ಗಝಲ್

ಗಝಲ್

ಸೀರೆ ಪಚ್ಚೆಸಿರಿ ತುತ್ತೈತೊಡು ಪೊರ್ಲು ತೋಜುವಲ್ ತುಲುವಪ್ಪೆ
ಪೂರ ಮನಸನ್ ಒಂಜೇ ಜಾಲ್ಡ್ ಕಾಪುವಲ್ ತುಲುವಪ್ಪೆ

ಸಾರ ಕಬಿಕುಲು ಬರೆಪಿನ ಬರವು ಕೂಟಡೊಂಜಿ ಚೋದ್ಯನೆ ಅತೇ
ಓರೆಕೋರೆಗ್ ಉಡಲೊರ್ಮೆ ಮಾಪು ಮಲ್ಪುವಲ್ ತುಲುವಪ್ಪೆ

ಒರ್ತಿಯಾಂಡಲಾ ಸಡ್ಡ್ ಪಾಂಡ್ಡ ಬುಡ್ದು ಪಾಡುಜೆರತ್ತೆ ಮೂಲು
ಸರ್ತಿ ಸರ್ತಿಡೇ ಉಮೇದ್ ಕೊರ್ದು
ಮಿತ್ತ್ ದೆರ್ಪುವಲ್ ತುಲುವಪ್ಪೆ

ಪಾರ್ ಪಕ್ಕಿಲು ಮೂಜಿಪೊರ್ತು ನಲಿತೊಂದುಂಡುಅಲೆ ಬೂಡುಡು
ಬಾರ್ ಕಂಡೊಡು ಪಚ್ಚೆ ಪಜಿರ್ನ್
ತೂಂಕುವಲ್ ತುಲುವಪ್ಪೆ

ಮೂಡಾಯಿ ಘಟ್ಟೊಡ್ದು ಪಡ್ಯೆಯಿ ಮುಟ್ಟದ ಅಪ್ಪೆ ಬೂಮಿ ಪಂಡ ಮೋಕೆ
ಗಡ್ದ್ ಗಮ್ಮತ್ತ್ ದ ಅಲೆಮಟ್ಟೆಲ್ಡ್
ವಾಣಿನ್,ಮಾನವಲ್ ತುಲುವಪ್ಪೆ

ವಾಣಿಲೋಕಯ್ಯ
ತುಲುವೆರೆ ಕಲ