“ಬೇಲಿ” ಬೊಕ್ಕ “ಸಾಪೊದ ಕಣ್ಣ್” ತುಳು ನಾಟಕ ಕೃತಿ ಬುಡುಗಡೆ

ಲೇಖಕಿ ಅಕ್ಷತಾರಾಜ್ ಪೆರ್ಲ ಮೇರ್ ಬರೆತಿನ “ಬೇಲಿ” ಬೊಕ್ಕ “ಸಾಪೊದ ಕಣ್ಣ್” ತುಳು ನಾಟಕ ಕೃತಿ ಸೆಪ್ಟೆಂಬರ್ 30 ತಾರೀಕುದಾನಿ ಮಧ್ಯಾಹ್ನ 1.30 ಗಂಟೆಗ್ ಮಂಗಳೂರು ವಿಶ್ವವಿದ್ಯಾನಿಲಯದ ಡಾ.ಶಿವರಾಮ ಕಾರಂತ ಸಭಾಭವನೊಡ್ ನಡಪರೆಗುಂಡ್.
ಧರ್ಮಸ್ಥಳ ಶ್ರೀ ರತ್ನವರ್ಮ ಪುರಸ್ಕ್ರತವಾಯಿನ ಈ ಕೃತಿನ್ ಮಂಗಳೂರು ವಿ.ವಿ.ದ ಕುಲಪತಿ ಪ್ರೊ.ಸುಬ್ರಹ್ಮಣ್ಯ ಯಡಪಡಿತ್ತಾಯ ಬುಡುಗಡೆ ಮಲ್ಪುವೆರ್.ವಕೀಲೆರ್ ಬೊಕ್ಕ ರಂಗನಿರ್ದೇಶಕೆರಾಯಿನ  ಶಶಿರಾಜ್ ಕಾವೂರು ಕೃತಿ ಪರಿಚಯ ಮಲ್ಪುವೆರ್.ವಿ.ವಿ,ದ ಪ್ರಾಂಶುಪಾಲೆರಾಯಿನ ಡಾ.ಅನುಸೂಯ ರೈ ಕಜ್ಜೊದ ಅಧ್ಯಕ್ಷತೆಡಿಪ್ಪುವೆರ್.

ಎಮ್.ಆರ್.ಪಿ.ಎಲ್.ಪ್ರಶಿಕ್ಷಣ ವಿಭಾಗದ   ಉಪಮಹಾಪ್ರಬಂಧಕೆರಾಯಿನ ವೀಣಾ ಟಿ.ಶೆಟ್ಟಿ,ಮಂಗಳೂರು ವಿ.ವಿ.ದ ಬ್ರಹ್ಮಶ್ರೀ ನಾರಾಯಣಗುರು ಪೀಠದ ಸಂಯೋಜಕೆರಾಯಿನ ಡಾ.ಗಣೇಶ್ ಅಮೀನ್ ಸಂಕಮಾರ್,ಬೊಕ್ಕ ರಾಮಕೃಷ್ಣ ಮಿಷನ್ ದ ಸ್ವಚ್ಛ ಮನಸ್ ರೂವಾರಿ ರಂಜನ್ ಬೆಳ್ಳಾರ್ಪಡಿ ಉಪಸ್ಥಿತರಿಪ್ಪುವೆರ್ ಪಂಡುದ್ ಪ್ರಕಟನೆಡ್ ತೆರಿಪಾದೆರ್