ಕಾರಣಿಕದ ಕ್ಷೇತ್ರ ಕಲ್ಮಾಡಿ ಬಗ್ಗುಪಂಜುರ್ಲಿ ದೈವಸ್ಥಾನದ ತಲಜಾಗೆಡ್ ಪುಣ್ಯಕೋಟಿ ಸೇವಾಬಳಗದ ವತಿಡ್ದ್ ಗೋಪೂಜೆ..

ಪುಣ್ಯ ಕೋಟಿ ಸೇವಾ ಬಳಗ ಉಡುಪಿದ ವತಿಡ್ದ್ ಕರಿನ ಕೆಲವು ವರ್ಸೊಡಿಂಚಿ ಪೆತ್ತ ಇತ್ತಿನ ಇಲ್ಲ ಇಲ್ಲಗ್ ಪೋದ್ ಗೋಪೂಜೆ ಮಲ್ಪುನ ಕಾರ್ಯಕ್ರಮ ಪ್ರತೀ ತಿಂಗೊಲು ನಡತೊಂದಿತ್ತುದ್ ಈ ತಿಂಗೊಲುದ ಗೋಪೂಜೆ ಕಲ್ಮಾಡಿ ಬೊಟ್ಟಲದ ಕಾರಣಿಕದ ಬಗ್ಗುಪಂಜುರ್ಲಿ ದೈವಸ್ಥಾನದ ತಲಜಾಗೆಡ್ ನಡತುಂಡ್.

>ಪುಣ್ಯಕೋಟಿ ಸೇವಾಬಳಗದ ಅಧ್ಯಕ್ಷೆರಾಯಿನ ಜ್ಯೋತಿ ಎಸ್.ದೇವಾಡಿಗ ಮೆರೆನ ಮುತಾಲಿಕೆಡ್ ನಡತಿನ ಗೋಪೂಜೆಡ್ ಬಗ್ಗುಪಂಜುರ್ಲಿ ದೈವಸ್ಥಾನದ ಸಾಣಿಕೆರಾಯಿನ ಚಂದ್ರಶೇಖರ್,ಬೊಕ್ಕ ಅರೆನ ಕುಟುಂಬದಕುಲು ಬೊಕ್ಕ ಪುಣ್ಯಕೋಟಿ ಸೇವಾಬಳಗದ ಮಾತೆಯೆರ್ ಉಪಸ್ಥಿತರಿತ್ತೆರ್.