ಬೇಲಾಡಿ ” ಬಲೆ ತುಲು ಲಿಪಿ ಕಲ್ಪುಗ”.ಮುಗಿತಲದ ಕಜ್ಜೊ..

ತುಳುವೆರೆ ಜವನೆರ್ , ಪುಂಡರೀಕ ಶ್ರೀ ವಿಷ್ಣುಮೂರ್ತಿ ಭಜನಾ  ಮಂಡಳಿ ಮುಂದಾಳತ್ವಡ್   ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಜೈ ತುಲುನಾಡ್ (ರಿ) ಸಹಭಾಗಿತ್ವಡ್ ಪುಂಡರೀಕ ಶ್ರೀ ವಿಷ್ಣುಮೂರ್ತಿ  ದೇವಸ್ಥಾನ ಡ್ ನಡತಿನ “ಬಲೆ ತುಳು ಲಿಪಿ ಕಲ್ಪುಗ”  ಕಾರ್ಯಕ್ರಮದ ಸಮಾರೋಪ ,ಸಾಧಕೆರೆಗ್ ಮಾನಾದಿಗೆ ನಡತುಂಡ್.
ಕಾರ್ಯಕ್ರಮಡ್ ಅಶೋಕಾನಂದ ಶೆಟ್ಟಿ ಗುರ್ಕಾರ್ಮೆಡಿತ್ತೆರ್..ಮಲ್ಲ ಬಿನ್ನೆರಾದಿತ್ತಿನ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಪದುಕೆರಾಯಿನ ಆಳುಪ ವಂಶಸ್ಥೆರಾಯಿನ ಡಾ| ಆಕಾಶ್ ರಾಜ್ ಜೈನ್  ಪಾತೆರ್ದ್ ತುಳು ರಾಜ್ಯ ಭಾಷೆ ಆವೊಡಾಂಡ ನಮ ಮಾತೆರ್ಲಾ ಮಲ್ಲ ಮಟ್ಟುಡ್ ಸೊರೊ ದೆಪ್ಪುನ ಅವಶ್ಯಕತೆ ಉಂಡು ಪಂಡೆರ್.
ರಂಗಭೂಮಿ ಕಲಾವಿದೆರಾಯಿನ ನಿತೇಶ್ ಕುಲಾಲ್  ಬೇಲಾಡಿ ಮೆರೆಗ್ ಮಾನಾದಿಗೆ ನಡತುಂಡ್ .
ತುಲು ಲಿಪಿ  ಶಿಕ್ಷಕೆರಾಯಿನ   ರಾಜೇಶ್ ತುಲುವೆ , ಅಕ್ಷತಾ ಕುಲಾಲ್  ಮೊಕ್ಲೆನ್ ಮಾನಾದಿಗೆ ಮಲ್ತೆರ್..
ಜೈ ತುಲುನಾಡ್  ಸಂಘಟನೆದ ಉಪಾಧ್ಯಕ್ಷೆರಾಯಿನ   ವಿಶು ಶ್ರೀಕೇರ  ಪಾತೆರ್ದ್ ನಮಕ್ ತುಳುನಾಡುಡೇ ಸರಿಯಾಯಿನ ಸ್ಥಾನಮಾನ ಸಿಕ್ಕೊಂದಿಜ್ಜಿ,ನಮ್ಮ ಹಕ್ಕುನ್ ನಮ ದೆತೊನರೆಗ್ ನಮ ಪ್ರಯತ್ನ ಮಲ್ಪೊಡ್ ಪಂಡೆರ್.
ಜೈ ತುಲುನಾಡ್  ಸಂಘಟನೆದ ಸ್ಥಾಪಕ  ಸದಸ್ಯ  ಶರತ್ ಕೊಡವೂರ್ ಪಾತೆರಿಯೆರ್

ಕಾರ್ಯಕ್ರಮಡ್ ತುಳು ಲಿಪಿ ಪರೀಕ್ಷೆಡ್ ಇಂಚಪ್ಪೊಗ್ ಪಾಸ್ ಆಯಿನಕ್ಲೆಗ್ ಮಾನಾದಿಗೆದ ಓಲೆ ಕೊರ್ದ್ ಮಾನಾದಿಗೆ ನಡತುಂಡ್.
ಈ ಪೊರ್ತುಡ್ ಕ್ಷೇತ್ರದ  ಅರ್ಚಕೆರಾಯಿನ   ಗೋಪಾಲ್ ಕೃಷ್ಣ  ಭಟ್  ,
  ತುಳು ಲಿಪಿ ಶಿಕ್ಷಕೆರಾಯಿನ ಸುದೀಪ್ ಶೆಟ್ಟಿ , ನಿಶಿಲ್ ಶೆಟ್ಟಿ ,ದೀಪಕ್ ಶೆಟ್ಟಿ,  ಉಪಸ್ಥಿತರಿತ್ತೆರ್
ಬೊಕ್ಕ ನಡತಿನ ಸಾಂಸ್ಕೃತಿಕ ಕಾರ್ಯಕ್ರಮಡ್ ನೃತ್ಯ, ತುಳು ಗೀತೆ, ಪಾರ್ದನ, ಗಾದೆಲೆನ ಮುಖೇನ ತುಳುನಾಡುದ ಸಂಸ್ಕೃತಿನ್ ನೆಂಪು ಮಲ್ತೆರ್..
ದಿವ್ಯಾ ನಾಯ್ಕ್  ಸ್ವಾಗತ ಮಲ್ತುದ್ ಪ್ರಭಾಕರ್ ಕುಲಾಲ್ ಸೊಲ್ಮೆ ಸಂದಾಯ್ತ ಮಲ್ತೆರ್. ಸಾಮಾನಿ ಅಶ್ವಿತ್ ಬೇಲಾಡಿ ನಿರೂಪಣೆ ಮಲ್ತೆರ್.