ತುಳುನಾಡುಡ್ ಆಟಿ ತಿಂಗೊಲುಗ್ ವಿಶೇಷವಾಯಿನ ಮಹತ್ವ ಉಂಡು: ಶಿವರಾಯ ಪ್ರಭು.

ಆಟಿ ತಿಂಗೊಲ್ ಪನ್ಪಿನವ್ವೇ ಒಂಜಿ ವಿಶೇಷ ತಿಂಗೊಲ್.ನಮ್ಮ ಹಿರಿಯೆರ್ ಆಟಿ ತಿಂಗೊಲ್ ಡ್ ಅಟ್ಟೊಡಿತ್ತಿನ ಅರಿ ಸಾಮಾನುಲು ಕಾಲಿ ಆಯಿನ ಪೊರ್ತುಡ್ ಬಂಜಿದ ಬಡಾವ್ ತೆಕ್ಕಾವರೆಗ್ ಪ್ರಕ್ರತಿಡ್ ತಿಕ್ಕೊಂದಿತ್ತಿನ ಆಹಾರ ವಸ್ತುಲೆನ್ ಗಲಸೊಂದಿತ್ತೆರ್.ಆಹಾರೊಡೇ ಮರ್ದ್ ದ ಅಂಶೊಲು ಇತ್ತುಂಡ್.ಆಂಡ ಇತ್ತೆ ಕಾಲ ಬದಲಾತುಂಡ್. ನಮ ಪಾಶ್ಚಾತ್ಯ ತೆನಸುದಂಚಿ ಒಲವು ತೋಜಾದ್ ನಮ್ಮ ತೆನಸುದ ಪದ್ಧತಿಲೆನ್ ಮದತ್ ಪೋವೊಂದುಲ್ಲ.ನಮ್ಮ ಆರೋಗ್ಯನ್ ನಮನೇ ಹಾಳ್ ಮಲ್ತೊಂದುಲ್ಲ.ಆಟಿಡ್ ನಮ್ಮ ಹಿರಿಯೆರ್ ಬದುಕೊಂದಿತ್ತಿನ ಬದುಕುನ್ ನಮ ಇನಿ ಆಚರಣೆ ಮಲ್ತೊಂದುಲ್ಲ.ತುಳುನಾಡುಡ್ ಆಟಿ ತಿಂಗೊಲುಗ್ ವಿಶೇಷವಾಯಿನ ಮಹತ್ವ ಉಂಡು ಪಂಡುದ್ ಧರ್ಮಸ್ಥಳ ಗ್ರಾಮಾಭಿವ್ರದ್ಧಿ ಯೋಜನೆ ಉಡುಪಿದ ಮಾನ್ಯ ಹಿರಿಯ ನಿರ್ದೇಶಕೆರಾಯಿನ ಶಿವರಾಯ ಪ್ರಭು ಮೇರ್ ಪಂಡೆರ್

.ಆರ್ ಅಗಸ್ಟ್ 7 ತಾರೀಕುದಾನಿ ಮಲ್ಪೆ ವಲಯದ ತೆಂಕನಿಡಿಯೂರು ಕಾರ್ಯಕ್ಷೇತ್ರದ ಒಕ್ಕೂಟದ ವತಿಡ್ದ್ ತೆಂಕನಿಡಿಯೂರು ಸಮುದಾಯ ಭವನೊಡ್ ನಡತಿನ ಆಟಿಕೂಟದ ತಿಂಡಿ ತೆನಸುಲೆನ್ ಉದಿಪನ ಮಲ್ತುದ್ ಪಾತೆರಿಯೆರ್.ಆಟಿಡೊಂಜಿ ದಿನತ್ತ ಕಜ್ಜೊನ್ ಉದಿಪನ ಮಲ್ತಿನ ಉದ್ಯಮಿ ದಯಾನಂದ ಶೆಟ್ಟಿ ಕೊಜಕೋಳಿ ಪಾತೆರ್ದ್ ಆಟಿದ ಕಜ್ಜೊನ್ ಮಲ್ಪುನ ಮುಖೇನ ದುಂಬುದ ಪೀಳಿಗೆಗ್ ತುಳುನಾಡ್ದ ಆಚಾರ ವಿಚಾರೊಲೆನ್ ಬೇಲೆ ಆವಡ್ ಪಂಡೆರ್.ಸಂಪನ್ಮೂಲ ವ್ಯಕ್ತಿಯಾದ್ ತುಳುನಾಡ ಧ್ವನಿ ಪತ್ರಿಕೆದ ಮುಖ್ಯಸ್ಥೆರಾಯಿನ ಶ್ರೀಮತಿ ಯಶೋದ ಕೇಶವ್ ಆಟಿದ ಮಹತ್ವದ ಬಗ್ಗೆ ವಿಶೇಷ ಮಾಹಿತಿ ಕೊರಿಯೆರ್.

ತೆಂಕನಿಡಿಯೂರು ಗ್ರಾಮಪಂಚಾಯತ್ ದ ಅಧ್ಯಕ್ಷೆರಾಯಿನ ಶ್ರೀಮತಿ ಗಾಯತ್ರಿ ಕಜ್ಜೊದ ಗುರ್ಕಾರ್ಮೆಡಿತ್ತೆರ್.ಕಜ್ಜೊಡ್ ಮಲ್ಲ ಬಿನ್ನೆರಾದ್ ಮಲ್ಪೆ ಜನಜಾಗ್ರತಿ ವೇದಿಕೆದ ಅಧ್ಯಕ್ಷೆರಾಯಿನ ಪ್ರಶಾಂತ್ ಕೆ.ಸಾಲಿಯಾನ್,ಮಾಜಿ ಅಧ್ಯಕ್ಷೆರಾಯಿನ ಪಾಂಡುರಂಗ ಮಲ್ಪೆ ,ತೆಂಕನಿಡಿಯೂರು ಗ್ರಾಮ ಪಂಚಾಯತ್ ದ ಮಾಜಿ ಅಧ್ಯಕ್ಷೆರಾಯಿನ ಕ್ರಷ್ಣ,ಶ್ರೀ ಕ್ಷೇತ್ರ ಧ.ಗ್ರಾ.ಯೋ(ರಿ)ಉಡುಪಿ ತಾಲೂಕುದ ಯೋಜನಾಧಿಕಾರಿಲಾಯಿನ ರಾಮ ಎಮ್.,ಧ.ಗ್ರಾ.ಯೋ.ಮಲ್ಪೆ ವಲಯಾಧ್ಯಕ್ಷೆರಾಯಿನ ಆಶಾಲತಾ,ಉಪಸ್ಥಿತರಿತ್ತೆರ್.ಕಾರ್ಯಕ್ರಮೊನ್ ವಲಯದ ಮೇಲ್ವಿಚಾರಕೆರಾಯಿನ ಶ್ರೀಮತಿ ಮೂಕಾಂಬಿಕಾ ನಿರೂಪಣೆ ಮಲ್ತೆರ್.ಶಕೀಲಾ ಸ್ವಾಗತ ಮಲ್ತುದ್ ಸೇವಾಪ್ರತಿನಿಧಿ ಸಾವಿತ್ರಿ ಸುಗಿತೆರ್.ಒಕ್ಕೂಟದ ಪದಾಧಿಕಾರಿಲು ಬೊಕ್ಕ ಸದಸ್ಯೆರ್ ಆಟಿದ ವಿಶೇಷ ತೆನಸುಲೆನ್ ಇಲ್ಲಡೇ ಮಲ್ತುದ್ ಕನತುದ್ ಬತ್ತಿ ಬಿನ್ನೆರೆಗ್ ಸೇರ್ದಿ ಇಷ್ಟೆರೆಗ್ ಕುಷಿಟ್ ಬಲಸಿಯೆರ್.