ್, ಕೇವಲ ಜಾಹೀರಾತಿಗಾದ್  ಟ್ರಾಫಿಕ್ ಸಿಗ್ನಲ್ ಮಲ್ದಿಲೆಕ್ಕ ಉಂಡು. ಕಲ್ಸಂಕ ಜಂಕ್ಷನ್ ಡ್  ಉಡುಪಿ ಸಿಟಿ ಬಸ್ ನಿಲ್ದಾಣ ಬೊಕ್ಕ ಮಣಿಪಾಲ ಭಾಗದ ರಸ್ತೆಗ್ ಮಾತ್ರ ಸಿಗ್ನಲ್ ಅಳವಡಿಕೆ ಮಲ್ದಿತ್ತುದ್ ರಾಜಾಂಗಣ ಬೊಕ್ಕ ಅಂಬಾಗಿಲು ಗುಂಡಿಬೈಲು ರಸ್ತೆಗ್ ಸಿಗ್ನಲ್ ಅಳವಡಿಕೆ ಮಲ್ದುಜೆರ್.

ರಸ್ತೆ ಸುರಕ್ಷತಾ ನಿಯಮಲೆನ್  ಗಾಳಿಗ್ ನೂಕುದ್ ಬೃಹತ್ ಗಾತ್ರದ ಟ್ರಾಫಿಕ್ ಕಂಬಲೆನ್ ಅಳವಡಿಕೆ ಮಲ್ದಿನ  ಹಿನ್ನೆಲೆ ತ್ರಿವೇಣಿ ಸರ್ಕಲ್, ಡಯಾನ ಸರ್ಕಲ್  ದಲ್ಪ  ವಾಹನ ಸಂಚಾರಗ್  ಕೃತಕ ತಡೆ ಸೃಷ್ಟಿ ಮಲ್ದೆರ್. ಈ ಕಂಬಲೆನ್ ತೆರವು ಮಲ್ಪುನ ಬಗ್ಗೆಲಾ  ನಗರಸಭೆ ವತಿಡ್ದ್  ಕ್ರಮ ದೆತೊಂಬುಂಡ್.

ಕೆಲವು ಸರ್ತಿ ನಗರಡ್  ಟ್ರಾಫಿಕ್ ಸಿಗ್ನಲ್ ಅಳವಡಿಕೆ ಮಲ್ದುಂಡಲಾ  ಸೂಕ್ತ ನಿರ್ವಹಣೆ ಇಪ್ಪಂದೆ ಮಸ್ತ್ ಪರಿಣಾಮಕಾರಿಯಾದ್  ಬಳಕೆಯಾವಂದೆ ಯೋಜನೆ ಫಲಪ್ರದ ಆವಂದಿನ  ಹಿನ್ನೆಲೆ ಈ ಸರ್ತಿ  ಪೊಲೀಸ್ ಇಲಾಖೆದ  ಮಾರ್ಗಸೂಚಿದಂಛ  ವೈಜ್ಞಾನಿಕ ರೀತಿಡ್ ಸಿಗ್ನಲ್ ಅಳವಡಿಕೆ ನಗರಸಭೆ ದುಂಬಾತುಂಡ್ ಪಂಡುದು ಪ್ರಕಟಣೆಡ್ ತೆರಿಪಾದೆರ್.