ಅನರ್ಕಲಿ.

ಆಗಸ್ಟ್ 23 ಕ್ಕ್ ಕೊಸ್ಟಲ್ ವುಡ್ ಬುಡುಗಡೆ ಆಯರೇ ಉಂಡು ” ಅನರ್ಕಲಿ “

ಕುಡ್ಲ : ಆಗಸ್ಟ್ 19: ಕೊಸ್ಟಲ್ಡ್ ತುಳು ಸಿನೆಮಾ ಸೊರ ಲಕ್ಕಾವೊಂದು ಉಂಡು ಪಂದ್ ಸಾಮಾನ್ಯ ಅಪವಾದ ಇಂಚೋಗು ಒಂತೆ ದೂರ ಆವೊಂದು ಉಂಡು . ಬೆರಿ ಬೆರಿಕ್ ಬತ್ತಿನ ಒಂಜೊಂಜಿ ಪಿಚ್ಚರ್ ಇತ್ತೆ ತುಳುವೆರೆನ್ ಥಿಯೇಟರ್‌ಗ್ ಬರೊಂದು ಉಂಡು . ಇಂಚಾದ್ ಕರಿನ 2-3 ಪಿಚ್ಚರ್ ದ ಬಗ್ಗೆ ಜನಕುಲು ಪಾತೆರೊಂದು ಉಲ್ಲೆರ್.

ನೆಕ್ಕ್ ಪೂರಕವಾದ್ ಬರ್ಪಿನ ಆ.23ಕ್ಕ್ ಬುಡುಗಡೆ ಆಪಿನ “ಅನರ್‌ ಕಲಿ’ ತುಳುನಾಡ್ದ ಜನಕ್ಲೆನ್ ನನಾತ್ ಗೇನ ಕೊರ್ತುಂಡು.

ಲಕುಮಿ ಸಿನಿ ಕ್ರಿಯೇಶನ್‌ ಬೊಕ್ಕ ಲೋ ಬಜೆಟ್‌ ಪ್ರೊಡಕ್ಷನ್‌ ನಿರ್ಮಾಣಡ್ ಹರ್ಷಿತ್‌ ಸೋಮೇಶ್ವರ ನಿರ್ದೇಶನಡ್ “ಅನರ್‌ಕಲಿ’ ರೂಪು ಆತುಂಡು . ಪೊಳಲಿ, ಕಟೀಲು, ಸೋಮೇಶ್ವರ, ಉಳ್ಳಾಲ, ಉಳಿಯ, ನೀರುಮಾರ್ಗ ಬೊಕ್ಕ ಕಳಸ ಸಹಿತ ಬೇತೆ ಬೇತೆ ಜಾಗೆಡ್ 18 ದಿನಟ್ ಶೂಟಿಂಗ್‌ ನಡಪೆರೆ ಉಂಡು . ಸೀಮಿತ ಬಜೆಟ್‌ಡ್ ಮಲ್ತಿನ ರಿಚ್‌ ಸಿನೆಮಾ ಪಂದ್ ಸದ್ಯ ಪಾತೆರ ಕೇಂದ್ ಬರೊಂದು ಉಂಡು . ಇತ್ತೆ ನಡತಿನ ಪ್ರೀಮಿಯರ್‌ ಶೋ ಕೆಲವೆರೆನ ಮೆಚ್ಚುಗೆ ಪಡೆತುಂಡು .

ನವೀನ್‌ ಡಿ. ಪಡೀಲ್‌, ಅರವಿಂದ್‌ ಬೋಳಾರ್‌, ರವಿ ರಾಮಕುಂಜ, ರಂಜನ್‌ ಬೋಳೂರು, ದೀಪಕ್‌ ರೈ ಪಾಣಾಜೆ, ಪುಷ್ಪ ರಾಜ್‌ ಸಹಿತ ಮಸ್ತ್ ಜನ ಈ ಸಿನೆಮಾಡ್ ಕಾಮಿಡಿ ಕಮಾಲ್‌ ಮಲ್ದೆರ್ . ದೇವದಾಸ್‌ ಕಾಪಿಕಾಡ್‌ ಗರಡಿಡ್ ಪಳಗಿನ ಶೋಭರಾಜ್‌ ಈ ಸಿನೆಮಾಡ್ ಪೊಸ ಗೆಟಪ್ ಡ್ ಉಲ್ಲೆರ್ , ಆರ್‌ಜೆ ಮಧುರ ಮೇರ್ ಕ್ಯೂಟ್‌ ಆದ್ ಮೋಡಿ ಮಲ್ದೆರ್ .