ಡಾ.ಶಿವರಾಮ ಕಾರಂತ ಬಾಲ ಪುರಸ್ಕಾರಗ್ ಸುನಿಧಿ ಅಜೆಕಾರು ಆಯ್ಕೆ

ಡಾ.ಶಿವರಾಮ ಕಾರಂತ ಬಾಲ ಪುರಸ್ಕಾರಗ್ ಸುನಿಧಿ ಅಜೆಕಾರು ಆಯ್ಕೆ … ಕೋಟ ಡಾ.ಶಿವರಾಮ ಕಾರಂತ ಹುಟ್ಟೂರ ಪ್ರಶಸ್ತಿ(ರಿ) ಬೊಕ್ಕ ಕೋಟತ ಟ್ಟು ಗ್ರಾಮ ಪಂಚಾಯತ್ ಕೊರ್ಪಿನ ಡಾ.ಶಿವರಾಮ ಕಾರಂತ ಬಾಲ ಪುರಸ್ಕಾರಗ್ ಕಾರ್ಕಳ ತಾಲೂಕುಡ್ದ್ ಅಜೆಕಾರು ಸರಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆದ ಸುನಿಧಿ ಅಜೆಕಾರು ಆಯ್ಕೆ ಆತೆರ್. ಸ್ಯಾಕ್ಸೋಪೊನ್ ಕಲಾವಿದೆರಾಯಿನ ಪ್ರೀತಮ್ ಮುದ್ರಾಡಿ , ಸಂಜಿತ್ ಗಂಗೊಳ್ಳಿ ಸೇರಿನಂಚ 20 ಪ್ರಾಥಮಿಕ ಶಾಲೆದ ಪ್ರತಿಭಾನ್ವಿತರೆನ್ ಆಯ್ಕೆ ಮಲ್ದುಂಡ್ ಪಂಡುದು ಡಾ.ಕಾರಂತ ಪ್ರತಿಷ್ಠಾನದ ಕಾರ್ಯಧ್ಯಕ್ಷ ಆನಂದ ಸಿ.ಕುಂದರ್, ಕಾರ್ಯದರ್ಶಿ ನರೇಂದ್ರ ಕುಮಾರ್ ಕೋಟ, ಪಂಚಾಯತ್ ಅಧ್ಯಕ್ಷೆ ಅಶ್ವಿನಿ ದಿನೇಶ್, ವಿಶೇಷ ಕರ್ತವ್ಯಾಧಿಕಾರಿ ಪೂರ್ಣಿಮಾ ಅಕ್ಲೆನ ಸಂಯುಕ್ತ ಪ್ರಕಟಣೆ ತೆರಿಪಾದುಂಡ್.ಅಖಿಲ ಕರ್ನಾಟಕ ಬೆಳದಿಂಗಳ ಸಾಹಿತ್ಯ ಸಮ್ಮೇಳನ ಸಮಿತಿದ ಜೋಕ್ಲೆನ ವಿಭಾಗದ ಸಂಚಾಲಕೆರಾದ್ ಮುಂಬಯಿ, ಚಿತ್ರದುರ್ಗ,ಕಾಸರಗೋಡು,ಕಿನ್ನಿಗೋಳಿ, ಮಂಗಳೂರು, ಉಡುಪಿ,ಮೈಸೂರು,ಉಪ್ಪಿನಂಗಡಿ ಸೇರ್ದ್ ಬೇತೆ ಬೇತೆ ಕಡೆ ಕಾರ್ಯಕ್ರಮ ಕೊರ್ತೆರ್. ಚೈತನ್ಯಶ್ರೀ ಕರುನಾಡ ರತ್ನ,ಪ್ರತಿಭಾ ಚೇತನ, ಪ್ರಕೃತಿ ಕಲಾ ರತ್ನ ಸೇರ್ದ್ ಮಾನಾದಿಗೆಗ್ ಪಾತ್ರರಾತೆರ್.ಮೇರು ಪತ್ರಕರ್ತ ಡಾ.ಶೇಖರ ಅಜೆಕಾರು ಬೊಕ್ಕ ಸೌಮ್ಯಶ್ರೀ ದಂಪತಿಲೆನ ಮಗೆ.