ಕರಾವಳಿ ಯುವಕ ಬೊಕ ಮಹಿಳಾ ಮಂಡಲ(ರಿ) ಬಡಾನಿಡಿಯೂರ್ ಒಡಿಪು ಉಂದೆತ ಮುತಾಲಿಕೆಡ್ ಆಟಿಡೊಂಜಿ ದಿನ ಪನ್ಪಿನ ಕಜ್ಜೊ ಜುಲೈ21 ನೇ ಐತಾರದಾನಿ ನಡತುಂಡ್.ಬಿನ್ನೆರಾದ್ ಬೈದಿನ ತುಲು ಕನ್ನಡ ಕವಯಿತ್ರಿ ಅಂಚೆನೆ ಭುವನೇಂದ್ರ ಕಾಲೇಜ್ ಕಾರ್ಲ ಉಂದೆತ ಕನ್ನಡದ ಉಪನ್ಯಾಸಕಿ ಆಯಿನ ಸುಲೋಚನಾ ಪಚ್ಚಿನಡ್ಕ ಲೇಸ್ ನ್ ಉದಿಪನ ಮಲ್ತೆರ್. ಈ ಪೊರ್ತುಡು ಜೈ ತುಲುನಾಡ್(ರಿ.) ಒಡಿಪು ವಲಯದ ಮುತಾಲಿಕೆಡ್ “ಬಲೆ ತುಲು ಲಿಪಿಟ್ ಬರೆಕ ಪನ್ಪಿ”ಕಜ್ಜೋ ನಡತುಂಡ್. ಯುವಕ/ಮಹಿಳಾ ಮಂಡಲದ ಪದುಕೆರ್,ಬೊಕ್ಕ ಊರುದಕುಲು ಬಾರಿ ಉಮೇದ್ ಡ್ ತನ್ಕ್ಲೆನ ಪುದರ್ ನ್ ಅಪ್ಪೆ ಬಾಸೆ ತುಲುಟು ಬರೆದ್ ಎಡ್ಡೆಪ್ಪುಲು ಬಯಕಿಯೆರ್. ಕಜ್ಜೊಗ್ ಪಾಲ್ ಪಡೆಯಿನ ಜೈ ತುಲು ನಾಡ್(ರಿ.) ಗ್ ನೆಂಪುದ ಕಾಣಿಕೆ ಕೊರ್ದು ಮಾನದಿಗೆ ಮಲ್ತೆರ್, ನೆಂಪುದ ಕಾಣಿಕೆನ್ ಮಾಜಿ ಗುರ್ಕಾರ್ಲು ಆಯಿನ ವಿಶು ಶ್ರೀಕೇರ ಸಂಘದ ಪರವಾದ್ ದೆತೊನಿಯೆರ್…..
ಈ ಪೊರ್ತುಡು ಜೈ ತುಲುನಾಡ್(ರಿ.) ದ ಕೇಂದ್ರ ಸಮಿತಿದ ಒತ್ತು ಕಾರ್ಯಂತೆರ್ ಆಯಿನ ಪ್ರಜ್ಞಾಶ್ರೀ ಕೊಡವೂರ್, ಸಂಘಟನಾ ಕಾರ್ಯಂತೆರ್ ಆಯಿನ ಸಂತೋಷ್. ಎನ್. ಎಸ್ ಕಟಪಾಡಿ, ಕಾರ್ಯಕಾರಿ ಸಮಿತಿದ ಪದುಕೆರ್ ಆಯಿನ ಸಾಗರ್ ಒಡಿಪು, ವಿಶಾಂತ್ ಪೂಜಾರಿಉದ್ಯಾವರ, ಮಾಜಿ ಸಂಘಟನಾ ಕಾರ್ಯಂತೆರ್ ಆಯಿನ ಶೇಖರ್ ಶ್ರೀಗಂಗೆ, ತುಲು ಲಿಪಿ ಕಲ್ಪಾದಿ ಆಯಿನ ಸುಶೀಲಾ ಜಯಕರ್ ಕೊಡವೂರ್ ಅಂಚನೆ ಒಡಿಪು ಬೊಕ ಕಾರ್ಲ ವಲಯದ ಪದುಕೆರ್ ಆಯಿನ ಶಿವಪ್ರಸಾದ್ ಮಣಿಪಾಲ್ ಸುನಿಲ್ ಕುಮಾರ್ ಕಾರ್ಲ, ಸುರೇಶ್ ಶ್ರೀದುರ್ಗಾ, ಸುಜನ್ ಸುಹಾನಿ ಪಾಲ್ ಪಡೆದಿತ್ತೆರ್.
by 