ಡಿಸಿಗ್ ಮನವಿ ಕೊರಿನ ತುಳುವೆರ್

ಉಡುಪಿ ಜಿಲ್ಲಾಧಿಕಾರಿಲೆನ ಮೂಲಕ ಕರ್ನಾಟಕ ಸರ್ಕಾರದ ಗೌರವಾನ್ವಿತ ಮುಖ್ಯಮಂತ್ರಿ ಸಿದ್ದರಾಮಯ್ಯರೆಗ್ ತುಳು ಭಾಷೆ ಲಿಪಿತ್ತ ಅಕ್ಷರಲೆನ್ ಸಹ ಸಾರ್ವಜನಿಕ ಪ್ರದೇಶಡ್ ಬೊಕ್ಕ ವಾಣಿಜ್ಯ ಮಳಿಗೆಲೆನ ಪುದರ್ ಪಲವೆಡ್ ಅಳವಡಿಸಾರೆಗ್ ಉಡುಪಿ ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲೆಗ್ ವಿಶೇಷ ಆದೇಶ ಮಲ್ಪರೆಗ್ ಆಗ್ರಹ ಮಲ್ತುದ್ ಮಾಜಿ ಶಾಸಕ ಮೊಯಿದೀನ್ ಬಾವ ಅರೆನ ಬೊಕ್ಕ  ಮಾತಾ  ತುಳು ಪರ ಸಂಘಟನೆದ  ನೇತೃತ್ವಡ್ ತುಳುನಾಡುದ  ಜನಕ್ಲೆನ  ಪರವಾದ್ ಮನವಿ ಕೊರಿಯೆರ್.

ಉಡುಪಿ ಜಿಲ್ಲೆದ  ಗೌರವಾನ್ವಿತ ಜಿಲ್ಲಾಧಿಕಾರಿಲು ಮನವಿ ಸ್ವೀಕಾರ ಮಲ್ತೆರು, ಬಾಷಾ ಸಮಗ್ರ ಅಭಿವೃದ್ಧಿ ತಿದ್ದುಪಡಿ ಮಸೂದೆ 2024 ಡ್ ತೆರಿಪಾದಿಲೆಕ್ಕ  ಕನ್ನಡ ಭಾಷೆನ್ ಶೇಕಡ 60 ದ ಬದಲಾದ್  ದಕ್ಷಿಣ ಕನ್ನಡ ಬೊಕ್ಕ ಉಡುಪಿ ಜಿಲ್ಲೆಡ್  ಗೌರವಾನ್ವಿತ ನ್ಯಾಯಾಲಯದ ಕನ್ನಡ ನಾಮಫಲಕಲೆಗ್  ಕನಿಷ್ಠ ಶೇಕಡ 50 ನ್ ನಮೂದಿಸಾದ್ ಬೊಕ್ಕ  2500 ವರ್ಷ  ಇತಿಹಾಸ ಉಪ್ಪುನ  ಸ್ವಂತ ಲಿಪಿ ಉಪ್ಪುನ ತುಳು ಲಿಪಿತ್ತ  ಅಕ್ಷರಗ್  ಶೇಕಡ 30 ದಾತ್ ಅವಕಾಶ ಕೊರೊಡು ಬೊಕ್ಕ ಬಾಕಿದ ವ್ಯಾವಹಾರಿಕ ಭಾಷೆಲೆಗ್  ಶೇಕಡ 20 ದಾತ್  ತುಳುನಾಡುದ 2 ಜಿಲ್ಲೆಗ್ ಅನ್ವಯ ಆಪಿಲೆಕ್ಕ  ಕೂಡಲೇ ವಿಶೇಷ ಆದೇಶ ಕೊರೊಡ್ ಪಂಡುದ್ ಆಗ್ರಹ ಮಲ್ತೆಲ್. ಈ ಸಂದರ್ಭಡ್  ತುಳು ಸಾಹಿತ್ಯ ಅಕಾಡೆಮಿ ಮಾಜಿ ಸದಸ್ಯೆರಾಯಿನ  ಶ್ರೀ ಆಕಾಶ್ ರಾಜ್ ಜೈನ್ , ತುಳುನಾಡ ರಕ್ಷಣಾ ವೇದಿಕೆ ಅಧ್ಯಕ್ಷೆರಾಯಿನ ಶ್ರೀ ಯೋಗೀಶ್ ಶೆಟ್ಟಿ ಜೆಪ್ಪು, ತುಳು ಪರ ಹೋರಾಟಗಾರರಾಯಿನ  ರೋಷನ್ ರೆನೋಲ್ಡ್, ಜೈ ತುಳುನಾಡು ಸಂಘಟನೆ ಅಧ್ಯಕ್ಷರಾಯಿನ ವಿಷು ಶ್ರೀಕೆರಾ, ತುಳುನಾಡು ಒಕ್ಕೂಟದ ಪ್ರಮುಖ ಮುಖಂಡೆರು, ಉಡುಪಿ ರಾಜಕೀಯ ಮುಖಂಡೆರಾಯಿನ  ಕೃಷ್ಣಮೂರ್ತಿ ಆಚಾರ್ಯ , ಸೇರಿನಂಚ ಮಾತಾ ತುಳು ಪರ ಸಂಘಟನೆದ ಪದಾಧಿಕಾರಿಲು  ಸದಸ್ಯೆರು ಉಪಸ್ಥಿತರಿತ್ತೆರು..