ಆರೋಗ್ಯ ಇಲಾಖೆ ಗುತ್ತಿಗೆ ಸಿಬ್ಬಂದಿಲೆನ ಬೇಡಿಕೆನ್ ಈಡೇರಿಸಾವೊಡ್

ಕರ್ನಾಟಕ  ರಾಜ್ಯೊಡ್ ಆರೋಗ್ಯ ಇಲಾಖೆಗ್ ಸಂಬಂಧಪಟ್ಟಿನ ಬೇತೆ ಬೇತೆ ಇಲಾಖೆಡ್ ಸುಮಾರು 30 ಸಾವರಡ್ದ್ ಹೆಚ್ಚ ಜನ ಬೇಲೆ ಮಲ್ತೊಂದಿತ್ತುದ್,ಇನಿಮುಟ್ಟ ಅಕಲೆಗ್ ಸರಕಾರದ ಒವ್ವೇ ಹೆಚ್ಚಿಗೆ ಸೌಲಭ್ಯ ಉಪ್ಪಂದೆ ಕಮ್ಮಿ ಸಂಬಳೊಗ್ ಬೆನೊಂದುಲ್ಲೆರ್.ಕೊರೊನಾದ  ಪೊರ್ತುಡ್   ಮೊಕುಲ್ ಮಲ್ತಿನ ಸೇವೆ ನಿಜವಾದುಲಾ ಮೆಚ್ಚೊಡಾಯಿನವ್ವ್.ಕೊರೊನಾಮುಕ್ತ ಸಮಾಜ ನಿಮರ್ಾಣ ಮಲ್ಪುನೇಟ್ ಮೊಕಲ್ನ ಪಾತ್ರ ಬಾರೀ ಶ್ರೇಷ್ಠವಾಯಿನವ್ವ್.ಮೊಕಲೆಗ್ ಹೆಚ್ಚಿನ ಸೌಲಭ್ಯ ಬೋಡುಂದ್ ತೆರಿದಿನ ಈ ದುಂಬುದ ಸರಕಾರ ಮಾಹಿತಿ ಕೊರ್ರೆಗ್ ನಿವ್ರತ್ತ ಅಧಿಕಾರಿಯಾಯಿನ ಶ್ರೀನಿವಾಸಾಚಾರಿ ಮೆರೆನ್ ಸೇರ್ಪಾದ್ ಒಂಜಿ ಸಮಿತಿನ್ ಮಲ್ತುದ್ ಮಾಹಿತಿ ಕೊರಿಯರೆ ಕೇನುದಿತ್ತೆರ್.ಬೊಕ್ಕ ಈ ಸಮಿತಿ ಆರೋಗ್ಯ ಇಲಾಖೆ ಸಿಬ್ಬಂದಿಲೆನ್ ಬೇತೆ ರಾಜ್ಯೊಡ್ ಕೊರ್ಪಿನ ಸೌಲಭ್ಯದಲೆಕ್ಕನೇ ಕೊರೊಲಿ ಪಂಡುದ್ ವರದಿ ಮಲ್ದಿತ್ತುಂಡ್.ಆಂಡ ಈ ವರದಿನ್ ಜಾರಿ ಮಲ್ಪರೆಗ್ ಸಕರ್ಾರ ಒವ್ವೇ ರೀತಿದ ಆಸಕ್ತಿ ತೋಜಾವುಜಿ.
ಗುತ್ತಿಗೆ ಸಿಬ್ಬಂದಿಲೆನ 10 ವರ್ಷದ ಬೇಡಿಕೆನ್ ಈಡೇರಿಸಾವೊಡ್ಬ ಪಂಡುದ್ ಕರ್ನಾಟಕ   ರಾಜ್ಯ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಬೊಕ್ಕ ವೈದ್ಯಕೀಯ ಶಿಕ್ಷಣ ಇಲಾಖೆ ಗುತ್ತಿಗೆ ಬೊಕ್ಕ ಹೊರಗುತ್ತಿಗೆ ನೌಕರೆರ್ನ ಸಂಘ,ಯುವಶಕ್ತಿಕರ್ನಾಟಕ,      ಕರ್ನಾಟಕ  ರಕ್ಷಣಾ ವೇದಿಕೆ(ಪ್ರವೀಣ್ ಶೆಟ್ಟಿ ಬಣ)ತ್ತ ಪದಾಧಿಕಾರಿಲು ಒಟ್ಟಾದ್ ಉಡುಪಿ ವಿಧಾನಸಭಾ ಕ್ಷೇತ್ರದ ಶಾಸಕೆರ್ ಬೊಕ್ಕ ಭರವಸೆ ಸಮಿತಿದ ಅಧ್ಯಕ್ಷೆರಾಯಿನ ಕೆ.ರಘುಪತಿ ಭಟ್ ಮೆರೆಗ್ ಮನವಿ ಕೊರಿಯೆರ್.
ಮನವಿನ್ ಪರಿಶೀಲನೆ ಮಲ್ತಿನ ಶಾಸಕೆರ್ ಈ ಬೇಡಿಕೆಗ್ ಕೂಡಲೇ ಸ್ಪಂದನೆ ತಿಕ್ಕುನ ಭರವಸೆ ಕೊರ್ತೆರ್.ರಾಜ್ಯದ ಮುಖ್ಯಮಂತ್ರಿಲೆನ ಗಮನೊಗ್ ಕೊನೊತೆರ್.
ಆರೋಗ್ಯ ಇಲಾಖೆಡ್ ಗುತ್ತಿಗೆ ಆಧಾರೊಡ್ ಸೇವೆ ಮಲ್ತೊಂದುಪ್ಪುನಕ್ಲೆನ ಬೇಡಿಕೆನ್ ಸರಕಾರ ಈಡೇರಿಸಾಜಿಡ ಹೋರಾಟ ಸಮಿತಿ ಮಲ್ತುದ್ಹೋರಾಟ ಮಲ್ಪುನವ್ ಅನಿವಾರ್ಯ ಪಂಡುದ್ ಯುವಶಕ್ತಿ ಕನರ್ಾಟಕ ರಾಜ್ಯ ಅಧ್ಯಕ್ಷೆರಾಯಿನ ಪ್ರಮೋದ್ ಉಚ್ಚಿಲ್ ಬೊಕ್ಕ  ಕರ್ನಾಟಕ    ರಕ್ಷಣಾ ವೇದಿಕೆದ ಉಡುಪಿ ಜಿಲ್ಲಾ ಘಟಕದ ಅಧ್ಯಕ್ಷೆರಾಯಿನ ಅನ್ಸಾರ್ ಅಹಮದ್ ತೆರಿಪಾದೆರ್.