ಗೇನಸಿರಿ: ತುಲು ಲಿಪಿತ್ತ ತಂತ್ರಾಂಶ ಬುಡುಗಡೆ..

ಗೇನಸಿರಿ – ತುಳು ಲಿಪಿತ್ತ ಲಿಪ್ಯಂತರ ತಂತ್ರಾಂಶನ್ ಬೆಂಗಳೂರುಡ್ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವೆರಾಯಿನ ಶ್ರೀ ವಿ.ಸುನಿಲ್ ಕುಮಾರ್ ಮೇರ್ ಬುಡುಗಡೆ ಮಲ್ತೆರ್.
ಜೈ ತುಲುನಾಡ್(ರಿ.) ಸಂಘಟನೆಡ್ದ್ ಅಭಿವೃದ್ಧಿ ಮಲ್ತಿನ ಬೇತೆ ಬೇತೆ ಭಾಷೆದ ಲಿಪಿಡ್ದ್ ತುಳು ಲಿಪಿಕ್ ಸುಲಭವಾದ್ ಲಿಪ್ಯಂತರ ಮಲ್ಪುನ ಗೇನೆಸಿರಿ’ ತಂತ್ರಾಂಶನ್ ಲೋಕಾರ್ಪಣೆ ಆಂಡ್.. ತುಳು ಲಿಪಿ ಬೊಕ್ಕ ಭಾಷೆದ ಹೆಚ್ಚಿನ ಬಳಕೆಗ್ ಸಹಕಾರಿಯಾಪುಂಡ್. ಈ ತಂತ್ರಾಂಶನ್ ಸಂಘಟನೆದ ಸದಸ್ಯೆರಾಯಿನ ಶ್ರೀ ಜ್ನಾನೇಶ್ ದೇರಳಕಟ್ಟೆ ಮೇರ್ ಅಭಿವೃದ್ಧಿ ಮಲ್ತುದೆರ್.ಈ ಪೊರ್ತುಡ್ ಕರ್ನಾಟಕ ತುಲು ಸಾಹಿತ್ಯ ಅಕಾಡೆಮಿದ ಸದಸ್ಯೆರಾಯಿನ ಶ್ರೀಮತಿ ಕಾಂತಿ ಶೆಟ್ಟಿ, ಜೈ ತುಲುನಾಡ್ ಸಂಘಟನೆದ ಶರತ್ ಕೊಡವೂರು ,ಸದಾಶಿವ ಮುದ್ರಾಡಿ,ಸುಮಂತ್ ಹೆಬ್ರಿ,ಜಯಪ್ರಸಾದ್ ಸೇರಿನಂಚ ಸಂಘಟನೆದ ಬಾಕಿದ ಪದುಕೆರ್ ನಕುಲು ಉಪಸ್ಥಿತರಿತ್ತೆರ್.