ಕಲ್ಯಾಣಪುರ ರೋಟರಿ ವತಿಡ್ದ್ ನಡತಿನ ಆಟಿಕೂಟ

ಕಲ್ಯಾಣಪುರ ರೋಟರಿ ಕ್ಲಬ್ ವತಿಡ್ದ್ ಆಟಿಡೊಂಜಿ ರೋಟರಿ ಕೂಟ ಬೊಕ್ಕ ಕುಟುಂಬ ಸಹಮಿಲನ ಕಾರ್ಯಕ್ರಮ ಕಲ್ಯಾಣಪುರದ ಬ್ಯಾಪಿಸ್ಟ್ ಹೋಮ್ ಕಂಡೊಡ್ ನಡತುಂಡ್. ಅಸೆಸ್ಟೆಂಟ್ ಗವರ್ನರ್ ರೋ. ಆನಂದ ಶೆಟ್ಟಿ ಕಾರ್ಯಕ್ರಮನ್ ಉದಿಪನ ಮಲ್ತುದ್ “ಅಟಿ ಪಂಡ ಭಯಂಕರ ಬರ್ಪಿನ ಪೊರ್ತು. ಹಳ್ಳಿಡೆಲೆಡ್ ಬಾರೀ ಕಷ್ಟದ ದಿನ ಆದಿತ್ತುಂಡ್. ಆ ಸಂದರ್ಭ ಕಾಡು, ಗುಡ್ಡ, ಕಂಡೊಲೆಡ್ ನೈಸರ್ಗಿಕವಾದ್ ಬುಲೆಯುನ ತಪ್ಪು ತರಕಾರಿಲೆನ್ ಆಹಾರವಾದ್ ಗಲಸರೆಗ್ ಶುರು ಮಲ್ತೆರ್. . ಐತ ಮಹತ್ವ, ಆರೊಗ್ಯದ ಗುಟ್ಟುಲೆನ್ ನಮ ಯೇಪಲಾ ಮದಪರೆಗ್ ಬಲ್ಲಿ” ಪಂಡೆರ್.

ಝೋನಲ್ ಲೆಫ್ಟಿನೆಂಟ್ ರೋ. ಮಹಮ್ಮದ್ ಇಕ್ಬಾಲ್, ರೋಟರಿ ಜಿಲ್ಲಾ ಮಾಜಿ ಗವರ್ನರ್ ರೋ. ರಾಜಾರಾಂ ಭಟ್, ಬ್ಯಾಪಿಸ್ಟ್ ಡಯಾಸ್ ಪುತ್ರ ಬ್ಲೆನ್ ಡಯಾಸ್, ಅಧ್ಯಕ್ಷೆ ರೋ. ಶಾಲೆಟ್ ಲುವಿಸ್, ಕಾರ್ಯದರ್ಶಿ ರೋ. ರೀನಾ ಆನಂದ ಶೆಟ್ಟಿ ಉಪಸ್ಥಿತರಿತ್ತೆರ್. ಕೆಸರು ಕಂಡೊಡ್ ಬೇತೆ ಬೇತೆ ಗೊಬ್ಬುಲು ಬಲಿಪುನ ಪಂತೊ ನಡತುಂಡ್. ರುಚಿ ರುಚಿಯಾಯಿನ ಆಟಿದ ಖಾದ್ಯೊಲೆನ್ ಬಲಸಿಯೆರ್. ಮಣ್ಣುದ ಕಾಯಕೊನ್ ದುಂಬರಿಯೊಂದುಪ್ಪುನ ರೋಟರಿ ರೈತರೆನ್ ಅಭಿಮಾನಡ್ ಸನ್ಮಾನ ಮಲ್ತೆರ್.