ಆಟಿ ತಿಂಗೊಲು ಬತ್ತುಂಡ್..

ಆಟಿ ತಿಂಗೊಳ್ ಬತ್ತ್ಂಡ್
ಪಡ್ದಯಿ ಕಂತ್ ಬೂರ್ದುಂಡು
ಬುಡಂದೇ ಬರ್ಸ . ಬರ್ಪುಂಡೆ
ಮಲ್ಲ ಬೊಲ್ಲ ಬೋದುಂಡೆ
ಗೊಬ್ಬರ ಪಾಡ್ದ್ ದತ್ತ್ ಗರ್ ತ್ ದ್
ನಡ್ತಿ ಕಂಡೋಡ್ ಕೆಯಿತ ಐಸಿರಿ ತೋಜುಂಡೆ
ಬೊಲ್ಲ ಬತ್ತಂಡ ಆಟಿಡ್ ಅಟ್ಟಮುರಿಯು ಪನ್ಪೆರೆ

ತೇವು ತೊಜಂಕ್ ಕೊಡ್ಡಿನ ಕಾಲೋಡ್
ಕೇನೆ ಪುಂಡಿದ ಗಮ್ಮತ್
ಮದ್ಮೆ ಮುಂಜಿ ಉಂತಿನ ಕಾಲೋಡ್
ದೈವಸಾನೋಗ್ ಬಾಕಿಲ್
ಅಟ್ಟ ಡಿತ್ತಿನ ಹಪ್ಪಳ ಸೆಂಡಿಗೆ
ಭರಣಿಡಿತ್ತಿನ ಮುಡಿತ ಉಪ್ಪಡ್
ತಿರ್ತ್ ಜತ್ತ್ದ್ದ್ ಬೈದ್ಂಡ್
ತಪ್ಪು ಪಜಿರ್ ಆಯಿನೊಟ್ಟುಗ್
ಬಾರಿಗಂಜಿದ ಉನಸ್ಸ್ ಗೆ
ನಮ್ಮ ಹಿರಿಯರೆ ಕಾಲೋಡ್

ಪಾಲೆ ಕೆತ್ತೆ ದ ಕಷಾಯ ಪರ್ದ್ ಮೆಂತೆ ಗಂಜಿದ ಉನಸ್ ಮಲ್ತ್ದ್ ಆಟಿ ತಿಂಗೊಳ್ದ ಗರ್ಮಿ ದೆಪ್ಪುನ ಆಟಿದ ಅಮವಾಸ್ಯೆ ಬೈದ್ಂಡ್
ಮಂಡೆದಿತ್ತಿನ ಕುಕ್ಕ್ ಪೆಜಕಾಯಿ ಭರಣಿಡಿತ್ತಿನ ಉಪ್ಪಡ್ ಪಚ್ಚಿರ್ ತೊಪ್ಪು ತೋಜಂಕ್ದ ದಕೈಪು ದೊಟ್ಟುಗ್ ತೇ ವುದ ಇರೆತ ಪತ್ರೋಡೆ
ಆಟಿ ತಿಂಗೋಲ್ಡ್ ತಿನೋಡ್ಯೆಯೆ

ದಯಾನಂದ, ಕೆ.ಶೆಟ್ಟಿ ದೆಂದೂರು