ರೋಟರಿ ಆಟಿ

ರೋಟರಿ ಮಣಿಪುರ ವತಿಡ್ದ್ ಆಟಿಡೊಂಜಿ ದಿನ ಕಾರ್ಯಕ್ರಮ ಶಿರ್ವಃ ರೋಟರಿ ಮಣಿಪುರದ  ವತಿಡ್ಧ್ ಆಟಿಡೊಂಜಿ ದಿನ ಕಾರ್ಯಕ್ರಮ ಭಾನುವಾರ ಮಣಿಪುರ ರೋಟರಿ ಭವನಡ್  ನಡತುಂಡ್. ಕಾರ್ಯಕ್ರಮನ್ ಡಿಸ್ಟ್ರಿಕ್ಟ್ ರೋಟರಿ ಸಮುದಾಯ ದಳ ಚೇರ್ಮನ್ ಬಿ ಪುಂಡಲೀಕ ಮರಾಠೆ  ಉದಿಪನ ಮಲ್ತ್ ಪಾತೆರ್ದ್  ಪ್ರಸ್ತುತ ಸಂದರ್ಭಡ್ ಆಟಿ ಆಚರಣೆ ಆಡಂಬರವಾದ್ ಬದಲಾವೊಂದಿತ್ತುದ್,ಅಯಿತ್ತ  ನಿಜ ಆಶಯಗ್ ಹಾನಿ ಆವೊಂದುಂಡ್.. ಯವಜನಾಂಗ ಹಿರಿಯೆರೆನ ಆಟಿ ಆಚರಣೆದ ತಿರ್ಲ್ ನ್ ತೆರಿಯೊನೊಡ್ ಪಂಡೆರು. ಉಡುಪಿ ಜಿಲ್ಲಾ‌ ಕನ್ನಡ ಜಾನಪದ ಪರಿಷತ್ ಪ್ರಧಾನ ಕಾರ್ಯದರ್ಶಿ ಪ್ರಕಾಶ್ ಸುವರ್ಣ ಕಟಪಾಡಿ ಮುಖ್ಯ ಸಂಪನ್ಮೂಲ ವ್ಯಕ್ತಿ ಯಾದ್  ಪಾಲ್ ಪಡೆದ್, ಪಿರಾಕುಡ್ ಕಾಲದ ತುಳುವರೆನ ಆಟಿದ ದಿನೊಕುಲು ಬಂಗೊಡಿತ್ತುಂಡ್. ಕೀರ್ ಕಟ್ಟುದ್ ಬರ್ಪಿನ ಬರ್ಸ,,ಬಂಗದ ಕಾರಣಡಾದ್  ತುಳುವೆರೆನ ಜೀವನಪದ್ಧತಿ, ಆಹಾರ ಪದ್ಧತಿಯೇ ಇನಿತ  ಕಾಲದ ವಿಶೇಷ ಆಟಿ ಸಂಭ್ರಮಾಚರಣೆಯಾದ್ ಬದಲಾತುಂಡ್. ಆಟಿಡ್  ತುಳುನಾಡುದ  ದೈವೊಲು ಘಟ್ಟಗ್ ಪೋಪುಜಿ. ಆನಿದ ಕಾಲೊಡ್  ದೈವ ದೇವೆರೆನ ಆರಾಧನೆಗ್ ಬಂಗದ ಕಾಲ ಅಂಚಾದ್ ಹಿರಿಯೆರ್ ಅಂಚ ಪಂಡುದಿಪ್ಪೆರ್ ಪಂಡುದ್ ಅಭಿಪ್ರಾಯ ಪಟ್ಟೊಂಡೆರು. ಮಣಿಪುರ ರೋಟರಿ ಅಧ್ಯಕ್ಷ ಸುಧೀರ್ ಕುಮಾರ್ ಅಧ್ಯಕ್ಷತೆಡಿತ್ತೆರ್ . ರೋಟರಿ ಜೋನಲ್ ಲೆಫ್ಟಿನೆಂಟ್ ಜಾನ್ ಸಿಕ್ವೇರಾ, ಕ್ಲಬ್ ಸರ್ವಿಸ್ ನಿರ್ದೇಶಕ ವಿನ್ಸೆಂಟ್ ಡಿಸೋಜ, ಕಾರ್ಯದರ್ಶಿ ಗುರುರಾಜ ಭಟ್ ವೇದಿಕೆಡ್ ಉಪಸ್ಥಿತರಿತ್ತೆರು.