ಎಂ.ಜಿ.ಎಂ. ಕಾಲೇಜಿಡ್ ‘ಏಕ್ ದಿನ್ ಎನ್.ಸಿ.ಸಿ ಆರ್ಮಿ ಕೆ ನಾಮ್’
ಎಂ.ಜಿ.ಎಂ. ಕಾಲೇಜಿಡ್ ‘ಏಕ್ ದಿನ್ ಎನ್.ಸಿ.ಸಿ ಆರ್ಮಿ ಕೆ ನಾಮ್’ ಕಾರ್ಯಕ್ರಮ ಇಂಚಪ್ಪೊಗ್ ಗೀತಾಂಜಲಿ ಸಭಾಂಗಣಡ್ ನಡತುಂಡ್.
ಎಂ.ಐ.ಟಿ, ಮಾಹೆದ ಲೈಪ್ಟಿನ್ಂಟ್ ಕಮಾಂಡರ್ ಗೀತಾಲಕ್ಷ್ಮೀ ಪಿ.ಎಂ. ಪಾತೆರ್ದ್ ಎನ್.ಸಿ.ಸಿ ವಿದ್ಯಾರ್ಥಿಲೆಗ್ ಶಿಸ್ತುಬದ್ಧ ಜೀವನ ನಡಪಾವರೆಗ್, ನಾಯಕತ್ವನ್ ಬುಲೆಪಾವರೆಗ್ ಬೊಕ್ಕ ಪ್ರತಿಭೆನ್ ಪ್ರದರ್ಶನ ಮಲ್ಪರೆಗುಪ್ಪುನ ಒಂಜಿ ಎಡ್ಡೆ ವೇದಿಕೆ ಪಂಡೆರು. ಕೆಡೆಟ್ ಬೊಕ್ಕ ಕೆಡೆಟ್ ಲೆನ ಪೋಷಕೆರೆನ್ ಅಭಿನಂದಿಸಾದ್ ನನಲಾತ್ ಎಡ್ಡೆ ಸಾಧನೆ ಮಲ್ಪುಲೆ ಪಂಡುದು ಪ್ರೋತ್ಸಾಹ ಕೊರಿಯೆರ್.
ಎಂ.ಜಿ.ಎಂ. ಕಾಲೇಜಿದ ಪ್ರಾಂಶುಪಾಲೆರಾಯಿನ ಪ್ರೊ.ಲಕ್ಷ್ಮೀನಾರಾಯಣ ಕಾರಂತ ಅಧ್ಯಕ್ಷತೆಡಿತ್ತೆರ್. ಕಾಲೇಜಿದ ಎನ್.ಸಿ.ಸಿ. ಆರ್ಮಿವಿಂಗ್ ಅಧಿಕಾರಿ ಲೈಪ್ಟಿನೆಂಟ್ ನವ್ಯ, 21 ಕರ್ನಾಟಕ ಬೆಟಾಲಿಯನ್ ಎನ್.ಸಿ.ಸಿ.ದ ಸುಬೇದಾರ್ ಪ್ರಕಾಶ್ಚಂದ್ರ ಬೊಕ್ಕ ಹವಾಲ್ದಾರ್ ಭೀಮಾಲ್, ಎನ್.ಸಿ.ಸಿ ಹಾಲಿ, ಮಾಜಿ ಕೆಡೆಟ್ ಲು, ಕೆಡೆಟ್ ಲೆನ ಪೋಷಕೆರು, ಉಪನ್ಯಾಸಕೆರು ಉಪಸ್ಥಿತರಿತ್ತೆರ್. ಕೆಡೆಟ್ ಎಸ್‌ಯುಒ ಸಾಕ್ಷೀ ಎಲ್. ಕರ್ಕೇರ ಸ್ವಾಗತ ಮಲ್ತುದ್, ಸಾರ್ಜೆಂಟ್ ರೆನಿಟಾ ಸೊಲ್ಮೆ ಸಂದಾಯ್ತ ಮಲ್ತೆರ್.ಕೆಡೆಟ್ ದೀಪಾಲಿ ಭಟ್, ಶ್ರೀನಿಧಿ ನಿರೂಪಣೆ ಮಲ್ತೆರ್.
by 