ಪಾಲೆಮರನ್ ಒರಿಪಾವುನ ಅಗತ್ಯ ಉಂಡು.

ಉಡುಪಿ ಪಿತ್ರೋಡಿದ  ಮೊಗವೀರಹಿತ್ಲು  ಶ್ರೀ ದತ್ತಾತ್ರೇಯ ಭಜನಾ ಮಂಡಳಿ  ಬೊಕ್ಕ ಶ್ರೀ ದತ್ತಾತ್ರೇಯ ಮಹಿಳಾ ಮಂಡಳಿದಕುಲು ಆಯೋಜನೆ ಮಲ್ದಿನ’ಆಟಿಡೊಂಜಿ ದಿನ’ ಕಾರ್ಯಕ್ರಮಡ್  ಮಲ್ಲ ಬಿನ್ನೆರಾದ್ ಪಾಲ್ ಪಡೆದ್ ಪಾತೆರಿನ ಮಣಿಪಾಲ ಮಾಹೆದ ಮಣಿಪಾಲ ಇನ್ಸ್ಟಿಟ್ಯೂಟ್ ಆಫ್ ಕಮ್ಯುನಿಕೇಶನ್ ಕ್ಯಾಂಪಸ್ ದ ರೇಡಿಯೊ ಮಣಿಪಾಲಡ್ ಸಹಾಯಕ ಪ್ರಾಧ್ಯಾಪಕೆರು, ಸಂಯೋಜಕೆರು ಬೊಕ್ಕ ಸಂಶೋಧಕೆರಾದುಪ್ಪುನ ಡಾ.ರಶ್ಮಿ ಅಮ್ಮೆಂಬಳ ಆಟಿ ತಿಂಗೊಲ್ದ ಆಚರಣಾ ವಿಧಾನಲೆನ ಮಹತ್ವನ್  ವಿವರಿಸಾದ್ ವಿನಾಶದ ಅಂಚಿಡುಪ್ಪುನ ಪಾಲೆಮರನ್ ಒರಿಪಾದ್ ಬುಲೆಪಾವೊಡಾಯಿನ  ಅನಿವಾರ್ಯತೆ ಉಂಡು ಪಂಡುದು ಅಭಿಪ್ರಾಯಪಟ್ಟೊಂಡೆರು.
ಈ ಸಂದರ್ಭಡ್  ಬೇತೆ ಬೇತೆ ಪಂತೊಲೆನ್ ಆಯೋಜನೆ ಮಲ್ದಿತ್ತೆರ್. ಜೋಕುಲು  ಪ್ರದರ್ಶನ ಮಲ್ತಿನ ಆಟಿಕಳಂಜ‌ದ ನಲಿಕೆ  ಬಾರೀ ಪೊರ್ಲಾದಿತ್ತುಂಡ್. ಆಟಿತಿಂಗಳ ಮಹತ್ವನ್ ಸಾರುನ ಬೇತೆ ಬೇತೆ ಭಕ್ಷ್ಯಲೆನ ಭೋಜನ ವ್ಯವಸ್ಥೆನುಲಾ ಮಲ್ದಿತ್ತೆರ್. ವೇದಿಕೆಡ್  ಚೇತನ್ ಕುಮಾರ್ ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತೆರು.ಸಬಿತಾ ಸುರೇಶ್,ರಾಜೇಶ್ ಕುಂದರ್, ಐತಪ್ಪ ಕೋಟ್ಯಾನ್, ಶ್ರೀ ದತ್ತಾತ್ರೇಯ ಮಹಿಳಾ ಮಂಡಳಿ ಅಧ್ಯಕ್ಷೆ ಹರಿಣಿ ದಿನೇಶ್  ಉಪಸ್ಥಿತರಿತ್ತೆರು.