ಬರ್ಸ

ಬರ್ಸ

ಉನ್ಗುದು ಕಲ್ಲರೂಪೊನು ಪಡೆಯಿ ಬೂಮ್ಮಪ್ಪೆ
ನೀರಾಯಲ್ ಪೊಸತೆಗ್ಲೆಗ್ ಪೇರಾಯಲ್.
ಗಿಡಿದ್ ಪುಡದಿನ ಬಾಕಿಮಾರ್ ಕಂಡ
ಕುರಿದ್ ಕುಮೆದ್ ಕುರ್ತೆಲಾಂಡ್
ಬೆನ್ನಿ ಸಾಗೋಲಿದ ಕಲೊಕು ಅಟ್ಟನೆಯಾಂಡ್..

ಬಾನೊಡು ರಾಯಿನ ಮುಗಲ್
ನೀರಾ‌ದ್ ಬದ್ಕ್‌ದ ನಿದಿಯಾದ್
ಪಾರೊಂದು ಬತ್ತ್ಂಡ್.
ಪಾತೊಲೊಡಿತ್ತಿ ಒಸರ್
ಕಣ್ಣರುಟು ಪಾತೆರೊಂದುಂಡು
ಬೆನ್ನಿ ಮಾನ್ಯಗಿತ್ತೆ ತೆಲಿಕೆ ಪುಟ್ಟುಂಡು..

ಪೇಂಟೆದ ಕೋಂಟು ಮುರ್ಕುಂಡು
ಸಾದಿದಾಂತಿ ಜಾಗೆ ಲೆಪ್ಪು ಕಡತಿ ಬಿನ್ನೆರ್.
ಹಳ್ಳಿದ ನೆಲ ತೆಲಿತ್ಂಡ್ ಮಣ್ಣ್ ಮೆಲಿಂಡ್
ದೆಂಗೊಡಿತ್ತಿ ಪೊಸಬಿದೆ ಕಂಡೊಡಿತ್ತೆ ಗೊಬ್ಬೊಂದುಂಡು..

ಉರಿದೊಂಬುಗು ಪಿರಿಯಾಂಡ್
ಉರಿಬೆಚ್ಚ ತನು‌ವಾಂಡ್
ಇತ್ತೆನೇ ಬೊಡಿಂಡ ಎಂಚ
ಬರ್ಸ ಬರೊಡು ಅವ್ ಬರ್ಪಿ ದಿನೊ‌ಟು
ಕಿರಿಂಚಿ ಆಂಡಲ ಮಲ್ಲೆಜ್ಜಿ ಕಡೆಮುಟ್ಟ
ತೆಲಿಯಗಂಜ ಪುರಿಂಚಿದ್ ಉನೊಡು..

ಚೇತನ್. ವರ್ಕಾಡಿ
ತುಲುವೆರೆ ಕಲ