ಆಟಿದ ಲೇಸ್,ಆಟಿ ತಿಂಗೊಲ್ದ ತೆನಸ್ ದ ತಮ್ಮನ..

ತುಳುನಾಡುದ ಮೂಲ ಸಂಸ್ಕ್ರತಿ ಬೆನ್ನಿ.ಬೆನ್ನಿದ ಸಂಸ್ಕೃತಿ ಒರಿಡುಂದಾಂಡ ತುಳುನಾಡ್ದ ಸಂಸ್ಕ್ರತಿ ಗ್ ತೊಂದರೆ ಬರಂದ್.ತುಳುನಾಡುಡ್ ಒಲ್ಪ ತೂಂಡಲಾ ತುಳುವೆರೆನ್ ಕಾತೊಂದ್ ಬರ್ಪಿನ ತುಳುವೆರ್ ನಂಬುದಿನ ಶಕ್ತಿಲು ಉಲ್ಲ.ನಮನ್ ಮಾತೆರೆನ್ ಒಟ್ಟು ಮಲ್ಪುನ ಶಕ್ತಿ ಉಪ್ಪುನ್ ತುಳು ಬಾಸೆಗ್ ಮಾತ್ರ.ನಮ ಇನಿ ಕಾಲ ಬದಲಾತುಂಡ್,ಸಂಸ್ಕ್ರತಿ ಬದಲಾತುಂಡ್ ಪನ್ಪ.ಆಂಡ ದಾದ ಬದಲಾತುಂಡ್ ಪಂಡುದ್ ವಿಚಾರ ಮಲ್ಪೊಡ್.ಬದಲಾತಿನಿ ಕಾಲಲಾ ಅತ್ತ್,ಸಂಸ್ಕ್ರತಿಲಾ ಅತ್ತ್,ಬದಲಾತಿನಿ ನರಮಾನಿನ ಸ್ವಾರ್ಥ ಮಾತ್ರ.ನಮ್ಮ ಹಿರಿಯಕ್ಲು ಪ್ರಕ್ರತಿನ್ ಅನುಭವಿಸೊಂದ್ ಆರಾಧನೆ ಮಲ್ತೊಂದಿತ್ತೆರ್.ಆಂಡ ಇತ್ತೆ ಪ್ರಕ್ರತಿನ್ ತನ್ನ ಸ್ವಾರ್ಥೊಗ್ ಗಳಸೊಂದುಲ್ಲೆರ್.ಅವ್ವೇ ಬದಲಾವಣೆ.ನಮ ಇನಿತ ಕಾಲೊಡ್ ಸ್ವಾರ್ಥ ಬುಡುದ್ ಬೇಲೆ ಮಲ್ತಂದಾಂಡ ನಮ್ಮ ಸಂಸ್ಕ್ರತಿ ಒರಿಯರೆಗ್ ಸಾಧ್ಯ.ಉಂಡು ಪಂಡುದ್ ಡಾ.ಜಿ.ಶಂಕರ್ ಸರಕಾರಿ ಮಹಿಳಾ ಪ್ರಥಮ ದರ್ಜೆ ಕಾಲೇಜ್,ಅಜ್ಜರಕಾಡು ಉಡುಪಿದ ಅಖಂಡ ಕನ್ನಡ ವಿಭಾಗದ ಮುಖ್ಯಸ್ಥೆರಾಯಿನ ಡಾ.ನಿಕೇತನ ಮೇರ್ ಪಂಡೆರ್.ಸಾಹಿತಿಲು, ಚಿಂತನಕಾರೆರಾದುಪ್ಪುನ ಪರ್ಕಳ ಕಬ್ಯಾಡಿದ ಅಂಬಾಭವಾನಿ ದೇವಸ್ಥಾನದ ವಠಾರದ ಲಚ್ಚಿಲ್ ಡ್ ಒಡಿಯೂರು ಶ್ರೀ ಗ್ರಾಮವಿಕಾಸ ಯೋಜನೆ ಉಡುಪಿ ವಲಯ,ರೋಟರಿ ಐಸಿರಿ ಪರ್ಕಳ,ರೋಟರಿ ಸಮುದಾಯದಳ ಐಸಿರಿ ಪರ್ಕಳ,ಒಡಿಯೂರು ಶ್ರೀ ಗುರುದೇವಾ ಸೇವಾ ಬಳಗ ಉಡುಪಿ ವಲಯ,ಒಡಿಯೂರು ಶ್ರೀ ವಜ್ರಮಾತಾ ಮಹಿಳಾ ವಿಕಾಸ ಕೇಂದ್ರ ಉಡುಪಿ ವಲಯ ಮೊಕ್ಲೆನ ಒತ್ತು ಸೇರಿಗೆಡ್ ನಡತಿನ “ಆಟಿದ ಲೇಸ್”. ಆಟಿ ತಿಂಗೊಲ್ದ ತೆನಸ್ದ ಕಮ್ಮೆನ” ಕೂಟೊಡ್ ಮುಖ್ಯ ಭಾಷಣಕಾರೆರಾದ್ ಪಾತೆರಿಯೆರ್.ಆಟಿದ ಆನಿದ ದಿನೊಕ್ಲೆನ್ ಇನಿ ನಮ ಆಚರಣೆ ಮಲ್ಪನಗ ದುಂಬುದ ಪೀಳಿಗೆಗ್ ಸರಿಯಾಯಿನ ಮಾಹಿತಿ ತಿಕ್ಕುಲೆಕ್ಕ ಆಚರಣೆ ಮಲ್ಪೊಡ್,ಒವ್ವೇ ತಪ್ಪು ಸಂದೇಶ ಕೊರ್ರೆಗ್ ಬಲ್ಲಿ ಪಂಡುದ್ ತೆರಿಪಾಯೆರ್.
ಈ ಕಜ್ಜೊನ್ ರೋಟರಿ ವಲಯ-4 ದ ಸಹಾಯಕ ಗವರ್ನರ್ ಆಯಿನ ರೊ| ರಾಮಚಂದ್ರ ಉಪಾಧ್ಯಾಯ ಮೇರ್ ಶ್ರೀಮತಿ ಭಾರ್ಗವಿ ಮೆರೆಗ್ ಅರಿ,ತಾರಾಯಿ,ಬಚ್ಚಿರೆ,ಬಜ್ಜಾಯಿನ್ ಮಟ್ಟೆಲ್ ದಿಂಜಾದ್ ಕಜ್ಜೊನ್ ಉದಿಪನ ಮಲ್ತುದ್ ಪಾತೆರಿನ ಆರ್ ತುಳುನಾಡ್ದ ಆಷರಣೆಲು ತುಳು ಬಾಸೆ ಸಂಸ್ಕ್ರತಿನ್ ಜಗತ್ತುಗೇ ಪರಿಚಯ ಮಲ್ತ್ ಕೊರ್ತುಂಡ್ ಪಂಡೆರ್.ಉಡುಪಿದ ಉದ್ಯಮಿಲಾಯಿನ ಶ್ರೀ ವಿನಯ್ ಕುಮಾರ್ ಕಬ್ಯಾಡಿ ಮಲ್ಲ ಬಿನ್ನೆರಾದ್ ಪಾತೆರ್ದ್ ಬಾಸೆನ್ ಎಂಚ ಸಂಪರ್ಕೊಡ್ ಗಲಸೊಲಿ,ಅವ್ವೆನ್ ಎಂಚ ಗಲಸುವಾ ಪನ್ಪಿನವ್ವ್ ಬಾರೀ ಮುಖ್ಯ ಪಂಡೆರ್.
ಒ.ಗ್ರಾ.ವಿ.ಯೋ.ಉಡುಪಿ ವಲಯದ ಅಧ್ಯಕ್ಷೆರಾಯಿನ ರೊ.ಕೆ.ಪ್ರಭಾಕರ ಶೆಟ್ಟಿ ಕಬ್ಯಾಡಿ ಗುರ್ಕಾರ್ಮೆಡಿತ್ತುದ್,ಸ್ವಾಗತ ಪ್ರಾಸ್ತವಿಕ ಪಾತೆರಿಯೆರ್.ಸಭಾವೇದಿಕೆಡ್ ಮಲ್ಲ ಬಿನ್ನೆರಾದ್ ಕಬ್ಯಾಡಿ ಘಟಸಮಿತಿದ ಅಧ್ಯಕ್ಷೆರಾಯಿನ ಶ್ರೀ ಸುಧಾಕರ ಎಸ್.ಕೆ.,ರೋಟರಿ ಸಮುದಾಯದಳ ಐಸಿರಿ ಪರ್ಕಳದ ಅಧ್ಯಕ್ಷೆರಾಯಿನ ಶ್ರೀ ಜಯರಾಮ ಶೆಟ್ಟಿಗಾರ್,ಒ.ಶ್ರೀ. ಗುರುದೇವ ಸೇವಾ ಬಳಗ ಉಡುಪಿ ವಲಯದ ಶ್ರೀ ತಾರಾನಾಥ ಶೆಟ್ಟಿ, ಒ.ವಜ್ರಮಾತಾ ಮಹಿಳಾ ವಿಕಾಸ ಕೇಂದ್ರ ಉಡುಪಿ ವಲಯದ ಅಧ್ಯಕ್ಷೆರಾಯಿನ ಅಮಿತಾ ಗಿರೀಶ್ ಉಪಸ್ಥಿತರಿತ್ತೆರ್.
ಸಭಾಕಜ್ಜೊ ಆಯಿಬೊಕ್ಕ ಆಟಿ ತಿಂಗೊಲ್ದ ತೆನಸುಲೆನ್ ಇರೆಕ್ ಬಲಸುದ್ ಉದಿಪನ ಮಲ್ತೆರ್.ಒ.ಗ್ರಾ.ವಿಕಾಸ ಯೋಜನೆದ ಸದಸ್ಯೆರೆನಕುಲು ಇಲ್ಲಡೇ ಮಲ್ತುದ್ ಕನದಿನ ಸುಮಾರ್ 33 ಬಗೆತ್ತ ಆಟಿದ ತೆನಸುಲೆನ್ ಬತ್ತಿನ ಬಿನ್ನೆರೆಗ್ ಬಲಸಿಯೆರ್.
ಒ.ಗ್ರಾ.ವಿಕಾಸ ಯೋಜನೆದ ಉಡುಪಿ ವಲಯದ ಕಾರ್ಯದರ್ಶಿ ಚಂದ್ರಿಕಾ ಜಯಪ್ರಕಾಶ್ ಸೊಲ್ಮೆ ಸಂದಾಯ್ತ ಮಲ್ತೆರ್.ಯಶೋದ ಕೇಶವ್ ಕಜ್ಜೊದ ನಿರೂಪಣೆ ಮಲ್ತೆರ್.