ಆ.18ಡ್ದ್ “ಅಬತರ” ತುಳು ಸಿನೆಮಾ- 15 ಚಿತ್ರಮಂದಿರಲೆಡ್ ರಿಲೀಸ್

ಆ.18ಡ್ದ್ “ಅಬತರ” ತುಳು ಸಿನೆಮಾ- 15 ಚಿತ್ರಮಂದಿರಲೆಡ್ ರಿಲೀಸ್..

ಬೊಳ್ಳಿ ಮೂವೀಸ್ ಬೊಕ್ಕ ಅವಿಕ ಪ್ರೊಡಕ್ಷನ್ ನಡಿಟ್ ಅರ್ಜುನ್ ಕಾಪಿಕಾಡ್ ನಿರ್ದೇಶನಡ್ ತಯಾರಾಯಿನ ಬಹು ನಿರೀಕ್ಷೆದ ತುಳು ಸಿನೆಮಾ “ಅಬತರ” ಅಗೋಸ್ಟ್ 18 ತಾರೀಕುದಾನಿ ಗುರುವಾರ ತುಳುನಾಡೊರ್ಮೆ ರಿಲೀಸ್ ಆಪುಂಡ್ ಪಂಡುದ್ ನಟ, ನಿರ್ದೇಶಕೆರಾಯಿನ ದೇವದಾಸ್ ಕಾಪಿಕಾಡ್ ತೆರಿಪಾದೆರ್.
ಉಡುಪಿ ಪ್ರೆಸ್ ಕ್ಲಬ್‌ ಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರಿನ ಆರು
ಅಬತರ ಸಿನಿಮಾ ಮಂಗಳೂರುಡ್ ರೂಪವಾಣಿ, ಭಾರತ್ ಮಾಲ್, ಸಿನಿಪೊಲಿಸ್, ಪಿವಿಆರ್, ಮೂಡಬಿದ್ರೆಡ್ ಅಮರಶ್ರೀ, ಬೆಳ್ತಂಗಡಿಡ್ ಭಾರತ್ ಸುರತ್ಕಲ್ ಡ್ ನಟರಾಜ್, ಸಿನಿಗ್ಯಾಲಕ್ಸಿ, ಉಡುಪಿಡ್ ಕಲ್ಪನಾ, ಮಣಿಪಾಲಡ್ ಭಾರತ್ ಸಿನಿಮಾಸ್, ಐನಾಕ್ಸ್, ಕಾರ್ಕಳಡ್ ರಾಧಿಕಾ, ಪ್ಲಾನೆಟ್, ಪುತ್ತೂರುಡ್ ಅರುಣಾ, ಸುಳ್ಯಡ್ ಸಂತೋಷ್ ಚಿತ್ರಮಂದಿರಡ್ ಸಿನೆಮಾ ಪ್ರಸಾರ ಆವರೆಗುಂಡ್. ಒಟ್ಟು 15 ಚಿತ್ರ ಮಂದಿರಲೆಡ್ ಸಿನೆಮಾ ಒಂಜೇ ಸರ್ತಿ ರಿಲೀಸ್ ಆವರೆಗುಂಡ್.
ಮುಂಬೈ, ಬೆಂಗಳೂರು, ಕಾಸರಗೋಡು, ಮುಳ್ಳೇರಿಯ, ಸಕಲೇಶಪುರ, ಶುಂಠಿಕೊಪ್ಪ, ತೀರ್ಥಹಳ್ಳಿ, ಕುಂದಾಪುರ, ಶಿವಮೊಗ್ಗ ಮುಲ್ಪಲಾ ಸಿನೆಮಾ ಬುಡುಗಡೆ ಆವರೆಗುಂಡ್.
ಆಗೋಸ್ಟ್ 16 ಬೊಕ್ಕ 17ತಾರೀಕುದಾನಿ ಮಂಗಳೂರು, ಮೂಡಬಿದ್ರೆ, ಪುತ್ತೂರು, ಉಡುಪಿ, ಪಡುಬಿದ್ರೆ, ಕಿನ್ನಿಗೋಳಿ, ಗುರುಪುರ, ಕುಲಶೇಖರ ಮುಲ್ಪ ಉಪ್ಪುನ ಅನಾಥಶ್ರಮಡ್ ಜೋಕ್ಲೆಗ್ ಸಿನಿಮಾನ್ ಧರ್ಮಾರ್ಥವಾದ್ ಪ್ರದರ್ಶನ ಮಲ್ಪುಂಡ್.ಪಂಡುದ್ ದೇವದಾಸ್ ಕಾಪಿಕಾಡ್ ತೆರಿಪಾಯೆರ್.

ಈ ಸಿನಿಮಾಗ್ ಮಂಗಳೂರು ಸುತ್ತಮುತ್ತ ಒಂದೇ ಹಂತೊಡ್ ಚಿತ್ರೀಕರಣ ಮಲ್ದುಂಡ್. ಕೋವಿಡ್ ಡಾದ್ ಚಿತ್ರ ಪ್ರದರ್ಶನ ಆವರೆಗ್ ಒಂತೆ ವಿಳಂಬ ಆತುಂಡ್. ಇತ್ತೆ ಸಿನೆಮಾನ್ ಆಗೋಸ್ಟ್ 18 ತುಳುನಾಡೊರ್ಮೆ ಅಬತರ ಬುಡುಗಡೆ ಮಲ್ಪುವಾ.
ಪ್ರೇಕ್ಷಕೆರು ಇಷ್ಟ ಆಪಿಲೆಕ್ಕ ಉಂದು ಸಂರ್ಪೂರ್ಣ ಹಾಸ್ಯ ಚಿತ್ರದ ಪ್ಯಾಕೇಜ್. ಸಮಾಜಗ್ ಒಂಜಿ ಎಡ್ಡೆ ಸಂದೇಶನ್ ಕೊರ್ಪುಂಡ್ ಪಂಡುದ್ ನಟೆ ಅರ್ಜುನ್ ಕಾಪಿಕಾಡ್ ತೆರಿಪಾಯೆರ್.

ಅಬತರ ಹಾಸ್ಯ ಸಿನೆಮಾದ ಕತೆನ್ ಡಾ| ದೇವದಾಸ್ ಕಾಪಿಕಾಡ್ ರಚನೆ ಮಲ್ತುದ್, ಅಭಿನಯ ಮಲ್ತುದ್, ತುಳುನಾಡ ಆಕ್ಷನ್ ಕಿಂಗ್ “ಅರ್ಜುನ್ ಕಾಪಿಕಾಡ್” ಅಭಿನಯದ ಒಟ್ಟುಗ್ ಸುರುತ್ತ ಸರ್ತಿ ನಿರ್ದೇಶನ ಮಲ್ದೆರ್.

ತಾರಾಗಣಡ್ ನವೀನ್ ಡಿ ಪಡಿಲ್, ಅರವಿಂದ ಬೋಳಾರ್, ಭೋಜರಾಜ್ ವಾಮಂಜೂರ್, ಸಾಯಿ ಕೃಷ್ಣ, ಶನಿಲ್ ಗುರು, ಚೇತನ್ ರೈ ಮಾಣಿ ,ಲಕ್ಷ್ಮೀಶ್, ಸುನಿಲ್ ಚಿತ್ರಾಪುರ ಬೊಕ್ಕ ನಾಯಕಿನಟಿಯಾದ್ ಗಾನ ಭಟ್, ಕ್ರಿಸ್ಟಿನಾ ನಟನೆ ಮಲ್ದೆರ್.
ಛಾಯಾಗ್ರಾಹಕೆರಾದ್ ವಿಷ್ಣು ಪ್ರಸಾದ್, ಜೇಕೋಬ್, ಕಾರ್ಯಕಾರಿ ನಿರ್ಮಾಪಕೆರಾದ್ ಸಂದೀಪ್ ಶೆಟ್ಟಿ ಕೆಲಸ ಮಲ್ದೆರ್ .ನಿಖಿಲ್ ಸಾಲ್ಯಾನ್ ನಿರ್ಮಾಪಕರಾದಿತ್ತುದ್ ವೀರಾಜ್ ಅತ್ತಾವರ ಸಹ ನಿರ್ಮಾಪಕರಾದುಲ್ಲೆರ್.

ಅಬತರ ಸಿನಿಮಾಡ್ ಬರ್ಪಿನ ಬಿನ್ನೆರ್ ಬೈದಿನ ಪದ ಚಿತ್ರ ಬುಡುಗಡೆ ಆಪಿನವ್ವೆಡ್ ದುಂಬೇ ಯೂಟ್ಯೂಬ್ ಡ್ 5 ಲಕ್ಷಗುಲಾ ಜಾಸ್ತಿ ವೀಕ್ಷಣೆಯಾದ್ ಜನಪ್ರಿಯ ಆತುಂಡ್.

ಚಿತ್ರ ತಂಡೊಡುಪ್ಪುನ ಹಿರಿಯ ಕಲಾವಿದೆರಾಯಿನ ನವೀನ್ ಡಿ ಪಡೀಲ್ ಅರವಿಂದ ಬೋಳಾರ್, ಭೋಜರಾಜ ವಾಮಂಜೂರು, ಸಾಯಿಕೃಷ್ಣ ಇಂಚ ಹಿರಿಯ ಕಲಾವಿದೆರೆನ ಸಹಕಾರ ಬೊಕ್ಕ ದೇವದಾಸ್ ಕಾಪಿಕಾಡ್ ಅರೆನ ಆಶೀರ್ವಾದಡ್ ಸಿನೆಮಾ ಪೊರ್ಲುಡ್ ಮೂಡ್ದ್ ಬೈದುಂಡ್ ಪಂಡುದ್ ನಟ, ನಿರ್ದೇಶಕೆರಾಯಿನ ಅರ್ಜುನ್ ಕಾಪಿಕಾಡ್ ತೆರಿಪಾದೆರ್. ಅರ್ಜುನ್ ಕಾಪಿಕಾಡ್ ನಿರ್ದೇಶನದ ಸುರುತ್ತ ಸಿನೆಮಾ ಉಂದಾದಿತ್ತುದ್.‌ ಉಂದೆಡ್ ದುಂಬು ದೇವದಾಸ್ ಕಾಪಿಕಾಡ್ ನಿರ್ದೇಶನದ ಸಿನಿಮಾಲೆಡ್ ಸಹ ನಿರ್ದೇಶಕೆರಾದ್ ಬೇಲೆ ಮಲ್ದಿನ ಅನುಭವ ಉಂಡು.