ಸಮಾಜಸೇವಕೆರಾಯಿನ ಈಶ್ವರ್ ಮಲ್ಪೆ ಮೆರೆಗ್ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ..

ಆಪತ್ಭಾಂಧವ,ಜೀವರಕ್ಷಕೆ ಪಂಡುದೇ ಪುಗಾರ್ತೆನ್ ಪಡೆದಿನ ಸಮಾಜಸೇವಕೆರಾಯಿನ ಈಶ್ವರ್ ಮಲ್ಪೆ ಮೆರೆಗ್ ಅರೆನ ನಿಸ್ವಾರ್ಥ ಸೇವೆಗಾದ್ 2022 ನೇ ಸಾಲುದ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ತಿಕ್ಕುದುಂಡ್. ನವೆಂಬರ್ 1 ತಾರೀಕುದಾನಿ ನಡತಿನ ರಾಜ್ಯೋತ್ಸವದ ಕಜ್ಜೊಡ್ ಈ ಪ್ರಶಸ್ತಿ ನ್ ಅರೆಗ್ ಜಿಲ್ಲೆದ ಗಣ್ಯೆರ್ ಮಾನಾದಿಗೆ ಮಲ್ತೆರ್.
ಉಡುಪಿ ಜಿಲ್ಲೆದ ಸುತ್ತಮುತ್ತ ಒವ್ವೇ ಊರುಡ್ ಬೊಲ್ಲ ಬತ್ತುದ್ ಆಪತ್ತು ಬತ್ತಿನಪಗ ಅಡೆಗ್ ಪೋದ್ ಕಾರ್ಯಾಚರಣೆ ಮಲ್ತುದ್ ನೀರುಡ್ ಮುರ್ಕಿನಕ್ಲೆನ್ ರಕ್ಷಣೆ ಮಲ್ಪುನ ಪ್ರಯತ್ನ ಮಲ್ಪುವೆರ್.ಅವ್ವೇತೊ ಜನನ್ ರಕ್ಷಣೆಲಾ ಮಲ್ತುದೆರ್.ಅತ್ತಾವಂದೆ ಅಕಸ್ಮಾತ್ ನೀರುಡ್ ಮುರ್ಕುದ್ ಸೈತಿನ ಪುಣೊನ್ ಮಿತ್ತ್ ದೆರ್ಪುನ ಬೇಲೆ ಆದುಪ್ಪು ಮಲ್ಪೆ ಬಂದರುಡ್ ಬೂರಿನ ವಾಹನೊಲೆನ್ ಮಿತ್ತ್ ದೆರ್ಪುನ ಬೇಲೆ ಆದುಪ್ಪು ಒವ್ವೇ ಕಠಿಣ ಪರಿಸ್ಥಿತಿಡುಲಾ ಅವ್ ಬೇಲೆನ್ ಮಲ್ಪುವೆರ್.ತನ್ನ ಇಲ್ಲಡ್ ಮೆರೆನ ಮೂಜಿ ಜೋಕುಲು ವಿಕಲಚೇತನೆರಾದಿತ್ತುಂಡಲಾ ತನ್ನ ಇಲ್ಲದ ಸಮಸ್ಯೆನ್ ಬದಿಕ್ ದೀದ್ ನಿರಂತರವಾದ್ ಸಮಾಜಸೇವೆಡ್ ತೊಡಗಿಸಾವೊಂದ್ ಜನಕ್ಲೆನ ಉಡಲ್ ಗೆಂದದೆರ್‌‌ಮೆರೆನ ಸೇವೆಗ್ ಈ ಸರ್ತಿದ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ತಿಕ್ಕಿದಿನವ್ ಮಾತೆರೆಗುಲಾ ಪೆರ್ಮೆದ ಸಂಗತಿಯಾತುಂಡ್.