ಪಣಿಯಾಡಿ ಕಾದಂಬರಿ

ಉಡುಪಿ: ಉಡುಪಿ ತುಳುಕೂಟದ ಆಶ್ರಯಡ್ ನಡಪುನ ಎಸ್.ಯು. ಪಣಿಯಾಡಿ ತುಳು ಕಾದಂಬರಿ ಪ್ರಶಸ್ತಿ ಆಯ್ಕೆಗಾದ್ ತುಳು ಕಾದಂಬರಿಲೆನ ಹಸ್ತಪ್ರತಿಕುಲೆಗ್ ಲೆಪ್ಪು ಕೊರ್ತೆರ್.
ತುಳು ಭಾಷೆಡ್ ಎಡ್ಡೆ  ಕಾದಂಬರಿಲು ಪ್ರಕಟ ಆವೊಡ್ ಪನ್ಪಿನ ಉದ್ದೇಶಡಾದ್ ತುಳು ಪೊರಂಬಾಟದ ಪ್ರವರ್ತಕೆ ದಿ. ಎಸ್.ಯು. ಪಣಿಯಾಡಿ ಅರೆನ ನೆಂಪುಡ್ ಕೊರ್ಪಿನ ಈ ಪ್ರಶಸ್ತಿಗ್  ಈ ತಿರ್ತುದ್ ನಿಬಂಧನೆಲೆಗ್ ಹಸ್ತಪ್ರತಿಲೆನ್ ಸ್ವೀಕಾರ ಮಲ್ಪುಂಡ್.
ಹಸ್ತಪ್ರತಿಕುಲು ತುಳು ಕಾದಂಬರಿ ಆದುಪ್ಪೊಡ್. ಅವ್ ಇದಮುಟ್ಟ  ಒವ್ವೇ  ಬಹುಮಾನಗ್ ಆಯ್ಕೆಯಾದುಪ್ಪರೆ ಬಲ್ಲಿ. ಇದಮುಟ್ಟ  ಒಲ್ಪಲಾ  ಮುದ್ರಿತವಾದುಪ್ಪರೆಗ್ ಬಲ್ಲಿ. ಆಯ್ಕೆಯಾಂಡ ಮುದ್ರಣ ಮಲ್ಪನಗ ಕ್ರೌನ್ 1/8 ಆಕಾರ ಡಾ 120 ಪುಟದಾತ್ ಮೀರಂದೆ ದೀರ್ಘವಾದುಪ್ಪೊಡ್. ಹಸ್ತಪ್ರತಿಕುಲು  ಪೊರ್ಲುದ ಕೈಬರಹ, ಬೆರಳಚ್ಚು ಅತ್ತುಂಡ ಕಂಪ್ಯೂಟರ್ ಮುದ್ರಿತ (ಡಿಟಿಪಿ) ರೂಪೊಡುಪ್ಪೊಲಿ. ಕಾದಂಬರಿ ತುಳುನಾಡುದ ಭೌಗೋಳಿಕ ಚಿತ್ರಣ, ತುಳು ಸಂಸ್ಕೃತಿನ್  ಬಿಂಬಿಸಾವುನ  ಅಂಶಡ್  ಕೂಡ್ದಿತ್ತುದ್, ಪೌರಾಣಿಕ, ಐತಿಹಾಸಿಕ, ಜಾನಪದ, ಸಾಮಾಜಿಕ ವಸ್ತುಲೆನ್  ಆಧರಿಸಿದುಪ್ಪೊಲಿ.
ಪ್ರಶಸ್ತಿ 8 ಸಾವಿರ ರೂ. ಪಣವು ಬೊಕ್ಕ  ಪ್ರಶಸ್ತಿ ಪತ್ರ ಉಪ್ಪುಂಡ್. ಹಸ್ತಪ್ರತಿನ್  ಡಿಸೆಂಬರ್ 15 ತ್ತ ಉಲಾಯಿ ಪಣಿಯಾಡಿ ತುಳು ಕಾದಂಬರಿ ಸ್ಪರ್ಧೆದ  ಸಂಚಾಲಕಿ – ಶಿಲ್ಪಾ ಜೋಶಿ , ಶೆಲ್ಟರ್. ಹೆಚ್.ಐ.ಜಿ 19. ಪ್ರಸನ್ನ ಗಣಪತಿ ದೇವಸ್ಥಾನದ ಎದುರು, ಮಣ್ಣುಪಳ್ಳ. ಮಣಿಪಾಲ, ಉಡುಪಿ. 576 104 (ಮೊಬೈಲ್ – 7892194150) ಇಡೆಗ್ ಕಡಪುಡೊಡ್. . ಹೆಚ್ಚಿಗೆ ಮಾಹಿತಿಗ್ ತುಳುಕೂಟದ ಕಾರ್ಯದರ್ಶಿ ಗಂಗಾಧರ ಕಿದಿಯೂರು ( 9844532629) ಮೆರೆನ್  ಸಂಪರ್ಕ ಮಲ್ಪೊಲಿ  ಪಂಡುದು ಉಡುಪಿ ತುಳುಕೂಟದ ಅಧ್ಯಕ್ಷೆರಾಯಿನ  ಶ್ರೀ ಬಿ. ಜಯಕರ ಶೆಟ್ಟಿ ಇಂದ್ರಾಳಿ ಮೇರು ತೆರಿಪಾದೆರ್.