“ತುಳುವ ನೇಸರೆ” ಕಂತ್ಂಡ್!
#
“ಟೈಮ್ಸ್ ಆಫ್ ಕುಡ್ಲ ” ಪತ್ರಿಕೆದ ಸಂಪಾದಕೆರ್ ಶಶಿ ಬಂಡಿಮಾರ್ ನನ ನೆಂಪು ಮಾತ್ರ

ಕುಡ್ಲ : “ಟೈಮ್ಸ್ ಆಫ್ ಕುಡ್ಲ” ತುಳು ಪತ್ರಿಕೆದ ಪ್ರಧಾನ ಸಂಪಾದಕೆರ್ ಶಶಿ ಆರ್. ಬಂಡಿಮಾರ್ (41) ಬುಧವಾರ ರಾತ್ರೆ ದೇವೆರೆ ಪಾದ ಸೇರಿಯೆರ್.
ನಾಗಾಲ್ಯಾಂಡ್ ಗ್ ಪೋದಿತ್ತಿನ ಆರ್ ಅವುಲು ಅಸೌಖ್ಯ ಆದ್ ಹೃದಯಾಘಾತಡ್ ತೀರ್ ಪೋಯೆರ್.
ಆರ್ ಅರೆನ ಅಮ್ಮ, ಬೊಡೆದಿ, ಅಕ್ಕ ಬೊಕ್ಕ ರಡ್ಡ್ ಜನ ಮೆಗ್ಯಲ್ಲು ಅಂಚೆನೆ ಕುಟುಂಬ, ಬಂಧು ಬಳಗದಕ್ಲೆನ್ ಮಾತ್ರ ಅತ್ತಾಂದೆ ಭಾರಿ ಸಂಖ್ಯೆದ ತುಳು ಅಭಿಮಾನಿಲೆನ್ ಬುಡ್ದು ಪರ ಲೋಕ ಸೇರಿಯೆರ್.

ತುಳು ಬಾಷೆ, ಸಂಸ್ಕೃತಿ, ಆಚಾರ ವಿಚಾರ ದ ಬುಲೆಚ್ಚಿಲ್ ಗ್ ಭಾರಿ ಬಂಗ ಬೈದಿನ ಮೇರ್ ತುಳು ಬಾಷೆದ ಒರಿಪುಗಾದ್ “ಟೈಮ್ಸ್ ಆಫ್ ಕುಡ್ಲ” ಪನ್ಪಿನ ತುಳು ವಾರಪತ್ರಿಕೆನ್ ಸುರು ಮಲ್ತ್ ದ್ 15 ವರ್ಷರ್ದಿಂಚಿ ನಡಪಾವೊಂದು ಬೈದೆರ್.
ಸಣ್ಣ ಕೈಗಾರಿಕೆ, ಆತಿಥ್ಯ ಕ್ಷೇತ್ರ ಡ್ ಲ ಸಕ್ರಿಯವಾದಿತ್ತಿನ ಆರ್ ನಾಗಾಲ್ಯಾಂಡ್ ಡ್ ಅರೆನ ಮರತ್ತ ಫ್ಯಾಕ್ಟರಿಗ್ ಪೋದುಪ್ಪುನಗ ಅನಾರೋಗ್ಯ ಆದಿತ್ತ್ಂಡ್.
ಶಶಿ ಬಂಡಿಮಾರ್ ಮೆರೆಗ್ ಜೈ ತುಲುನಾಡ್ (ರಿ) ಸಂಘಟನೆ “ತುಳುವ ನೇಸರೆ” ಎನ್ನುವ ಬಿರ್ದ್ ಕೊರ್ದು ಮಾನಾದಿಗೆ ಮಲ್ಪುನತ್ತಾಂದೆ ಅವೇತೊ ತುಳು ಸಂಘಟನೆ, ಸಂಘ ಸಂಸ್ಥೆಲು ಪ್ರಶಸ್ತಿ ಕೊರ್ದು ಮಾನಾದಿಗೆ ಮಲ್ತ್ ದಿತ್ತ್ಂಡ್.