ಆಟಿದ ಗೇನ

ಆಟಿ ತಿಂಗೊಲ್ದ ನೈಜ ಚಿತ್ರಣ ಕೊರಿನ “
ಆಟಿದ ಗೇನ “

ಕುಡ್ಲ : ಆಗಸ್ಟ್ 8: ತುಳುನಾಡ್ದ ಆಟಿ ತಿಂಗೊಲ್ದ ಆಚರಣೆದ ಪಿರವು ಉಪ್ಪುನ ನೈಜ ಚಿತ್ರಣ ಕೊರ್ಪಿನ ‘ಆಟಿದ ಗೇನ’ ಲೇಸ್ ಕುಡ್ಲದ ಇಲ್ಲಿನ ತುಳು ಭವನಡ್ ನಡತುಂಡು.

ಜೋಕ್ಲೆಗಾದ್ ಅಟ್ಟನೆ ಮಲ್ತಿನ ಆಟಿದ ಚಿತ್ರ ರಚನಾ ಪಂಥ ಬೊಕ್ಕ ವಿಚಾರ ಮಂಥನ ಕೂಟ ಈ ನೆಲೆಟ್ಟ್ ಬೊಲ್ಪು ಪಸರಾಯ . ಪೆರಿಯಾಕ್ಲೆನೆರ್ದ್ ತೆರಿನ ಆಟಿಯ ಮಾಹಿತಿ ಬೊಕ್ಕ ಆಟಿ ತಿಂಗೊಲುಡು ತುಳುನಾಡ್ ದ ಪ್ರಕೃತಿ ವೈಶಿಷ್ಟ್ಯಲೇನ್ ಆಧರಿಸಾದ್ ಜೋಕುಲು ಮಲ್ತಿನ ಚಿತ್ರ ಆಟಿ ನಿಜ ಸೊಗಡ್ ಕಟ್ಟಾದ್ ಕೊರಿಯ.

ತುಳು ಸಂಶೋಧಕಿ ಇಂದಿರಾ ಹೆಗ್ಡೆ ಪಾತೆರ್ದ್ ‘ದುಂಬುಡು ಆಟಿ ಪಂಡ ಅನಿಷ್ಟದ ತಿಂಗೊಲು ಪನ್ಪಿನ ಪೋಡಿಗೆ ಜನಕ್ಲೆಗ್ ಇತ್ತಿನೆರ್ದಾವರ ದಿನ ಕರಿಪೆರೆ ನಿರ್ದಿಷ್ಟ ವೃತ್ತಿಲೆನ್ ಆಧರಿಸಾಯಿನಕುಲು ಈ ತಿಂಗೊಲ್ ಡು ಬಂಗದ ಬದ್ಕ್ ಬದುಕೊಂದು ಇತ್ತೆರ್ ಪಂದ್ ಪಂಡೆರ್

ತುಳು ಅಕಾಡೆಮಿ ಸದಸ್ಯ ರೋಹಿತ್ ಉಳ್ಳಾಲ್ , ಮುಂಡಾಲ ಯುವ ವೇದಿಕೆದ ಗುರ್ಕಾರ್ಲಾಯಿನ ರವಿ ಕುದ್ಮುಲ್ ಗಾರ್ಡನ್ ಪಾತೆರಿಯೆರ್ .

ಶ್ವಾಸಕೋಶ ತಜ್ಞೆ ಡಾ.ಅಲ್ಕಾ ಸಿ.ಭಟ್, ಚಂದ್ರಪ್ರಭಾ ಶೇಖರ್, ಅನಿತಾ ದಯಾಕರ್, ರತ್ನಾವತಿ ರಂಜನ್, ಲತಾ ಎಸ್.ಬಿ.‌, ಚೈತ್ರಾ ಮುಲ್ಲಕಾಡ್ ಪಾಲ್ ಪಡೆದಿತ್ತೆರ್ .

ಕಲಾವಿದೇರಾಯಿನ ಬಿ.ಪಿ.ಮೋಹನ್ ಕುಮಾರ್ , ನೇಮಿರಾಜ್ ಶೆಟ್ಟಿ, ಹರೀಶ್ ಕೊಡಿಯಾಲಬೈಲ್ ಲೇಸ್ ದಿತ್ತೆರ್ . ಸುಪ್ರಿತಾ ಪ್ರಸಾದ್ ಎದುಕೊಂಡೆರ್ .