ನಡೆದಾಡುವ ಗರಡಿ ಪಂಡುದೇ ಪುಗಾರ್ತೆನ್ ಪಡೆದಿನ ಹಿರಿಯ ಜಾನಪದ ವಿದ್ವಾಂಸೆರಾಯಿನ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರಾಯಿನ ಬನ್ನಂಜೆ ಬಾಬು ಅಮೀನೆರೆಗ್ ಉಡುಪಿ ತುಳುಕೂಟದ ವತಿಡ್ದ್ ಮಾನಾದಿಗೆ ನಡತುಂಡ್.
ಮೇ 8 ತಾರೀಕುದಾನಿ ಮಲ್ಪೆದ ಕಡಲ ಬರಿಟ್ ಉಡುಪಿ ತುಳುಕೂಟ ಬೊಕ್ಕ ಲಯನ್ಸ್ ಸಂಸ್ಥೆದ ವತಿಡ್ದ್ ನಡತಿನ ತುಳುನಾಡ ಗೊಬ್ಬುಲು-2022 ದ ಸಭಾಕಜ್ಜೊಡ್ ಈ ಮಾನಾದಿಗೆ ನಡತುಂಡ್.
ಈ ಪೊರ್ತುಡ್ ತುಳುಕೂಟದ ಗುರ್ಕಾರೆರಾಯಿನ ಜಯಕರ ಶೆಟ್ಟಿ ಇಂದ್ರಾಳಿ,ತುಳುಗೊಬ್ಬುಲೆನ ಸಂಚಾಲಕೆರಾಯಿನ ದಿವಾಕರ್ ಸನಿಲ್,,ಇಂದ್ರಾಳಿ ಉಡುಪಿ ಲಯನ್ಸ್ ಕ್ಲಬ್ ದ ಗುರ್ಕಾರೆರಾಯಿನ ಮನೋಹರ್ ಶೆಟ್ಟಿ ತೋನ್ಸೆ, ಬೆಳಪು ದೇವಿಪ್ರಸಾಧ್ ಶೆಟ್ಟಿ, ಸ್ಥಾಯಿ ಸಮಿತಿದ ಅಧ್ಯಕ್ಷೆರಾಯಿನ ಬಾಲಕ್ರಷ್ಣ ಶೆಟ್ಟಿ ನಿಟ್ಟೂರು,ತುಳುಕೂಟದ ಕಾರ್ಯಂತೆರಾಯಿನ ಗಂಗಾಧರ ಕಿದಿಯೂರು, ಪಣವುದ ಗುರ್ಕಾರೆ ಚೈತನ್ಯ ಎಮ್.ಜಿ.,ದಯಾನಂದ ಶೆಟ್ಟಿ ದೆಂದೂರು,ಪ್ರಕಾಶ್ ಸುವರ್ಣ ಕಟಪಾಡಿ ,ಭುವನಪ್ರಸಾದ್ ಹೆಗ್ಡೆ ಮೊಕುಲು ಮಾತಾ ಉಪಸ್ಥಿತರಿತ್ತೆರ್.
by 