ತುಳುನಾಡ್ ಒಕ್ಕೂಟ ಬೆಳ್ತಂಗಡಿದ ತಾಲ್ಲೂಕು ಯುವಘಟಕದ ಪೊಸ ಪದಾಧಿಕಾರಿಲೆನ ಆಯ್ಕೆ..

ಬೆಳ್ತಂಗಡಿ : ತುಳುನಾಡ್ ಒಕ್ಕೂಟ ಸಂಘಟನೆದ ಕಾರ್ಯಕರ್ತೆರೆನ ಸಭೆ ಇಂಚಪ್ಪೊಗ್ ಬೆಳ್ತಂಗಡಿಡ್ ನಡತುಂಡ್.
ಸಭೆಟ್ ತುಳುನಾಡ್ ಒಕ್ಕೂಟ ಬೆಳ್ತಂಗಡಿ ತಾಲೂಕು ಸಮಿತಿದ ಗುರ್ಕಾರೆರಾಯಿನ ರಾಜೇಶ್ ಕುಲಾಲ್ ಬೈರೊಟ್ಟು ಗುರ್ಕಾರ್ಮೆಡಿತ್ತೆರು.
ಈ ಸಂದರ್ಭಡ್ ತುಳುನಾಡ್ ಒಕ್ಕೂಟ ಬೆಳ್ತಂಗಡಿ ತಾಲ್ಲೂಕು ಯುವ ಘಟಕದ ಪದಾಧಿಕಾರಿಲೆನ ಆಯ್ಕೆ ಮಲ್ತೆರ್.

ಗುರ್ಕಾರೆರಾದ್ ಆಕಾಶ್ ಪೂಜಾರಿ ಗೇರುಕಟ್ಟೆ ,ಒತ್ತು ಗುರ್ಕಾರೆರಾದ್ ಪುರಂದರ ಗೌಡ ಶಿರ್ಲಾಲು, ಕಾರ್ಯಂತೆರಾದ್ ಚಂದ್ರಹಾಸ ಕುಂಬಾರ ಬಂದಾರು, ಒತ್ತು ಕಾರ್ಯಂತೆರಾದ್ ರಮೇಶ್ ಸಾಲಿಯಾನ್, ಪಣವುದ ಪಾಲವೆರಾದ್ ಅಶ್ವತ್ ಕುಲಾಲ್ ಅರ್ವ ಆಯ್ಕೆಯಾಯೆರ್. ಪತ್ತು ಜನತ್ತ ಕಾರ್ಯಕಾರಿ ಸಮಿತಿನ್ ರಚನೆ ಮಲ್ತೆರ್. ಸಂಘಟನೆದ ಸಂಸ್ಥಾಪಕರಾಯಿನ ಶೈಲೇಶ್ ಆರ್. ಜೆ.ಮೇರು ಪೊಸ ಯುವ ಘಟಕೊಗ್ ಸಂಘಟನೆದ ಧ್ಯೇಯ, ಉದ್ದೇಶಲೆನ ಬಗ್ಗೆ ವಿವರಣೆ ಕೊರ್ದ್, ತುಳು ಚಳುವಳಿನ್ ದುಂಬರಿಪುನ ರೀತಿ, ಪ್ರಾದೇಶಿಕ ಚಳುವಳಿ ಯಶಸ್ಸು ಆವರೆಗ್ ಯುವ ಘಟಕ ಯುವಜನತೆದೊಟ್ಟುಗ್ ಕೊಂಡಿಯಾದ್ ಕಾರ್ಯ ನಿರ್ವಹಣೆ ಮಲ್ಪೊಡ್ ಪಂಡುದು ತೆರಿಪಾಯೆರು ಬೊಕ್ಕ ಪೊಸ ಯುವ ಘಟಕದ ಪದಾಧಿಕಾರಿಲೆಗ್ ಎಡ್ಡೆಪ್ಪು ಬಯಕಿಯೆರು.
ಬೆಳ್ತಂಗಡಿ ತಾಲೂಕು ಘಟಕದ ಪ್ರಧಾನ ಕಾರ್ಯಂತೆರಾಯಿನ ರಾಜು ಬಿ. ಎಚ್. ಸ್ವಾಗತ ಮಲ್ತುದ್, ನಿರ್ವಹಣೆ ಮಲ್ತುದ್ ಸೊಲ್ಮೆ ಸಂದಾಯ್ತ ಮಲ್ತೆರು. ತುಳುನಾಡ್ ಒಕ್ಕೂಟ ಸಂಘಟನೆದ ಪದಾಧಿಕಾರಿಲು ಉಪಸ್ಥಿತರಿತ್ತೆರು.