ಕೊಂಚಾಡಿ ಶ್ರೀ ದುರ್ಗಾಪರಮೇಶ್ವರೀ ನಾಗಕನ್ನಿಕಾ ದೇವಲ್ಯದ ಮುತಾಲಿಕೆಡ್,ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿ ಬೊಕ್ಕ ಜೈ ತುಳುನಾಡ್(ರಿ.) ಸಂಘಟನೆದ ಒತ್ತು ಸೇರಿಗೆಡ್ ಉಂದುವೇ ಬರ್ಪಿನ ಐತಾರ ಅಕ್ಟೋಬರ್ 24 ತಾರೀಕುದಾನಿ ಕಾಂಡೆ 9.30 ಗಂಟೆಗ್ “ಬಲೆ ತುಳು ಲಿಪಿ ಕಲ್ಪುಗ” ಕಜ್ಜೊದ ಉದಿಪನದ ಲೇಸ್ ಕೊಂಚಾಡಿ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯದ ಅಂಗಣೊಡ್ ನಡಪರೆಗುಂಡ್.
ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿದ ಗುರ್ಕಾರೆರಾಯಿನ ದಯಾನಂದ ಜಿ.ಕತ್ತಲ್ಸಾರ್ ಮೇರು ಕಜ್ಜೊದ ಉದಿಪನ ಮಲ್ಪರೆಗುಲ್ಲೆರ್.ಕುಡ್ಲ ಮಹಾನಗರ ಪಾಲಿಕೆದ ಪದುಕೆರಾಯಿನ ಶ್ರೀಮತಿ ರಂಜನಿ ಎಲ್ ಕೋಟ್ಯಾನ್ ಕಜ್ಜೊಡ್ ಗುರ್ಕಾರ್ಮೆಡಿಪ್ಪುವೆರ್.
ಮಲ್ಲ ಬಿನ್ನೆರಾದ್ ಜೈ ತುಳುನಾಡ್ ಸಂಘಟನೆದ ಗುರ್ಕಾರೆರಾಯಿನ ಸುದರ್ಶನ್ ಸುರತ್ಕಲ್,ಜೈ ತುಳುನಾಡ್ ದ ದುಂಬುದ ಗುರ್ಕಾರೆರಾಯಿನ ಅಶ್ವಥ್ ತುಳುವೆ,ಶ್ರೀ ದುಗರ್ಾಪರಮೇಶ್ವರಿ ನಾಗಕನ್ನಿಕಾ ದೇವಲ್ಯದ ಆಡಳಿತ ಮುಕ್ತೇಸರೆರಾಯಿನ ಶ್ರೀ ರಮಾನಂದ ಪೂಜಾರಿ,ಜಿಲ್ಲಾ ರಾಜ್ಯೋತ್ಸವ ಪುರಸ್ಕೃತೆರಾಯಿನ ಮಾ. ತಕ್ಷಿಲ್ ಎಮ್.ದೇವಾಡಿಗ ಉಪಸ್ಥಿತರಿಪ್ಪುವೆರ್.
ಸಭಾ ಕಜ್ಜೊ ಮುಗಿಬೊಕ್ಕ ತುಳು ಲಿಪಿ ಕಲ್ಪಾದಿಲಾಯಿನ ಗೀತಾ ಲಕ್ಷ್ಮೀಶ್ ಬೊಕ್ಕ ಚಿರಶ್ರೀ ಮೊಕುಲು ತುಳು ಲಿಪಿ ಕಲ್ಪಾವರೆಗುಲ್ಲೆರ್,ತುಳುವೆರ್ ಹೆಚ್ಚಿನಕುಲ್ ಪಾಲ್ ಪಡೆದ್ ತುಳು ಲಿಪಿ ಕಲ್ಪುಲೆ ಪಂಡುದ್ ಸಂಘಟಕೆರ್ ಪ್ರಕಟನೆಡ್ ತೆರಿಪಾದೆರ್.
by 