ಯುವವಾಹಿನಿ ಆಟಿಕೂಟ

ಯುವವಾಹಿನಿ ತಾಲೂಕು ಘಟಕ ವತಿರ್ದ್ ಆಟಿಡೊಂಜಿ ಕೂಟ ಲೇಸ್

ಬಂಟ್ವಾಳ ಆಗಸ್ಟ್ 16 : ಯುವವಾಹಿನಿ ಬಂಟ್ವಾಳ ತಾಲೂಕು ಘಟಕದ ವತಿರ್ದ್ ಆಟಿಡೊಂಜಿ ಕೂಟ ಲೇಸ್ ಗುರುವಾರ ಬಿ.ಸಿ.ರೋಡ್‌ ದ ಗಾಣದಪಡ್ಪುದ ನಾರಾಯಣ ಗುರು ಚಾವಡಿಡ್ ನಡತುಂಡು.

ಲೇಸ್ ನ್ ವಿಶಿಷ್ಟವಾಯಿನ ತುಳುನಾಡ್ ದ ಗುತ್ತುದ ಇಲ್ಲದ ಮಾದರಿದ ಸಭಾಮಂಟಪಡ್ ಅಟ್ಟನೆ ಮಲ್ತ್ ಇತ್ತೆರ್ . ತುಳುನಾಡ್ದ ಪಾರಂಪರಿಕ ಶೈಲಿಡ್ ಕೊಂಡೆಡ್ ನೀರ್ , ಓಲೆಬೆಲ್ಲ, ಬಚ್ಚಿರೆ -ಬಜ್ಜೆಯಿ ಕೊರ್ದು ಬಿನ್ನೆರೆನ್ ಎದುಕೊಂಡೆರ್ .

ಬಂಟ್ವಾಳ ತಾಲೂಕು ಬಿಲ್ಲವ ಸೇವಾ ಸಂಘದ ಗುರ್ಕಾರ್ಲಾಯಿನ ಸಂಜೀವ ಪೂಜಾರಿ ಮಾತಾ ಬಿನ್ನೆರ್ ನ ಒಟ್ಟು ಸೇರ್ದ್ ನಾಗಬೆರ್ಮೆರೆನ ಪಾಡ್ದನದೊಟ್ಟುಗು ಸ್ವಸ್ತಿಕ ದೀದ್ , ತುಡರ್ ಪೋತ್ತಾದ್ ವಿಶಿಷ್ಟ ರೀತಿಡ್ ಲೇಸ್ ಉದಿಪನ ಮಲ್ತೆರ್ . ಯುವವಾಹಿನಿ ಬಂಟ್ವಾಳ ತಾಲೂಕು ಘಟಕದ ಗುರ್ಕಾರ್ಲಾಯಿನ ದಿನೇಶ್ ಸುವರ್ಣ ರಾಯಿ ಗುರ್ಕಾರ್ಮೆ ವಹಿಸ್ ದಿತ್ತೆರ್ .

ಯುವವಾಹಿನಿ ಬಂಟ್ವಾಳ ತಾಲೂಕು ಘಟಕದ ಕಾರ್ಯದರ್ಶಿ ಚೇತನ್ ಮುಂಡಾಜೆ, ಸಂಚಾಲಕ ಶೈಲೇಶ್ ಪೂಜಾರಿ ಕುಚ್ಚಿಗುಡ್ಡೆ ಬೊಕ್ಕ ಮಾತಾ ಪದುಕೆರ್ , ಸದಸ್ಯೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್..

ಗುರ್ಕಾರ್ನೆ ವಹಿಸಿನ ದಿನೇಶ್ ಸುವರ್ಣ ರಾಯಿ ಲೇಸ್ ನಡಪಾದ್ ಕೊರಿಯೆರ್. ಲೇಸ್ ದ ಸಂಚಾಲಕ ನವೀನ್ ಪೂಜಾರಿ ಎದುಕೊಂಡೆರ್ .